Claire Luxenburgokoa
| Claire Luxenburgokoa | |
|---|---|
| Bizitza | |
| Jaiotzako izen-deiturak | Claire Margareta Lademacher |
| Jaiotza | Filderstadt, 1985eko martxoaren 21a (40 urte) |
| Herrialdea |  Alemania |
| Bizilekua | Usingen Atlanta |
| Lehen hizkuntza | alemana |
| Familia | |
| Aita | Hartmut Lademacher |
| Ezkontidea(k) | Prince Félix of Luxembourg (en)  (2013ko irailaren 17a - |
| Seme-alabak | ikusi
|
| Hezkuntza | |
| Heziketa | Pontifical Athenaeum Regina Apostolorum (en) master, doktoretza : Bioetika Collège Alpin International Beau Soleil (en) Atlanta International School (en) (1996 - 1999) Frankfurt International School (en) (1999 - American University of Paris (en) (2003 - |
| Hizkuntzak | alemana ingelesa frantsesa italiera |
| Jarduerak | |
| Jarduerak | enpresaburua |
Claire Luxenburgokoa (Claire Margareta Lademacher; Filderstadt, Alemania, 1985eko martxoaren 21a) bioetikako ikertzailea eta Luxenburgoko printzesa da, Henrike I.a eta Maria Teresa Luxenburgoko duke-dukesa emerituen bigarren semearekin, Felix printzearekin ezkontzean.[1]
Bizitza
[aldatu | aldatu iturburu kodea]Jaiotza
[aldatu | aldatu iturburu kodea]Aita LHS Telekommunikation-en sortzailea eta Georgia eta Saint-Tropez-eko gaztelu batzuen jabea da.
Haurtzaroa eta gaztaroa
[aldatu | aldatu iturburu kodea]Claire eta neba Usingenen (Alemania) hazi ziren. 11 urte zituela, familia Atlantara (Georgia) joan zen, eta han Atlantako Nazioarteko Eskolan ikasi zuen.
Familia 1999. urtean itzuli zen Alemaniara, eta handik aurrera Frankfurteko Nazioarteko Eskolan ikasi zuen Clairek, Alpin Beau Soleil Nazioarteko Ikastetxe Barnetegian izena eman zuen arte, Villars-sur-Ollonen, Suitzan, non Felix printzea ezagutu zuen.
Ikasketak eta lana
[aldatu | aldatu iturburu kodea]2003. urtean Parisko Unibertsitate Amerikarrean hasi zituen unibertsitate ikasketak, eta 2007. urtean lizentziatu zen Nazioarteko Komunikazioan. Geroago, Erromako (Italia) Ateneo Regina Apostolorum Pontifizioan bioetika masterra egin zuen, eta bertan Felix Printzearekin topo egin zuen berriz. Doktoretza lanean organoak emateko baimenaren alderdi etikoak aztertu ditu. Bere ikerketa-lanaren parte gisa, Washingtongo Unibertsitateko Kennedy Etika Institutuan jardun zuen ikertzaile gonbidatu gisa.[2][3]
Printzesak Condé Nast Publications enpresarako (New York eta Munich) eta IMG World konpainiarako (Berlin) egin zuen lan argitalpenen negozioan.[1]
Jariotasunez hitz egiten du aleman ama hizkuntza, baita ingelesa frantsesa eta italiera ere.[4]
Ezkontza eta ondorengoak
[aldatu | aldatu iturburu kodea]Konpromisoa
[aldatu | aldatu iturburu kodea]Clairek Felix printzea ezagutu zuen, biak Beau Soleil barnetegian (Suitza) ikasten ari zirela. Geroago, bioetika ikasten aritu ziren biak Erromako Pontifizio Ateneo Regina Apostolorumean.[2]
2012. urteko abenduaren 13an, Luxenburgoko etxe Ducal Handiak prentsaurreko batean iragarri zuen Claire Lademacher eta Felix printzearen arteko ezkontza konpromisoa.[5]
Ezkontza
[aldatu | aldatu iturburu kodea]2013. urteko irailaren 17an bikotearen ezkontza zibila egin zen Rothschild Kempinskyn, Königstein im Taunusen, Alemanian. Zeremonia bertako alkateak egin zuen, eta senideak baino ez ziren bertan izan. Alexandra Luxenburgoko printzesa izan zen Claireren lekukoa, bai zeremonia zibilean, bai erlijiosoan.[6]
2013. urteko irailaren 21ean, ezkontza Sainte-Maximin-la-Sainte-Baumeko (Frantzia) Sainte-Mare Magdalena basilikan egin zen. 370 gonbidatu bertaratu ziren zeremonian, Luxenburgoko artzapezpiku Jean-Claude Hollerechek zuzendu zuen, eta hitz egin ziren hizkuntzak frantsesa eta alemana izan ziren. Clairek Elie Saab diseinatzaile libanoarraren soinekoa eta amaginarrebak, orduko Maria Teresa Luxenburgoko dukesa handiak, utzitako diamantezko tiara bat jantzi zuen. [7]
Ezkondu ostean, senar-emazteak Claireren familiaren Château les Crostes-en kokatu ziren, Lorguesen, Frantziako hegoaldean. Han, bikoteak printzesaren familiarena den upeltegi bat du.[8][3][1]
Ondorengoak
[aldatu | aldatu iturburu kodea]- Amalia Gabriela María Teresa Nassaukoa, 2014ko ekainaren 15ean jaioa.
2014. urteko urtarrilaren 14an, Luxenburgoko etxe dukal handiak ohar ofizial baten bidez jakinarazi zuen Felix eta Claire printze-printzesak lehen haurraren zain zeudela. 2014ko ekainaren 15ean, Luxenburgoko Gran Duquesa Carlota Ospitalean bikotearen lehen alaba erditu zuen printzesak. Amalia printzesak Nassauko printzesa titulua eta errege-gorentasun tratamendua jaso zituen.[9][10]
- Liam Enrique Hartmut de Nassaukoa, 2016ko azaroaren 28an jaioa.
2016. urteko uztailean, Claire printzesa bigarren aldiz haurdun zegoela jakinarazi zuten. Senar-emazteen bigarren haurra, Liam printzea; Genevako (Suitza) Beaulieu General Clinic-en jaio zen 2016ko azaroaren 28an. Nassauko printze titulua eta errege-gorentasunaren tratamendua jaso zituen.[11][12][13]
- Baltasar Felix Carlos de Nassaukoa, 2024ko urtarrilaren 7an jaioa.[14]
2024. urteko urtarrilaren 7an jaio zen Luxenburgo Hirian senar-emazteen hirugarren haurra, Baltasar Nassauko printzea. Baltasarrek Nassauko printze titulua jaso zuen eta errege-gorentasunaren tratamendua du.
Luxenburgoko printzesa-lanak
[aldatu | aldatu iturburu kodea]Felix printzearekin ezkondu zenetik, Claire, duke handiaren izenean, herrialdean izandako hainbat ekitalditara joan da. Ohikoa da Luxenburgoko Egun Nazionalean parte hartzea familia politikoarekin batera.[15][16]
Luxenburgoko Transplanteen Elkartea babestu zuen lehen aldiz printzesa zela. Harrezkero erakunde horrek bultzatutako hainbat ekitalditan izan da.[4][17]
Felix printzearekin batera, gaixotasun arraroen ikerketaren alde borrokatzen duen Le Sourire de Lucie Frantziako Elkarteari ere babesa adierazi dio sarri. Printzesak proiektu humanitarioetan ere parte hartu du Indiako Tirupur herrian.[4][1]
2018. urteko otsailean, Erromako Regina Apostolorum Ateneo Pontifikaleko bioetika fakultateko irakasle bisitaria izan zen Claire.[1]
Ohorezko sariak
[aldatu | aldatu iturburu kodea]Ohorezko aipamen luxenburgotarrak
[aldatu | aldatu iturburu kodea]- Adolfo de Nassau-ren ordenako Gurutze Handiko Dama.
[1]
Erreferentziak
[aldatu | aldatu iturburu kodea]- ↑ a b c d e f Barger, Brittani. (21 de marzo de 2018). «Who is Princess Claire of Luxembourg?» Royal Center.
- ↑ a b El príncipe Félix presenta oficialmente a su prometida, Claire Lademacher. 28 de diciembre de 2012.
- ↑ a b «Princess Claire of Luxembourg can speak four languages: Get to know the royal» Hello Magazine 28 de junio de 2016.
- ↑ a b c Leemiller, Heaven. (18 de agosto de 2017). «Back to school with Princess Claire of Luxembourg» Royal Center.
- ↑ Fotos oficiales del compromiso de Félix de Luxemburgo y Claire Lademacher. 28 de diciembre de 2012.
- ↑ Boda civil del príncipe Félix de Luxemburgo y Claire Lademarcher. 18 de septiembre de 2013.
- ↑ La romántica boda de los príncipes Félix y Claire de Luxemburgo en la Provenza francesa. 21 de septiembre de 2013.
- ↑ Entrevista a los 'novios de Luxemburgo' escasas horas antes de su boda. 16 de septiembre de 2013.
- ↑ Félix y Claire de Luxemburgo esperan su primer hijo. 14 de enero de 2014.
- ↑ Nace la primera hija de los príncipes Félix y Claire de Luxemburgo. 15 de junio de 2014.
- ↑ de la Barreda Peralta, Victoria. (4 de julio de 2016). Claire y Félix de Luxemburgo serán padres por segunda vez en otoño. .
- ↑ Los príncipes Felix y Claire de Luxemburgo han sido padres por segunda vez. 28 de noviembre de 2016.
- ↑ Álvarez, Guillermo. (7 de diciembre de 2016). Félix y Claire de Luxemburgo presentan a su segundo hijo y anuncian sus nombres y títulos. .
- ↑ Petit, Stephanie; Mikelbank, Peter. (2024-01-08). The First Royal Arrival of 2024! Prince Felix and Princess Claire of Luxembourg Welcome Third Child. People.
- ↑ El Gran Ducado de Luxemburgo exhibe su esplendor en su día grande. 14 de junio de 2016.
- ↑ El Gran Ducado de Luxemburgo celebra por todo lo alto su Fiesta Nacional. 15 de junio de 2018.
- ↑ «Princess Claire Honors World Day for Organ Transplant» Luxarazzi 15 de octubre de 2017.
Kanpo estekak
[aldatu | aldatu iturburu kodea]- Luxenburgoko Gorte Nagusia (frantsesez)
- Clara printzesaren webgune ofiziala (frantsesez)
| Autoritate kontrola |
|
|---|
Datuak: Q14924308