Boloniako Automobil Erakusketa
| Boloniako Automobil Erakusketa | |||
|---|---|---|---|
| |||
| Mota | gertaera errepikakor | ||
| Indarraldi | 1976 - | ||
| Herrialdea | Italia | ||
| Webgune | motorshow.it | ||
Boloniako Automobil Erakusketa (Boloniako Motor Show izenez ere ezaguna), automobilak eta motozikletak erakusteari eskainitako urteroko lehiaketa bat zen, OICAk aitortua. 1976tik 2017ra antolatu zen Boloniako erakustazokako instalazioetan, eta abenduko lehen hamar egunetan egiten zen.
Historia[aldatu | aldatu iturburu kodea]
Lehiaketa Mario Zodiaco boloniarrak asmatu eta sortu zuen, gazteentzako eta emakumeentzako oso interesgarriak ez ziren Turingo Automobil Erakusketaren eta Genevako Automobil Erakusketaren alternatiba eskaini nahi izan zuena. Zodiacok enpresa bat sortu zuen Sandro Munari eta Giacomo Agostinirekin batera, 1976an egin zen Automobil Erakusketa berria kudeatu eta sustatzeko.
1980ko edizioaren ostean, Alfredo Cazzolari saldu zizkion eskubide guztiak, eta honek, bere "Promotor" enpresaren bitartez, bere gain hartu zuen erakundea 2006ko ediziora arte. 2007an "Promotor" GI Events talde frantsesari saldu zioten.
Ekitaldiaren iraupena astebete pasatxokoa izan zen, eta munduko auto eta moto ekoizle nagusiak egon ohi ziren, euren erakusketa guneekin.
Bi eta lau gurpiletako pertsona ospetsu ugarik ere parte hartu zuten Automobil Erakusketan. Izan ere, ekitaldia ezaguna zen azken modeloen eta etorkizuneko ekoizpen-prototipoen aurkezpenagatik ez ezik, pabilioietatik kanpo lehiaketak eta ikuskizunak antolatzen ziren zirkuituak egoteagatik ere. Nazioarteko mailan, automobilgintzaren munduarekin lotutako ia kirol guztien presentzia bildu zuen, 1 Formulatik hasi eta rallyetaraino.
1988 eta 1996 artean 1 Formulako Indoor Trofeoa hartu zuen.
2013ko urrian, urte horretako edizioa bertan behera geratuko zela iragarri zen, automobilgintzaren sektorean izandako zailtasunengatik. [1]
Ekitaldia 2014an berreskuratu zen, abenduaren 6tik 14ra bitartean ospatu zen. 2015eko azaroan urte bereko edizioa bertan behera geratuko zela jakinarazi zuten. [2]
Boloniako ekitaldiaren 2016ko edizioa abenduaren 3tik 11ra egin zen [3] eta GL Events-en eskubide guztiak eskuratu zituen Boloniako Erakustazokak zuzenean antolatutako lehen edizioa izan zen.
Azken edizioetako galera handien ostean, 2018ko edizioa, hasiera batean iraupen murriztuarekin iragarria, bertan behera geratu zen. Irailaren 25ean egindako prentsaurrekoan, formatu, data eta leku aldaketa erabateko berri eman zen. 2019ko maiatzaren 16tik 19ra bitartean antolatutako Modenako Erakustazoka, Modenako Autodromoa eta probintziako motor munduarekin zerikusia duten museo ezberdinen artean banatutako jaialdi berri batek ordezkatu zuen Automobil Erakusketa historikoa Modena hirian, Motor Valley Fest izenpean. [4]
Erreferentziak[aldatu | aldatu iturburu kodea]
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q1187361
Multimedia: Motor Show Bologna / Q1187361