Carme Forcadell
Carme Forcadell i Lluís (Xerta, Baix Ebre, 1955eko maiatzaren 29a[1]) Plataforma per la Llengua erakundeko sortzaileetako bat da, baita Sabadellgo Òmnium Cultural erakundeko zuzendaritzako kidea eta Assemblea Nacional Catalana ("Kataluniar Biltzar Nazionala") erakundeko lehendakaria ere.
2015eko irailaren 27ko Kataluniako hauteskundeen ondoren (Junts pel Sí zerrendaren 2. tokian agertu zen), 2015eko urriaren 26an Kataluniako Legebiltzarreko presidente izendatua izan zen.
Biografia
[aldatu | aldatu iturburu kodea]Bartzelonako Unibertsitate Autonomoan Filosofia eta Komunikazio Zientzietan lizentziatua eta Katalan filologian masterduna da. 1985tik aurrera Kataluniako Generalitateko Hezkuntza Sailean funtzionario gisa lan egiten du, 1992tik aurrera Hezkuntza Saileko Katalanezko Irakaskuntza Zerbitzuaren hizkuntz normalizaziorako koordinatzaile lanetan dabil, 2004. urtetik Vallès Occidental eskualdeko hizkuntz interkulturalitateko eta gizarte koheziorako aholkularia ere bada. Irakaskuntza nahiz hizkuntzalaritza eta literaturazko liburuak argitaratu ditu, bai eta hiztegi bat ere. Hainbat hedabideetan hizkuntz planifikazioa, hizkuntza eta nortasunari buruz ere idatzi izan du.
Duela urte askotatik hainbat erakunderekin elkarlanean aritu izan da ere, eta Plataforma pel Dret de Decidir ("Erabakitzeko Eskubidearen Plataforma") erakundean komunikazio batzordeko kidea da. Bestalde, 1999z geroztik Esquerra Republicana alderdiko kidea ere bada.[2] 2012ko udan Katalunian barna ibili zen independentziaren aldeko martxa koordinatu zuen eta irailean "Catalunya, nou estat d'Europa" manifestazioko antolatzaileen bozeramailetako bat izan zen.
Kataluniako prozesu independentistaren alde egindako lanagatik, espainiar botere politiko eta judizialak preso politiko sartu zuten 2018ko martxoan.
Erreferentziak
[aldatu | aldatu iturburu kodea]- ↑ Marc Bataller, “L'actitud hostil d'Espanya ens ajudarà a tenir estat”, Carme Forcadelli elkarrizketa El Punt Avui egunkarian, 2012ko apirilaren 30a, 4. orr.
- ↑ Bere webguneko curriculuma (Katalanez)
Kanpo estekak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Carme Forcadell ![]() |
- Carme Forcadellen webgunea (Katalanez)
- 1955eko jaiotzak
- Gizabanako biziak
- Assemblea Nacional Catalana
- ERCko politikariak
- Kataluniako preso politikoak
- Baix Ebre eskualdeko jendea
- Kataluniako Parlamentuko XII. legegintzaldiko diputatuak
- Kataluniako Parlamentuko XI. legegintzaldiko diputatuak
- Junts pel Síko diputatuak Kataluniako Parlamentuan
- Bartzelonako Unibertsitate Autonomoko ikasleak