Claudia Poll

Claudia Poll
	; Irudi gehiago
Bizitza
Jaiotza	Managua, 1972ko abenduaren 21a (53 urte)
Herrialdea	Costa Rica
Familia
Haurrideak	ikusi Sylvia Ursula Poll Ahrens;
Jarduerak
Jarduerak	igerilaria
	Parte-hartzailea 1992ko Udako Olinpiar Jokoak ; swimming at the 1996 Summer Olympics – women's 200 metre freestyle (en) ; swimming at the 2000 Summer Olympics – women's 200 metre freestyle (en) ; swimming at the 2000 Summer Olympics – women's 400 metre freestyle (en) ;
Pisua	76 kilogramo
Altuera	1,91 metro

Claudia María Poll Ahrens (Managua, Nikaragua, 1972ko abenduaren 21a) 1993ko irailaren 23an Costa Ricako igerilaria egin zen. 1996ko Atlantako Udako Olinpiar Jokoetan Costa Rica herrialdeko lehenengo urrezko domina irabazi zuen lehen kirolaria izan zen, 200 metroko igeriketa estilo libreko modalitatean. Gainera, brontzezko bi domina irabazi zituen 2000ko Sydneyko Udako Olinpiar Jokoetan, diziplina berean. Ahizpa zaharrenak, Sylvia Pollek, bere historiako lehen zelarezko domina olinpikoa irabazi zuen Costa Ricarako Seulen 1988. urtean. Lorpenengatik, Claudia Poll Costa Ricako historiako kirolaririk arrakastatsuena eta garrantzitsuena da, eta inoiz izan den igerilari latinoamerikar arrakastatsuenetakoa.^[1]^[2]^[3]^[4]^[5]

Bizitza

Claudia Poll Managua hirian, ofizialki Leal Villa de Santiago de Managua, Managuako departamenduaren buru den Nikaraguako Errepublikako hiriburuan jaio zen 1972ko abenduaren 21ean. Gurasoak Bernard Heinrich Poll eta Thekla Katherina Ahrens alemaniarrak izan ziren eta Nikaraguako gerra zibila hasi zenean, familia osoa, Costa Ricara joan behar izan zuen 1979. urtean. Claudiak Alemaniako nazionalitatea utzi zuen eta 1993ko irailaren 23an Costa Ricako herritartasuna hartu zuen.

1979an, ahizpa zaharrenarekin batera, Herediako Cariari klubean izena ematea erabaki zuen amak. Francisco Rivas izan zen bien entrenatzailea.

1998. urtean negozio-administratzaile graduatu zen San José Ameriketako Nazioarteko Unibertsitatean (Costa Rica). 2007ko abuztuaren 8an izan zuen lehen haurra, Cecilia deitu zion neskatoa.

Ibilbidea

1989. urtea errendimendu handiko atleta ibilbidea hasi zuen, Erdialdeko Amerikako eta Karibeko Igeriketa Txapelketan (CCCAN) urrezko zazpi domina lortu zituen Costa Ricarako, txapelketako 7 errekor lortu zituen eta munduko rankingean sartu zen lehen aldiz, 200 metro libreko proban.

1990ko hamarkada

1991. urtean, Igeriketako Pan Pazifiko izeneko txapelketan hartu zuen parte, Kanadako Edmonton hirian. Gertaera baino aste batzuk lehenago, ezkerreko eskuan haustura bat izan zuen eta igeri egiteari uztear egon zen. Hala ere, esku bendatuarekin lehiatzea erabaki zuen eta 400 metro libreetako seigarren postuan sailkatu zen eta 800 metro libreetako proban zortzigarren postuan.

1992. urtean 7 urrezko domina irabazi zituen Panaman lehitutako CAMEXen eta egin zituen denborek munduko rankingeko zazpi sailkapenetan kokatu zuten.

Urtebete geroago, 1993. urtean, Japoniako Kobe hirian Igeriketako Pan Pacifikoan hartu zuen parte berriro, non 200 metro libreetan urrezko domina, 400 metro libreetan zilarrezko domina eta 800 metro libreetan brontzezko domina lortu zituen. Horrela, Pan Pacifiko horretan urrezko domina bat irabazi zuen lehen latinoamerikarra izan zen.

Hurrengo urtean, 1994an, VII. Munduko Igeriketa Txapelketan izan zen Erroman, Italian, non Costa Ricaren ordezkari gisa lehen aldiz Munduko Txapelketa bat irabazi zuen, brontzezko domina lortu zuen 200 eta 400 metro libreetan eta zazpigarren postua 800 metro libreetan. Horrez gain, Errusiako San Petersburgoko Borondate Oneko Jokoetan hartu zuen parte, eta urrezko domina bat eta beste errekor bat eskuratu zituen 200 metro libreetan, baita zilarrezko domina bat ere 100 metro libreetan.

1995. urteean, II. Udako Olinpiar Jaialdian, Brasilen, lau urrezko domina irabazi zituen eta txapelketako igerilari onena, atzerriko onena eta marka tekniko onena izendatu zuten.

Gero, «Maré Nostrum Tour» txapelketan hartu zuen parte, non zortzi finalak irabazi, sei errekor ezarri eta bere marka guztiak hobetu zituen. Gainera, munduko rankingeko lau ekitalditan lehen postuetan kokatu zen. Urte berean, Rio de Janeiron (Brasil) egin zen Igerileku Motzeko Munduko Txapelketan, Costa Ricaren izenean ere munduko errekorra lortu zuen lehen aldiz: 1:55"42 200 metro librean. Gainera, urrezko beste domina bat lortu zuen 400 metro libreko proban, txapelketako errekorra ezarrita.

Bere ibilbidearen gailurra 1996ko Atlantako Udako Olinpiar Jokoetan lortu zuen, non historian lehen aldiz Costa Ricako batek urrezko domina bat zintzilikatu zuen bularrean Olinpiar Jokoetan, 200 m libreko proba irabaztean, ordura arte munduko txapeldun zen Franziska van Almsick alemaniarra, eta olinpiar titulua zuen Dagmar Hase ermaniarra garaitzea lortu zuenean. Irabaztean, igerilekuan bertan negarrez, Costa Ricako bandera txiki bat astindu zuen, Costa Ricako herritarren bihotza hunkitututa.

Hurrengo urtean, bere bizitzako denborarik onenak egin zituen Pan Pazifiko delakoan, 1:57"48 kronometratuz 200 metro librean, urrezko dominarekin, 4:06"56 400 metro librean, urrezko dominarekin eta 8:29"05 800 metro librean, zilarrezko dominarekin. Distantzia luzeetan ere txapeldun izan zen, eta distantzia laburretan bigarren, FINek antolatutako eta Hong Kong-en, Pekinen, Imperian (Italia) eta Parisen egindako Igeriketako Munduko Kopan. Igerileku laburreko Munduko Igeriketa Txapelketan, Goteborgen, Suedian, 200 metro libreetako munduko errekorra hobetu zuen, 1:55"42tik 1:54"17ra murriztu baitzuen denbora. Gainera, 400 metro librean, errekorra hobetu zuen, 10 urtez 4:02"05ean egon baitzen 4:00"03an. «Swimming World» aldizkariak 1997. urteko igerilari onena izendatu zuen orduan.

1998. urtearen hasieran, urrezko domina irabazi zuen Munduko Txapelketan, Perth hirian (Australia); bigarren postua eskuratu zuen distantzia luzeen kategorian, eta hirugarren postua FINA Igeriketako Munduko Kopako distantzia laburretan. Kopa hori Brasilen, Suitzan, Italian eta Frantzian egin zen.

1999. urtean bizkarrean lesioa izan zuen, eta, ondorioz, bere onera etortzen ahalegindu zen.

2000ko hamarkada

2000. urtean, Sidneyko (Australia) Olinpiar Jokoetan hartu zuen parte, eta brontzezko domina lortu zuen 200 eta 400 metro libreetan.

2002. urtean lehiaketatik kanpo utzi zuten nandrolonarekin positiboa emateagatik, nahiz eta beti adierazi zuen errugabea zela. World Aquatics-ek —2022. urtera arte Nazioarteko Igeriketa Federazioa edo FINA-frantsesez: Fédération Internationale de Natation— lau urtez suspenditu zuen, baina gero bi urtera jaitsi zen zigorra, eta 2003. urtean zigorra kendu egin zitzaion. Horri esker, 2004ko Atenasko Udako Olinpiar Jokoetan hartu ahal izan zuen parte, baina prestatzeko denbora gutxi izan zuenez, eta lehiarik izan ez zuenez, ez zen lehen txandatik pasatu, 200 eta 400 metro libreetako probetan.

2006. urteko Erdialdeko Amerikako eta Karibeko Maracaibo Jokoetan jokatu zuen azken aldiz, eta urrezko bi domina irabazi zituen 200 eta 400 metro librean, eta zilarrezko domina 100 librean.

2006. urtean ofizialki erretiratu ostean, Igeriketako bi Munduko Masterretan hartu zuen parte: Götemborgen (2010), non urrezko domina irabazi zuen 200 metro konbinatuko proban eta zilarrezkoa 200 m librean; eta Riccionen (Italia), non zilarra irabazi zuen 200 metro konbinatuan.

Palmaresa

20 urteko ibilbidean, Claudia Poll zera izan zen:

Costa Ricako selekzio nazionaleko partaidea 20 aldiz.
Munduko txapelduna igerileku motzean (200 m eta 400 m libreetan) Rio de Janeiron (1995), eta Göteborgen (1997).
Urrezko 5 domina, zilarrezko 1 eta brontzezko 2 irabazi zituen igeriketako munduko txapelketetan.
144 errekor ezarri zituen: 52 Costa Ricakoak, 5 CCCANekoak, 14 Erdialdeko Amerikakoak, 66 nazioartekoak, 3 munduko errekorrak eta 4 munduko txapelketetan.
699 domina eta 50 garaikur irabazi zituen.
Olinpiar Jokoetan urrezko domina 1 (lehena Atlantan1996an Costa Ricaren izenean) eta brontzezko 2 (Sydney 2000) irabazi zituen.

Sariak eta aintzatespenak

Jasotako ohoreen artean:

1996an, Costa Ricako «Ohorezko Herritarra», Batzar Legegileak emana.
Igeriketa olinpikoan urrezko domina irabazi zuen lehen emakume latinoamerikarra izatea.
Costa Rican urteko kirolaria izatea (1993, 1994, 1995, 1996, 1997, 1998, 1999, 2000).
1995, 1996 eta 1997an Latinoamerikako atletarik onena izendatu zuen latindar prentsak.
«World Imrica» aldizkariak munduko igerilari onena izendatu zuen 1999. urtean, eta 1999. urtean.

Erreferentziak

↑ «La Nación Digital - 100 Años de Deportes» www.nacion.com (kontsulta data: 2026-01-30).
↑ «Olympedia – Claudia Poll» www.olympedia.org (kontsulta data: 2026-01-30).
↑ (Gaztelaniaz) «Claudia Poll - EcuRed» www.ecured.cu (kontsulta data: 2026-01-30).
↑ (Gaztelaniaz) Arias, Gustavo. (2021-07-22). «Claudia Poll: 25 años del oro olímpico de Costa Rica» Ticas poderosas (kontsulta data: 2026-01-30).
↑ (Gaztelaniaz) Romero, Judith. (2021-03-14). «Sylvia y Claudia Poll, las heroínas olímpicas de Costa Rica» El Correo (kontsulta data: 2026-01-30).

Ikus, gainera

Kanpo estekak

Datuak: Q233560
Multimedia: Claudia Poll / Q233560

[1] «La Nación Digital - 100 Años de Deportes» www.nacion.com (kontsulta data: 2026-01-30).

[2] «Olympedia – Claudia Poll» www.olympedia.org (kontsulta data: 2026-01-30).

[3] (Gaztelaniaz) «Claudia Poll - EcuRed» www.ecured.cu (kontsulta data: 2026-01-30).

[4] (Gaztelaniaz) Arias, Gustavo. (2021-07-22). «Claudia Poll: 25 años del oro olímpico de Costa Rica» Ticas poderosas (kontsulta data: 2026-01-30).

[5] (Gaztelaniaz) Romero, Judith. (2021-03-14). «Sylvia y Claudia Poll, las heroínas olímpicas de Costa Rica» El Correo (kontsulta data: 2026-01-30).

[1]

[2]

[3]

[4]

[5]