Christchurcheko meskitetako sarraskia

Wikipedia, Entziklopedia askea
Jump to navigation Jump to search

Christchurcheko meskitetako sarraskia Christchurch Zeelanda Berrian 2019ko martxoaren 15ean ondoz ondo egindako bi eraso izan ziren, ostiraleko otoitzean Al Noor Meskitan eta Linwood Islamdar Zentroan egindakoak. Eskuin muturreko zuri supremazista australiar batek egindako tiroketa horretan 50 lagun hil ziren, eta gutxienez beste 50 zaurituta atera (48, zein iturrik esaten duen).[1][2]

Gertaeren tokiko mapa
Hildakoak omentzeko elkarretaratzea Christchurchen

Berrogeita bi pertsona hil ziren Al Noor-en edo gertu, eta zazpi Linwooden; beste biktima bat ospitalean hil zen. Hiru susmagarri atxilotu zituzten; gero, ordea, haietako bi aske utzi zituzten, zerikusirik ez zutelakoan.[2] Tiroketa horiek eraso terroristatzat hartu dira. Erasoon berezitasun bat da hiltzaileak GoPro bidez guztia grabatu zuela, eta zuzenean Internetera sareratu; gainera, manifestu bat idatzi eta zabaldu zuen, Anders Behring Breivikek egindako sarraskiarekin antzekotasun handiko ekintza honetan.[2]

Tiroketa horiek Featherstongo gerrako presoen aurkako 1943ko erasotik Zeelanda Berrian izandako larrienak izan ziren, orduan 49 lagun hil baitziren.[3] Zeelanda Berriko lehen tiroketa masiboa izan dira 1997ko Raurimu sarraskitik, eta Zeelanda Berriko historiako ekintza kriminal hilgarriena, 1990ko Aramoanako sarraskia gaindituz.[4][5][6]

Erreferentziak[aldatu | aldatu iturburu kodea]

  1. (Ingelesez) «Christchurch death toll rises to 50 after one more victim found at mosque» ABC News 2019-03-17 . Noiz kontsultatua: 2019-03-18.
  2. a b c Berria.eus «Zeelanda Berriko erasotzaileak bakarrik jardun zuela baieztatu du Poliziak» Berria . Noiz kontsultatua: 2019-03-18.
  3. (Ingelesez) Christchurch mosque shootings: New Zealand's worst since 1943 2019-03-15 ISSN 1170-0777 . Noiz kontsultatua: 2019-03-15.
  4. (Ingelesez) anna.leask@nzherald.co.nz @AnnaLeask, Anna Leask Anna Leask is senior police reporter for the New Zealand Herald (2017-02-03) Raurimu 20 years on: the madman, the massacre and the memories ISSN 1170-0777 . Noiz kontsultatua: 2019-03-15.
  5. (Ingelesez) Graham-McLay, Charlotte; Ramzy, Austin; Victor, Daniel (2019-03-14) «Christchurch Mosque Shootings Were Partly Streamed on Facebook» The New York Times ISSN 0362-4331 . Noiz kontsultatua: 2019-03-15.
  6. (Ingelesez) «49 dead in terror attack at New Zealand mosques: Live updates» www.cnn.com 2019-03-15 . Noiz kontsultatua: 2019-03-15.

Ikus, gainera[aldatu | aldatu iturburu kodea]