Bolibar (Eskoriatza)

Bolibar
	Euskal Herria
Kokapena
Herrialdea	Gipuzkoa
Udalerria	Eskoriatza
Geografia
Koordenatuak	43°00′13″N 2°31′41″W / 43.0035514°N 2.5281437°W
Garaiera	381 m
Demografia
Biztanleria	119 (2022)

Artikulu hau Eskoriatzako auzoari buruzkoa da; beste esanahietarako, ikus «Bolibar».

Bolibar Eskoriatza udalerri gipuzkoarraren hegoaldean dagoen auzoa eta bertako zazpi elizateetako bat da.

Mugakideak

Iparraldean Eskoriatzako herrigunea, hegoaldean Elgea (Barrundia), ekialdean Mendiola (Eskoriatza) eta mendebaldean Mazmela eta Zarimutz (Eskoriatza) eta Leintz-Gatzagako udalerria mugakide ditu.

Demografia

Bolibarko biztanleria

Auzuneak

Lete eta Eraña auzuneek elizatea osatzen dute. Alde batetik, Lete kilometro bat baino gehixeagoko malda batek zeharkatzen du oso-osorik eta bertan dago Eskoriatzako hilerria. Eta, maldaren tontorrean, Bideko Andre Maria Birjinaren omenezko irudi bat dago. Bertatik, Erañarako, Mendiola (Eskoriatza) auzorako edo Aretxabaletako Arkarazo elizaterako bideak daude.

Bestetik, Erañan San Andres baseliza eta Axtrokiko harkaitza aipatzekoak dira.

Arkeologia

Bertan aurkitu ziren, Eraña auzoan zehazki, Brontze Aroko bi urrezko ontzi, Axtrokiko harkaitzean. Gorago, Eraña auzoko baserrien ondoan, San Andres Ermita dagoen tokian, bi harrizko sarkofago aurkitu ziren. Uxar kobazuloan ere ondare arkeologikoa topatu da^[1].

Mendiak

Zaraia, Elgea eta Arlabaneko mendilerroetan aurkitzen diren mendi ugaritarako abiapuntua da. Horien artean, Aitzorrotz, Aranguren, Elorretako Haitza, Kurtzebarri eta Mugarriluze. Aitzorrotz menditik gertu, gainera, Gomiztiturri iturria dago.