Catherine Dickens

Catherine Dickens
	; Irudi gehiago
Bizitza
Jaiotzako izen-deiturak	Catherine Thomson Hogarth
Jaiotza	Edinburgo, 1815eko maiatzaren 19a
Herrialdea	Britainia Handia eta Irlandako Erresuma Batua
Bizilekua	Charles Dickensen Museoa; Gloucester Crescent (en) ; Tavistock House (en)
Lehen hizkuntza	ingelesa
Heriotza	Londres, 1879ko azaroaren 22a (64 urte)
Hobiratze lekua	Highgate Cemetery (en)
Heriotza modua	berezko heriotza: minbizia
Familia
Aita	George Hogarth
Ama	Georgina Thomson
Ezkontidea(k)	Charles Dickens (1836ko apirilaren 2a - 1858ko ekaina)
Seme-alabak	ikusi Charles Dickens, Jr. (en) ; Mary Dickens (en) ; Kate Perugini; Walter Landor Dickens (en) ; Francis Dickens (en) ; Alfred D'Orsay Tennyson Dickens (en) ; Sydney Smith Haldimand Dickens (en) ; Henry Fielding Dickens (en) ; Dora Annie Dickens (en) ; Edward Dickens (en) ;
Anai-arrebak	ikusi Mary Scott Hogarth (en) ; Georgina Hogarth (en) ;
Leinua	Dickens family (en)
Hezkuntza
Hizkuntzak	ingelesa
Jarduerak
Jarduerak	idazlea
Izengoitia(k)	Lady Maria Clutterbuck

Catherine Thomson "Kate" Dickens (Edinburgo, Eskozia, Erresuma Batua, 1815eko maiatzaren 19a - London, Ingalaterra, Erresuma Batua, 1879ko azaroaren 22a) Charles Dickens eleberrigilearen emaztea eta bere hamar haurren ama izan zen.

Biografia[aldatu | aldatu iturburu kodea]

1836an ezkondu zen Charles Dickensekin eta hamar seme-alaba izan zituzten. Badirudi, ordea, liburuaren salmentek gora egiten zuten bitartean, senar-emazteen arteko harremana gainbehera zetorrela. Senarraren esanetan, Catherine ama eta etxekoandre ezgauza zen eta hainbeste haur izatea leporatzen zion, horrek buruhauste ekonomikoak eragin zizkiolako. Buruko arazoak zituela ere esan zuen^[1].

1851ean, Londonen, What shall we have for dinner? (Zer afalduko dugu?) izenburuko liburua argitaratu zen. Lady Maria Cuttlerbuck-ek sinatutako lanak afaltzeko 42 menu jasotzen zituen, askotarikoak, bi lagunentzako afari xumeetatik hasi eta hamazortzi afaltiarrentzako oturuntza oparoetaraino. Londres viktoriarrean gastronomiarekiko interesa gora ari zen, atzerriko sukaldaritza lantzen zuten jatetxe kopurua bezala. Errezeta bilduma hura best-seller bihurtu zen berehala. Liburuaren jatorrizko ediziorik ez da gorde eta, horregatik, ez da jakin zehazki urte hartako zein garaitan argitaratu zen. Baina urrirako agortua zegoen, bigarren edizioa orduan argitaratu baitzen. Gutxienez bost berrargitalpen egin zituzten 1860. urtea bitartean. Gerora jakin zen Lady Maria Cuttlerbuck izengoitia zela –frantziar komedia bateko pertsonaia baten izena da– eta liburua Charles Dickens idazle ospetsuaren Devonshire Terraceko etxean idatzi zela. Adituek uste dute hitzaurrea nobelagileak berak idatzi zuela, baina zalantzarik ez dute edukia Catherine Dickens emazteak idatzi zuela.^[1]

1858ko ekainean banandu ziren eta Catherinek etxea eta zaharrena ez beste seme-alaba guztiak utzi behar izan zituen. Eta hala ere, senarrarekiko leialtasuna agertu zuen hil arte.^[1]

Komunikabideetan[aldatu | aldatu iturburu kodea]

Azken urteotan Catherine Dickens hizpide duten hainbat lan kaleratu dira. What shall we have for dinner? berrargitaratu zuten 2005ean, hari buruzko bi ikerlan argitaratu dira eta BBCk dokumental bat ekoiztu zuen 2011n.^[1]

Erreferentziak[aldatu | aldatu iturburu kodea]

↑ ^a ^b ^c ^d Irazustabarrena, Nagore. (2016ko irailak 4). «Zer afalduko dugu?» Argia CC-BY-SA lizentzia.

Datuak: Q2625262
Multimedia: Catherine Dickens / Q2625262

[aa-1] Irazustabarrena, Nagore. (2016ko irailak 4). «Zer afalduko dugu?» Argia CC-BY-SA lizentzia.

[1]