Cardiff City Football Club

Cardiff City Football Club

Ezizena(k)	The Bluebirds
Sorrera	1899ko urtarrilaren 1a
Futbol zelaia	Cardiff City Stadium edukiera: 27.500 lagun inaugurazioa: 2010eko uztailaren 22a
Presidentea	Vincent Tant
Entrenatzailea	Neil Warnock
Liga	Premier League
2018-19	18.a (jeitsi da)
Webgunea	Webgune ofiziala
Etxekoa 　 Kanpokoa

Premier Leagueko partida Evertonen aurka, ezohiko elastiko gorriarekin.

Cardiff City Football Club (galesez: Clwb Pêl-droed Dinas Caerdydd) Galesko Cardiff hiriburuko futbol talde bat da.

Historia

1899ko urtarrilaren 1an Riverside A.F.C. izenarekin sortu zen Galesko hiriburuan. 1908 urtean Cardiff City izena hartu zuen. Lehenengo urte bikainak 20. hamarkadaren erdi aldera izan zituen. 1924ean Ligan bigarren egin zuen, 1925ean Kopako finalista izan zen eta azkenik 1927an Kopa irabaztea lortu zuen, Ingalaterratik kanpoko talde batek lortu duen aldi bakarra da. Hori gutxi balitz Charity Kopa (Superkopa) ere lortu zuen urte berean. Ordutik aurrera taldearen gainbehera etorri zen.

60. hamarkadan Ingalaterrako bigarren mailako taldea izan arren Galesko Koparen bidez Europako Errekopa jokatzen hasi zen. Horrela 1968an final erdietara iritsi zen (bigarren mailako talde batek inoiz lortu duen emaitzarik onena) baina Hanburgok kanporatu zuen, etxean 1-1 berdindu eta Alemanian 3-2 galdu baitzuen.

1992an Galesko futbol liga sortu arren Cardiffek Ingalaterran lehiatzen jarraitzea erabaki zuen, bigarren mailako taldea bazen ere ekonomikoki errentagarriagoa baitzitzaion. Azken urteetan oso ondo ibili da. 2008an berriz iritsi zen Kopako finalera baina Portsmouthek 1-0 gainditu zuen finalean. 2012an Ligako Kopako finala jokatu zuen eta oraingoan Liverpool FC izan zuen borrero penalti jaurtiketatan.

Azkenik 2013an lehen mailara igotzea lortu zuen 51 urteren ondoren. 2012 eta 2015 artean ekipamendua aldatu eta elastiko gorria eta praka beltzak erabili zituen. 2015 urtean bere kolore urdin historikoa berreskuratu zuen eta 2018an berriz igo zen.

Ekipamendua

Riverside AFC

Cardiff 1908

2012-2015

2017-2018

Irabazitako txapelketak

Ingalaterran: 2

• Ingalaterrako Liga (0): bigarrena 1924ean.
• Ingalaterrako Kopa (1): 1927.
• Charity Cup (Superkopa) (1): 1927.
• Ligako Kopa (0): finalista 2012an.

Galesen: 23

• Galesko Kopa (22): 1912, 1920, 1922, 1923, 1927, 1928, 1930, 1956, 1959, 1964, 1965, 1967, 1968, 1969, 1970, 1971, 1973, 1974, 1976, 1988, 1992, 1993.
• Federazioaren Kopa (1): 2002.

Nazio artean: 0

• Europako Errekopa (0):
  • final erdietan 1968an.

Kanpo estekak

• Cardiff City F.C. taldearen webgunea

• Datuak: Q18662
• Multimedia: Cardiff City F.C. / Q18662