Christine Mboma

Atletismoa
Kirol diziplinak	200 metroko lasterketa
Errekorrak
Marka pertsonalak

Christine Mboma
	;
Bizitza
Jaiotza	Divundu (en) , 2003ko maiatzaren 22a (20 urte)
Herrialdea	Namibia
Bizilekua	Grootfontein (en)
Jarduerak
Jarduerak	lasterkaria
Atletismoa
Kirol diziplinak	200 metroko lasterketa
Errekorrak
Marka pertsonalak
	Parte-hartzailea Atletismoa 2020ko Udako Olinpiar Jokoetan - Emakumezkoak 200 metro (2.) ;

Christine Mboma (Divundu, 2003ko maiatzaren 22a) Namibiako atleta da 2020ko Udako Olinpiar Jokoetan zirrezko domina eskuratu zuena 200 metrotako lasterketan. 18 urterekin 20 urtez azpiko 200 eta 400 metrotako munduko errekorrak egin ditu.

Testosterona maila natural altua izateagatik Mbomak eta herrialdekide duen Masilingik debekatua dute 400 metroko eta handik goragoko lasterketatan parte hartzea eta distantzia horretan ezin izan dute Olinpiar Jokoetan lehiatu^[1]. Polemika handia piztu duen erabakia izan zen.

Kirol ibilbidea[aldatu | aldatu iturburu kodea]

2019an 16 urte baino ez zituea Mbomak Cossasa Jokoetan 800 eta 1.500 metrotako lasterketak irabazi zituen (ez ofizialak). Uztailean Afrika hegoaldeko txapelketatan 800 metrotan brontzezko domina eskuratu zuen.

2020an ekitaldiz ekitaldi marka hobetuz joan zen eta Windhoeken abenduaren 17an 400 metrotan 51.57koa ezarri zuen. 2021eko apirilaren 11n 20 urtez azpiko munduko errekorra lortu zuen, 49.24 hain zuzen ere. Ekainaren 30ean berriro jaitsi zuen marka, 48.54 egin zuen Polonian. Historian lortu den 12 marka absoluturik onena da^[2].

Tokioko Olinpiar Jokoetarako 400 metrotan lehiatzeko debekua jaso ondoren 200 metrotan lehiatuko zela adierazi zuen^[3]. Finalera iritsi zen eta bigarren egin zuen Elaine Thompson-Herah jamaikarraren atzetik. 21.81 denbora lortu zuen, 200 metrotako 20 urtez azpiko munduko errekorra hain zuzen ere^[4].