Boqueróngo departamendua edo Boquerón (gaztelaniaz: Departamento de Boquerón) Paraguaiko ipar-mendebaldean dagoen departamendua da. Mugakide ditu iparraldean Paraguai Garaiko departamendua, ekialdean Hayes presidentea departamendua, hegoaldean Argentina eta mendabaldean Bolivia. 91.669 km²ko azalerarekin herrialdeko departamendurik handiena da. Biztanle-kopuruari dagokionez, ordea, 63.011 biztanlerekin 2017ko estimazioaren arabera, herrialdeko biztanle gutxien duen bigarren departamendua da. Filadelfia du hiriburu.