Bokaleko geltokia

Wikipedia, Entziklopedia askea
Jump to navigation Jump to search
Infobox train2.png
Bokale / lo Bocau / Boucau
Bokaleko geltokia Gara deu Bocau 2009-11.jpg
Logo SNCF 2011.svg SNCF
Geltokia <Linea> Geltokia
Baionako geltokia
Bordele-Irun trenbideaOndres Itzuli
Kokapena
Udalerria Bokale
Zerbitzuak TER Aquitaine
Garraio zerbitzuak
Bestelakoak STAB 5[1], 10

Bokale (gaskoieraz lo Bocau eta frantsesez Boucau) Lapurdiko Bokale herrian dagoen tren geltokia da.[2] SNCF erakundeak ustiatutako geltokia Aturri ertzeko la Cala eta herriko erdialdearen artean dago. Bordele-Irun trenbideko geltokia da.

Trenbideak[aldatu | aldatu iturburu kodea]

Egun bertan gelditzen den tren zerbitzu bakarra Hendaiatik Bordele-Saint-Jean geltokira doan TER Aquitaine da.

Inportantzia historikoa[aldatu | aldatu iturburu kodea]

Bokaleko geltokia eta Pierre Semard plaza.

1854ko urriaren 1ean heldu zen herri honetara lehen trena, eta trenbidearen inaugurazio ofiziala hurrengo egunean izan zen.[3] Trenbidea pasatu eta geltokiko instalazioak egin ahal izateko, la Cala izeneko portutxoa lurrez bete zuten 1854 eta 1857artean; portua lekualdatu eta beranduago berriro zabaldu zuten. Horrek guztiak kalapita handia sortu zuen herrian.[4]

Bokaleren existentzian bertan geltoki honek rol garrantzitsua jokatu izan du. 1855ean Bordele-Baiona trenbidea abian jartzeak orduan Tarnoseko auzoa besterik ez zen Bokale auzoan geltokia egitea ekarri zuen. Apur bat beranduago, 1857ko irailaren 14ko dekretu baten bidez, Napoleon III.ak Bokale udalerri berria sortzea agindu zuen. Lehen urteetan, Baionatik atera eta Bokalera joaten ziren plazerezko trenak antolatu zituen Compagnie du Midik, orduan Lapurdiko hiriburuaren lorategi gisa irudikatzen zelako.[5]

Aldiz, trenbidea izateak eta portua bertantxe egoteak izugarri erraztu zuen hurrengo urteetan gertatuko zen itxuraldaketa: Bizkaitik ekarritako burdinak Bokale famatu bihurtu zuen: 1881ean, Forges de l'Adour lantegia sortu zen. Enpresa hori errailak eta trenbideetarako beharrezkoak diren osagaiak egiten aritu zen; urte horietan Okzitania aldean eraiki ziren trenbide gehienek lantegi honetan egindako errailak dituzte. Horrekin guztiarekin, udalerri honetan inoizko aldaketa demografiko eta ekonomiko handiena gertatu zen.

Erasoa[aldatu | aldatu iturburu kodea]

2007ko apirilaren 11n geltoki honetako erlojua tirokatu zuten. Erasoa Irrintzi talde armatuak hartu zuen bere gain.[6]

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]


Aurrekoa
Baiona
Hendaia/Irun
Trena
terAquitaine
Ondorengoa
Ondrese
Bordele/Akize