City Hall (filma)

City Hall (filma)
Jatorria
Argitaratze-data	1996
Izenburua	City Hall
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film dramatikoa eta krimenezko filma
Iraupena	107 minutu
Kolorea	koloretakoa
Grabazio lekua(k)	New York eta New Jersey
Zuzendaritza eta gidoia
Zuzendaria(k)	Harold Becker (en) [[Kategoria:Harold Becker (en) zuzendutako filmak]]
Gidoigilea(k)	Paul Schrader Nicholas Pileggi Bo Goldman
Antzezlea(k)
Al Pacino John Cusack Bridget Fonda Danny Aiello Richard Schiff David Paymer Martin Landau Roberta Peters (en) Anthony Franciosa Lindsay Duncan Mel Winkler Nestor Serrano Lauren Vélez Tamara Tunie Fran Brill John Slattery John Finn Richard Gant Murphy Guyer [[Kategoria:Roberta Peters (en) antzeztutako filmak]]
Ekoizpena
Ekoizlea	Harold Becker (en) [[Kategoria:Harold Becker (en) ekoitzitako filmak]]
Konpainia ekoizlea	Castle Rock Entertainment (en) [[Kategoria:Castle Rock Entertainment (en) ekoitzitako filmak]]
Edizioa	David Bretherton
Bestelako lanak
Musikagilea	Jerrald Goldsmith
Argazki-zuzendaria	Michael Seresin
Fikzioa
Kontakizunaren tokia	New York

City Hall (euskaraz Udaletxea) 1996ko Harold Becker estatubatuar zinema zuzendariaren drama filma bat da. Bertan, Al Pacino, John Cusack, Bridget Fonda, Danny Aiello, Richard Schiff, David Paymer eta Martin Landau aktoreek antzeztu zuten.

Filma honek politikarien eta mafiaren arteko harreman iluna ukitzen du, bai eta politikagintzan izan ohi den ustelkeria ere.

Argumentua

1990eko hamarkada, New York. John Papas (Al Pacino) alkatea politikan aski trebatua dagoen plazagizona da, bere hitz-jarioa eta karismari esker hirian nahieran agintzen du. Alkateak Louisianatik iritsi berria den Kevin Calhoun (John Cusack) diputatu gazte idealista laguntzaile du.

Aldi berean, Eddie Santos (Nestor Serrano) detektibeak hiriko polizia departamenduan "gogor" eta zintzo ospea du. Vinnie Zapatti (Angel David) informatzaileak hala eskatuta Santos harekin biltzera doa, baina Brooklyn iparraldeko Broadway eta Marcy kalegurutzean bilera izan behar duten unean Tino Zapatti (Larry Romano) mafiako narkotrafikatzaileak Santosi segada jarri eta bien arteko tiroketa jazoko da, tiroketa horretan bi gizonez gain kaletik aitarekin zihoan James Bone izeneko mutiko beltz bat ere hilko delarik.

Bai Vinnie nahiz Tino, Paul Zapatti (Anthony Franciosa) mafia buruzagi boteretsuaren hilobak dira.

Hilketa horren ikerketen arabera gertaera horren aurretik alkatearen adiskidemina den Walter Stern (Martin Landau) epaileak Tino Zapatti beste hilketa kargu batengatik aske laga zuela azaleraziko dute, alkatea leku txarrean lagaz.

Kevin Calhounek hilketa horren benetazko arduradunak nortzuk diren ikertuko du, aldi berean Marybeth Cogan (Bridget Fonda) abokatuak Santosen alarguna eta familiari haren hilketarengatik diru-laguntza guztia izan dezaten saiatuko da. Bestalde, Paul Zapatti mafiaburuak Frank Anselmo (Danny Aiello) politikariaren bidez Santos polizia zenaren zintzo ospea zikindu edo aldarazten saiatuko da, honela Tino hilobak haurraren hilketan izandako ardura zuritu asmoz.

Aktoreak

• Al Pacino: John Pappas alkatea
• John Cusack: Kevin Calhoun
• Danny Aiello: Frank Anselmo
• Bridget Fonda: Marybeth Cogan
• Tony Franciosa: Paul Zapatti
• Martin Landau: Judge Walter Stern
• David Paymer: Abe Goodman
• Richard Schiff: Larry Schwartz
• Harry Bugin: Morty, zerbitzaria

Kanpo estekak

• City Hall filmaren IMDBko fitxa irakurgai (Ingelesez)
• City Hall filmaren trailer edo iragarkia ikusgai. Youtube.com (Ingelesez)

• Datuak: Q44686