Claudine Brossekoa
| Claudine Brossekoa | |
|---|---|
 | |
| Bizitza | |
| Jaiotza | ezezaguna, 1450 (egutegi gregorianoa) |
| Herrialdea |  Frantzia |
| Heriotza | ezezaguna, 1513 (egutegi gregorianoa) (62/63 urte) |
| Hobiratze lekua | Château de Chambéry (en)  |
| Familia | |
| Aita | Jean II de Brosse |
| Ama | Nicole Châtillongoa |
| Ezkontidea(k) | Filippo II, Duke of Savoy (en) (1485eko azaroaren 11 (egutegi gregorianoa) - |
| Seme-alabak | ikusi
|
| Haurrideak | ikusi
|
| Leinua | House of de Brosse (en) |
| Hezkuntza | |
| Hizkuntzak | frantsesa |
| Jarduerak | |
Claudine Brossekoa (Bretainiako dukerria, 1450 – Niza, Savoiako dukerria, 1513) Penthièvre etxeko noblea izan zen, ezkontzaz Savoiako etxearekin lotua.
Bizitza
[aldatu | aldatu iturburu kodea]1450. urtean jaio zen Bretainian. Joan II.a Brosse-koaren eta Nicole Blois-Châtillongoaren sei seme-alabetatik bigarren alaba eta laugarren umea izan zen.
Ezkontza
[aldatu | aldatu iturburu kodea]1485. urtean Filipe II.a Savoiakoarekin ezkondu zen. Bigarren emaztea izan zen, lehenengoa Marguerite Borboikoa izan zen eta.[1] Une horretan, Filipek Lurrik Gabea izaten jarraitzen zuen, bere ilobak, Karlos II.a Savoiakoak, gobernatzen baitzuen Savoia dukerrian.
Claudinek eta Felipek sei seme-alaba izan zituzten:[2]
- Karlos III.a Savoiakoa (1486-1553), Savoiako dukea. 1521ean Beatriz Portugalgoarekin ezkondu zen.
- Luis Savoiakoa (1488-1502).
- Filipe Savoiakoa (1490-1533), Saint-Just Suze eta San Pedro Rivaltako abadea, Genevako kondea, Faucigny baroia, Nemoursko dukea.
- Absalón Savoiakoa (1494-1494).
- Juan Amadeo Savoiakoa(1495-1495).
- Filiberta Savoiakoa (1498-1524), 1515. urtean Juliano II.a Medicirekin (1479-1516) ezkondu zen.
1496. urtean, Karlos II.a hil zenean, Filipe eta Claudine Savoiako duke-dukesa bihurtu ziren. Baina ez zen lizaroko izan, Filipe urtebete erregealdian egon ostean hil zen eta. Haren lehen ezkontzako semeak, Filiberto II.a Savoiakoak, jarraitu zion.
Alargun
[aldatu | aldatu iturburu kodea]Claudine Billiateko gaztelura erretiratu zen, dotetzat hainbat jaurerriren gozamena jaso ostean, hala nola, Poncin, Cerdon, Saint-Sorlin-en-Bugey, Lagnieu, Virieu-le-Grand, Rossillon, Saint-Germain-les-Paroisses, Ambérieu-en-Ugbetey eta Loytes.[3] Hantxe izan zuen alaba gazteena, Filiberta, gero Gexeko markesa izan zena.
Aldi batez, Turingo Maindire Saindua gazteluan eduki zuten.[3][4]
Heriotza eta ehorzketa
[aldatu | aldatu iturburu kodea]1513. urtean hil zen, eta Savoiako dukeen gazteluko kapera santuan dago lurperatuta, Chambéryn.[5]
Erreferentziak
[aldatu | aldatu iturburu kodea]- ↑ Claudine de Brosse. .
- ↑ (Frantsesez) «L'art de vérifier les dates des faits historiques, des chartes, des chroniques et autres anciens» Geneanet (kontsulta data: 2025-09-08).
- ↑ a b (Gaztelaniaz) «Histoire Politique Et Religieuse Du Pays De Gex Et Lieux Circonvoisins» www.podibooks.com (kontsulta data: 2025-09-08).
- ↑ Histoire hagiologique de Belley, ou Recueil des vies des saints et des bienheureux nés dans ce diocèse, suivies de celles de quelques personnages morts en odeur de sainteté et des actes des martyrs du XVIIIe siècle, ornée d'un portrait de saint Anthelme, par M. Depéry,...[Texte imprimé. ].
- ↑ BURIAL CHURCHES OF SARDINIAN AND ITALIAN SOVEREIGNS. .
Kanpo estekak
[aldatu | aldatu iturburu kodea]- Artikulu hau, osorik edo zatiren batean, {{{hizkuntza}}} Wikipediako «Claudine de Brosse» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
| Autoritate kontrola |
|
|---|
Datuak: Q45644
Multimedia: Claudine de Brosse / Q45644