Carlos Roberto Reina

Wikipedia(e)tik
Hona jo: nabigazioa, Bilatu
Carlos Roberto Reina
Carlos Roberto Reina.jpg
Hondurasko presidentea

1994ko urtarrilak 27 - 1998ko urtarrilak 27
Rafael Leonardo Callejas Ramera - Carlos Roberto Flores
Bizitza
Jaiotza Tegucigalpa1926ko martxoaren 13a
Herrialdea  Honduras
Heriotza Tegucigalpa2003ko abuztuaren 19a (77 urte)
Heriotza modua suizidioa
Hezkuntza
Heziketa Universidad Nacional Autónoma de Honduras
Lanbidea
Lanbidea diplomazialaria, epailea eta abokatua
Sinesmenak
Alderdi politikoa Liberal Party of Honduras

Carlos Roberto Reina Idiáquez (Comayagüela, 1926 - Tegucigalpa, 2003) hondurastar politikaria izan zen. Hondurasko Errepublikaren lehendakaria (1994-1998). Politiko liberalen familia batean hazi eta hezia. Lege eta nazioarteko zuzenbide-ikasketak egin zituen, Hondurasen, Parisen, eta Cambridge eta Londresen. 1944an, Tiburcio Carías diktadorearen aurkako manifestazio batean parte hartzeagatik, kartzelan sartu zuten bost hilabetez. 1945ean El Salvadorrera erbesteratu zen, 1947 arte. Diplomatiko gisa, Hondurasko delegazioko negozio-idazkari izan zen, Londresen (1956-1957), eta enbaxadore, Frantzian (1960-1963). Hondurasera itzuli zenean, kartzelan sartu zuten berriro (1963-1968), Oswaldo López Arellano koronelaren gobernu militarraren garaian. Alderdi Liberalaren barruan, barne-kontrolaren ardura izan zuen 1970eko hamarraldiaren hasiera arte; orduan alderdiko sektore kontserbadoreenak, Modesto Rodasen gidaritzapean, ezkertiartzat baztertu zuen. 1970etik aurrera, Hondurasko lehendakari hautatu zuten arte, eskolak eman zituen unibertsitatean. 1979-1985 bitartean Amerika Arteko Giza Eskubideen Auzitegiko lehendakari izan zen. Hurrengo urteetan, bere herrialdea ordezkatu zuen Hagan, Nazio Batuen Nazioarteko Justizia Auzitegian, Hondurasen eta El Salvadorren arteko muga auzi bat konpontzeko. 1993an hauteskundeetan lehendakari hautatu zuten (botoen %54a), Hondurasko Alderdi Liberalaren aldetik. Bere politikaren bi zutabe nagusiak giza eskubideen defentsa eta arazo sozialen konponbidea izan ziren. 1998an Carlos Roberto Flores alderdikideak hartu zuen kargua. 1998-1999 urte bitartean, Erdialdeko Ameriketako Parlamentuko (Parlacen) lehendakaria izan zen. Azkenik, 2003. urteko abuztuan, Carlos Roberto Reinak bere burua tiro batez hil zuen. Bere suizidioren arrazoia gaixotasun jasanezin bat izan daitekeela uste da.

Erreferentziak[aldatu | aldatu iturburu kodea]