Cadaguako trenbidea

Wikipedia, Entziklopedia askea
Jump to navigation Jump to search

Cadaguako trenbidea Zorrotza eta Balmaseda artean (trenbideari izena eman zion Cadagua ibaiaren arroan) 1888tik 1893raino izandako trenbide estuko burdinbidea izan zen, gero Santander-Bilbo trenbidearen zati bat bilakatuko zena.[1]

Historia[aldatu | aldatu iturburu kodea]

Cadagua ibaiaren arroan trenbidea eraikitzeko proiektua Victor Txabarri, Manuel Allendesalazar, Enrique Aresti eta Ramon Bergék 1888ko maiatzean Espainiako Kongresuan aurkeztu zuten. Urte bereko uztailean onartu zuten. 99 urterako herri-onura izendaturiko trenbidea ustiatzeko Compañía del Ferrocarril del Cadagua izeneko konpainia 1888ko uztailaren 2an eratu zuten. Bidearen jatorria egun Bilboko Renfe Aldirietako C-1 trenbidea den eta orduan Bilbo-Portugalete trenbidea zenaren Zorrotzako geltokian kokatu zuten.

Trenbidea 1890eko abenduaren 5ean ireki eta urtero 96.000 bidaiari aurrekusten bazituzten ere, lau urte geroago 219.504 bidaiarik erabiltzen zuten[2].

1893ko uztailaren 28an, Victor Txabarrik Zalla eta Solares arteko trenbidearen emakida lortu eta Orejo-Aranguren lotura egin ondoren, Santander-Solares trenbidearekin batu zuen trenbidea. Horretarako Compañía del Ferrocarril de Santander a Bilbao izeneko konpainia sortu zuen.

Gaur egun Renfe Fevek ustiatzen du ibilbidea.

Ezaugarri teknikoak[aldatu | aldatu iturburu kodea]

Data Ibilbidea Luzera (km)
1890eko abenduaren 5a Zorrotza-Balmaseda 27,0

Tren makinak[aldatu | aldatu iturburu kodea]

Klasea Fabrikatzailea Lantegi-zbk. Urtea Pisua (Tm.)
220 T Sharp-Stewart, Manchester 3583-3584 1890 ?
030 T Hunslet Engine Co., Leeds 538 1891 ?
030 T Hanomag 1572 1883 15,0

Erreferentziak[aldatu | aldatu iturburu kodea]

  1. Novo López, Pedro A. (2004) El Ferrocarril de Bilbao a Santander Historia de los Ferrocarriles de Vía Estrecha en España Madril: Fundación de los Ferrocarriles Españoles ISBN 84-88675-98-4.
  2. Ferropedia Compañía del Ferrocarril del Cadagua.