Boloniako sarraskia

Wikipedia, Entziklopedia askea
Boloniako sarraskia
Irudia
Motabonba erasoa
masa hilketa
Data1980ko abuztuaren 2a
KokalekuBologna Centrale railway station (en) Itzuli
HerrialdeaItalia
Parte-hartzaile
HelburuBologna Centrale railway station (en) Itzuli
Pertsona hilak85
Pertsona zaurituak200
Armaimprovised explosive device (en) Itzuli

Boloniako sarraskia atentatu terrorista izan zen, 1980ko abuztuaren 2an, Boloniako (Italia) tren geltokian burutua. 85 lagunek bizia galdu zuten eta zaurituak berrehundik gora izan ziren.

Lehen uneetan Francesco Cossigak zuzendutako Gobernuak eta poliziak istripua izan zela adierazi zuten arren, ondoren ardura Brigada Gorriei egotzi zieten. Hala ere, denborarekin atentatu hau talde faxista beltzek burutu zutela onartu zen. Hauek, Italiako Alderdi Komunista boterera irits zitekeela ikusirik, tentsioaren estrategia delakoa jarraitu zuten, desordena sortuz gizartean gobernu eskuindar autoritario baten beharra sortzeko helburuarekin.

Ekinbide judizial luzeen ondoren, 1995eko azaroaren 23an atentatuaren egileak bizi osorako zigortu zituzten: Valerio Fioravanti eta Francesca Mambro neofaxistak. Hauek bere burua beti errugabetzat jo zuten. Beste hainbat pertsona ere zigortu zituzten pista faltsuak emateagatik.

Hainbat taldek, atentatu honen atzean Italiako estatuko aparatuek eta NATOko egiturek osatutako Gladio egitura sekretua zegoela defendatzen dute [1].

Boloniako tren geltokian, hildakoen omenez, ondokoa jartzen du: "vittime del terrorismo fascista".

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]