Camilla Läckberg

Wikipedia, Entziklopedia askea
Jump to navigation Jump to search
Camilla Läckberg
Camilla Läckberg in November 2012.jpg
Bizitza
Jaiotza Fjällbacka1974ko abuztuaren  30a (44 urte)
Herrialdea  Suedia
Familia
Ezkontidea(k) Martin Melin Itzuli  (abuztua 2010 -  urtarrila 2014)
Hezkuntza
Heziketa University of Gothenburg Itzuli : ekonomia
Hizkuntzak suediera
Jarduerak
Jarduerak idazlea, eleberrigilea, telebista aurkezlea eta ekonomialaria
Jasotako sariak
IMDb nm2644274
www.camillalackberg.se/

Jean Edith Camilla Läckberg Sköld (Fjällbacka, Suedia, 1974ko abuztuaren 30) nobela beltzeko idazle suediarra da. Bere lanak 60 herrialdetan 40 hizkuntzetara itzuli dira[1]. Bere liburuak bere jaioterrian eta bere inguruan garatzen dira, Fjällbackan, eta bere protagonistak Patrik Hedström polizia eta Erika Falck idazlea dira.

Biografia[aldatu | aldatu iturburu kodea]

Camila Lackberg Fjällbackan jaio eta hazi zen eta oso gazte zelarik hasi zen idazten. Lehen lana, Tomten (Iratxo), 4-5 urte zituelarik idatzi zuen eta odoltsua eta beldurgarria zen[2].

Göteborgko Unibertsitatean Ekonomian Lizentziatu eta gero Estokolmora joan zen bizi eta ekonomista lanetan bi urtez aritzeko. Bere senitartekoek gabonetan oparitu zioten idazketa ikastaroan mamitzen hasi zen bere lehen nobela[3]. Kurtso hartan bere irakasleak iradoki zion istorioak oso ondo ezagutzen zuen leku batean kokatzeko.

Hirutan ezkondua lau seme-alaba ditu. Micke Eriksson eta Martin Melinengandik banandua[4], gaur egun, Simon Sköld da bere senarra 2017tik aurrera eta laugarren haurraren aita[5][6]. Enskeden bizi dira.

Idazle lanaz gain, Sahara Silversmycken zilar bitxitegian disenatzailea den Lovisa Wester Bäckströmen bazkide da, Pelle Nylén konpositore eta produktorearekin batera One Spoon Music (Goilarakada Musika) musika konpainia bultzaten saiatzen da eta Haurren Minbizi Fundazioaren embaxadore da 2010tik[7].

Idazlea[aldatu | aldatu iturburu kodea]

2002an argitaratutako Isprinsessan (Izotzezko printzesa) izan zen Camilla Läckbergen lehengo nobela arrakastatsua. Idazketa ikastaroa egiten ari zela, irakasleak istorioa Camillak ondo ezagutzen zuen leku batean kokatzea gomendatu zionez Fjällbacka da eszenatoki nagusia bere liburuetan[8]. Hau izan zen Erica Falck eta Patrik Hedström protagonistatzat zituen serie baten lehenengoa. Hiru urteren buruan bere liburuak Suedian bestseller bihurtu ziren.

Kritika onak izan dituzte Läckbergen lanek eta bere ospea handituz joan da. Gehien saltzen duen Suediako idazle honek 25 milioi ale baino gehiago saldu ditu 50 herrialdeetan[9]. Irabazi dituen sarien artean Urteko Egilerik Onenari SKTF Saria (Suedia, 2005), Folket Literatur Saria (Suedia, 2006) eta Polizia-nobela Sari Nagusia (Frantzia, 2008) nabarmentzen dira. 2012an Expressen egunkari suediarrak “Urteko emakumea” izendatu zuen Camilla[10].

2012an Läckbergen nobelekin telebistarako 6 pelikuletako serie bat egin zuten Fjällbackamorden (Fjällbackako hilketak) izenburupean[11].

Nobeletaz at, errezeta liburu batean hartu du parte Smaker de Fjällbacka gaztetako lagun zuen sukaldari ospetsu batekin, Christian Hellberg, Fjällbackako gastronomian oinarritua[12]. Umeentzat ere idatzi du Läckbergek, Super-Charlie, besoetako haur bat protagonista duen serie bat bere hirugarren semean inspiratuta.

Lanak[aldatu | aldatu iturburu kodea]

Fjällbacka saila (Erica Falck eta Patrik Hedström)[aldatu | aldatu iturburu kodea]

Argitaratua Izenburua Suedieraz Izenburua Ingelesez Izenburua gazteleraz
2003 Isprinsessan The Ice Princess La princesa de hielo
2004 Predikanten The Preacher Los gritos del pasado
2005 Stenhuggaren The Stonecutter Las hijas de frío
2006 Olycksfågeln The Gallows Bird / The Stranger Crimen en directo
2007 Tyskungen The Hidden Child Las huellas imborrables
2008 Sjöjungfrun The Drowning La sombra de la sirena
2009 Fyrvaktaren The Lost Boy Los vigilantes del faro
2011 Änglamakerskan The Angel Maker's Wife La mirada de los ángeles
2014 Lejontämjaren The Ice Child El domador de leones
2017 Häxan The Witch La bruja

Ipuin laburrak[aldatu | aldatu iturburu kodea]

2013an Mord och mandeldoft lau ipuinez osatua argitaratu zuen, Fjällbackan kokatua. Sailaren 10. urteurrena ospatzeko idatzi zuen baino honetaz banandua dago[13].

Haurrentzako liburuak[aldatu | aldatu iturburu kodea]

Haurrentzat Super-Charlie saila idazten du Läckbergek. Hirugarren semeaz haurdun zegoela dagoeneko zituen haurrek sabelean zer zuen galdetu ziotenean etorri zitzaion ideia burura[14]. Amak ematen zizkien azalpenetatik jaio zen Super-Charlie. Sail honek gutxienez sei liburu ditu dagoeneko, Camillak idatzi eta Millis Sarrik ilustratuak[15][16].

Erreferentziak[aldatu | aldatu iturburu kodea]

  1. Maeva Biografia (Gaztelaniaz)
  2. El libro en blanco Hablamos de Camilla Läckberg (Gaztelaniaz)
  3. El avión de papel.tv Antes de ser escritora, era la economista sueca más infeliz (Gaztelaniaz)
  4. Stoppa Pressarna! Elkarrizketa (Suedieraz)
  5. Mi novio es más joven que yo Una pareja sin prejuicios (Gaztelaniaz)/
  6. Aftonbladet Camilla eta Simon ezkondu dira (Suedieraz)
  7. Camilla Läckberg web orria Bazkide lanak (Ingelesez)
  8. Viajes, rock y fotos Fjällbacka, el pueblo más intrigante de Suecia (Gaztelaniaz)
  9. El Mundo Seguimos en la caza de brujas (Gaztelaniaz)
  10. Camilla Läckberg web orria Sariak (Ingelesez)
  11. El País Los crímenes de Fjällbacka (Gaztelaniaz)
  12. Diario de Navarra Hay caza de brujas en las redes sociales (Gaztelaniaz)
  13. Yo leo Maeva Así es Tormenta de nieve y aroma de almendras (Gaztelaniaz)/
  14. Portal de las Bibliotecas de Madrid Camillari elkarrizketa (Gaztelaniaz)
  15. Maeva Super-Charlie (Gaztelaniaz)
  16. Millis Sarri Super-Charlie