Bizkaiko Garraio Partzuergoa

Wikipedia(e)tik
Hona jo: nabigazioa, Bilatu
Bizkaiko Garraio Partzuergoa
Logo ctb.svg
Metro Bilbao Bolueta Station Trains.jpg
BGPak Bilboko metroa kudeatzen du Metro Bilbao S.A. enpresaren bidez.
Mota Partzuergoa
Sektorea Garraiobideak
Sorrera 1975
Sortzailea Eusko Jaurlaritza eta Bizkaiko Foru Aldundia
Egoitza Ugasko kalea, 5 bis, 1. solairua; 48014 Bilbo
Presidentea Jose Luis Bilbao[1]
Merkatuak Bizkaia
Eskumendekoak Bilboko metroa
Webgunea http://www.ctb.eus

Bizkaiko Garraio Partzuergoa (BGP eta gaztelerazko CTB siglez ere ezaguna) Bizkaiko garraio beharrizanak aztertu eta enpresa desberdinen koordinaketaz arduratzen den erakunde publikoa da. BGPa Bilboko metroaren eraikuntzaren arduraduna da, eta baita bere kudeaketarena ere, Metro Bilbao S.A. enpresaren bidez. Gainera, lurraldeko garraio publiko ezberdinen arteko integrazioan lan egiten du.

1975. urtean osatu zen, parte hartzaileak Eusko Jaurlaritza, Bizkaiko Foru Aldundia, Bilboko Udala eta Bilboko metroaren ibilbidearen barruan dauden gainontzeko udalerriak direla.

Eusko Jaurlaritzak eta Bizkaiko Foru Aldundiak, bakoitzak %50era finantziatzen dituzte BGPak eginiko ekimenak.

Jaulkitako txartelak[aldatu | aldatu iturburu kodea]

  • Creditrans, 2000. urtean sortua eta 2013tik Barik txartelaren barruan titulu modura integratua, txartel bakar batean ordezkatu zituen ordura arte indarrean zeuden tren, autobus, funikular eta igogailuen berezko bidaia-txartelak. Creditrans txartela fisikoa 2013ko abenduaren 31ra arte jaulki zen, eta 2014ko urtarrilaren 1.tik aurrera Barik txartelan kargatzen den tituluetariko bat da.
  • Gizatrans, 2008. urtean martxan jarri eta 2013tik Barik txartelaren barruan titulu modura integratua, 65 urtetik gorako, %65 baino gehiagoko ezgaitasun, edota ezinduentzako pertsonei zuzendutako txartela izan zen. Gaur egun Barik kide motatako txartela pertsonalizatuan kargatzen den tituluetariko bat da.
  • Hirukotrans, 2009. urtean jaioa eta 2013tik Barik txartelaren barruan titulu modura integratua, kide ugariko familiei zuzendutakoa izan zen. Aurrekoak bezala, gaur egun titulu modura karga daiteke Barik txartela pertsonalizatuan.
  • Barik, 2012. urtean zabaldua, kontaktu gabeko txartela da, zeinean hainbat titulu ezberdin karga daitezkeen.

Jaulkitako profil eta tituluak[aldatu | aldatu iturburu kodea]

Barik txartela zabaldu eta geroztik BGPak hainbat titulu jaulki ditu, guztiak Barik euskarrian kargatzekoak. Horietako batzuk lortzeko, Barik txartelak profil berezi bat aktibatuta edukitzea eskatzen du:

  • Familia Ugari profila, Familia Ugari Orokor (FNG) eta Familia Ugari Berezientzako (FNE), tarifetan hurrenez hurren %20ko edo %50eko deskontua lortzeko.
  • Gazte profila, Bizkaiko Lurralde Historikoan erroldatutako eta 26 urte arteko gazteentzako.
  • Bilbotrans profila, Bilboko udalerrian erroldatutako eta oinarrizko errentaren laguntza jaso, denbora luzean langabe dauden, ezindu edota erretiratuentzako.

Hona hemen gaur egun BGPak jaulkitako tituluak (Barik euskarrian kargatzeko):

  • Creditrans txanpondegi-titulua, hobaridun prezioekin bidaiatzeko titulu orokorra. Edozein Barik txartel motatan karga daiteke.
  • Gizatrans txanpondegi-titulua, 65 urtetik gorako, %65 baino gehiagoko ezgaitasun, edota ezinduentzako pertsonei zuzendutako titulua. Barik Giza motatako txartel pertsonalizatuan karga daiteke.
  • Bilboko metroaren Hileko titulua, metroan 30 egunetan nahi beste bidaia egiteko. Edozein motatako Barik txartel pertsonalizatuan karga daiteke.
  • Gazte Metro Bilbao (GMB) titulua, metroan 30 egunetan nahi beste bidaia egiteko. Gazte profila aktibatuta duen Barik txartel pertsonalizatuan karga daiteke.
  • Gazte Bizkaibus (GZB) titulua, Bizkaibusen 30 egunetan nahi beste bidaia egiteko. Gazte profila aktibatuta duen Barik txartel pertsonalizatuan karga daiteke.
  • Gazte Bilbao (GZBIO) titulua, Bilbobus eta Artxandako funikularrean 30 egunetan nahi beste bidaia egiteko. Gazte profila aktibatuta duen Barik txartel pertsonalizatuan karga daiteke.

BGPko tituluen erabilpen taula[aldatu | aldatu iturburu kodea]

Creditrans Gizatrans Bilboko metroaren Hilekoa GMB GZB GZBIO
Burdinbideak
Bilboko metroa Yes check.svg L1, L2 Yes check.svg L1, L2 Yes check.svg L1, L2 Yes check.svg L1, L2 X mark.svg X mark.svg
Renfe Aldiriak Yes check.svg C-1, C-2, C-3 X mark.svg X mark.svg X mark.svg X mark.svg X mark.svg
Euskotren Trena Yes check.svg 1*, 1D, 1T, 1K* 3, 4, 5 Yes check.svg 1, 1D, 1T, 1K*, 2, 3, 4, 5 X mark.svg X mark.svg X mark.svg X mark.svg
Euskotren Tranbia Yes check.svg A Yes check.svg A X mark.svg X mark.svg X mark.svg X mark.svg
Renfe Feve Yes check.svg B-1, R-3b X mark.svg X mark.svg X mark.svg X mark.svg X mark.svg
*Bizkaia osoan eta Debako geltokiraino.
Autobusak
Bizkaibus Yes check.svg Yes check.svg X mark.svg X mark.svg Yes check.svg X mark.svg
Bilbobus Yes check.svg Yes check.svg X mark.svg X mark.svg X mark.svg Yes check.svg
Kbus (Barakaldo) Yes check.svg Yes check.svg X mark.svg X mark.svg X mark.svg X mark.svg
Etxebarri Bus Yes check.svg Yes check.svg X mark.svg X mark.svg X mark.svg X mark.svg
E! Busa (Erandio) Yes check.svg Yes check.svg X mark.svg X mark.svg X mark.svg X mark.svg
Sopelbus X mark.svg X mark.svg X mark.svg X mark.svg X mark.svg X mark.svg
Bestelakoak
Bizkaiko Zubia Yes check.svg Yes check.svg X mark.svg X mark.svg X mark.svg X mark.svg
Artxandako funikularra Yes check.svg Yes check.svg X mark.svg X mark.svg X mark.svg Yes check.svg
Ereagako igogailua Yes check.svg Yes check.svg X mark.svg X mark.svg X mark.svg X mark.svg
Bizimeta Yes check.svg Yes check.svg X mark.svg X mark.svg X mark.svg X mark.svg
Bilboko metroko disuasio-aparkalekuak Yes check.svg Yes check.svg Yes check.svg Yes check.svg X mark.svg X mark.svg

Disuasio-aparkalekuak[aldatu | aldatu iturburu kodea]

BGPak hiru disuasio-aparkaleku kudeatzen ditu metro sarean zehar, Leioa, Etxebarri eta Ansioko geltokietan hain zuzen, autoa aparkalekuan utzi eta garraio publikoa erabilarazteko. Gainera, beste hiru aparkaleku daude proiektatuta, Plentzia, Ibarbengoa eta Kabiezesko geltokietan.

Aparkalekuek hobaridun tarifak eskaitzen dituzte bezeroei, hurrengo baldintzapenak direla: bezeroak Creditrans sistemako garraio publikoren bat erabili behar du, autoa Bilboko metroko zerbitzu ordutegiaren barruan besterik ez da aparkatuta egongo, eta autoak ezin izango du 24 ordu baino gehiago aparkatuta egon.

Tarifak[aldatu | aldatu iturburu kodea]

Aurrean azaldutako baldintzak betetzen dituzten bezeroentzako hobaridun tarifak, 2015. urterako, hurrengoak dira: Leioa 0,70€; Etxebarri 0,55€; Ansio 0,70€.

Aurrean azaldutako baldintzak betetzen ez dituzten bezeroentzako tarifa arruntak hurrengoak dira: Leioa 0,05€/min; Etxebarri 0,05€/min; Ansio BEC tarifa propioa.

Erreferentziak[aldatu | aldatu iturburu kodea]

  1.   Euskal Herriko Agintaritzaren Aldizkaria, «BESTELAKO XEDAPENAK», http://www.lehendakaritza.ejgv.euskadi.net/r48-bopv2/eu/bopv2/datos/2013/01/1300505e.shtml. Noiz kontsultatua: 2013-01-28 .

Kanpo loturak[aldatu | aldatu iturburu kodea]