Casablancako Hassan II.a Unibertsitatea (arabieraz: جامعة الحسن الثاني بالدارالبیضاء, amazigeraz: ⵜⴰⵎⴰⵜⴰⵔⵜ ⵏ ⵜⴰⵙⴷⴰⵡⵉⵜ ⵏ ⵃⴰⵙⴰⵏ ⵡⵉⵙⵙ ⵙⵉⵏ, Tasdawit Elḥsen wiss sin n Kaẓtiene; frantsesez: Université Hassan II de Casablanca) Marokoko hiriburu ekonomikoan dagoen unibertsitate publikoa da. 2014ko irailean inauguratu zuten, Mohammediako Hassan II.a Unibertsitateak eta Casablancako Unibertsitateak bat egin ondoren.[1] Bere 6 campusekin, Casablancan eta Mohammedian dituen 18 eraikinekin, herrialde osoko unibertsitaterik handiena da. U.S. News & World Report erakundeak sailkatuta dago, unibertsitate arabiarren 2016ko eskualde-sailkapeneko 30. postuan.[2] Casablancako Hassan II.a Unibertsitateak titulu mota ugari eskaintzen ditu ia diziplina eremu guztietan. 117.000 ikasle baino gehiago ditu, 2160 irakasle eta 1.200 langileko administrari eta teknikariak. Unibertsitateak bere egitura zientifikoen bidez (123 laborategi, 10 ikerketa-zentro, 2 ikerketa-plataforma eta behatoki bat) bermatzen du bere ikusgarritasuna estatuan eta nazioartean.
Datuak: Q82826
Multimedia: Hassan II University / Q82826