Club Brugge KV

Club Brugge KV

Ezizena(k)	Blauw-Zwart (nl) ("urdin-beltzak")
Sorrera	1891
Futbol zelaia	Jan Breydel estadioa edukiera: 29.472 lagun inaugurazioa: 1975
Presidentea	Bart Verhaeghe
Entrenatzailea	Ronny Deila
Liga	Belgikako Pro League
2022-23	4.a
Webgunea	Webgune ofiziala
Etxekoa 　 Kanpokoa

1920an lehenengo liga eskuratu zuen taldea.

Club Bruggeko jokalariak 2005eko liga garaipena ospatzen.

Jan Breydel estadioa.

Club Brugge KV (izen osoa Club Brugge Koninklijke Voetbalvereniging) Belgikako futbol talde onenetakoa da, Brujas (Brugge) hirikoa.

Palmaresari dagokionez Belgikako bigarren taldea da, RSC Anderlechten atzetik. Europa mailako titulurik ez du baina bi final jokatu ditu, 1976an UEFA Kopan eta 1978an Europako Kopan.

Historia

1890an Brugsche Football Club sortu zen. 1891ean ordea taldea berregituratu eta gaur egungo Football Club Brugeois eratu zen. Hau hartzen da taldearen fundazio datatzat. Belgikako hirugarren futbol talde zaharrena da beraz. Hasieratik talde lehiakorra osatu zuen, Ligan bigarren egin baitzute 1899, 1900, 1906, 1910 eta 1911ean. Lehenengo titulua ordea 1920an lortu zuen.

Bigarren titulurako asko itxaron behar izan zuen, 1968an irabazitako Kopararte hain zuzen ere. 1972an kluba berrizendatu zuten Club Brugge Koninklijke Voetbalvereniging eta orduan iritsi zen taldearen "urrezko aroa". Hamarkada honetan 4 Liga irabazteaz gain Europa mailan maila bikaina eman zuen Europako Kopa eta UEFA Kopako finalak jokatzeraino. Bietan Liverpool FC-k garaitu zuen.

Hurrengo hamarkadetan ere maila bikainean mantendu da RSC Anderlechti aurre eginez. Hamaika urteren ondoren Liga berria irabazi zuen 2016an eta 2015ean ere Kopa irabazi zuen, berriz ere talde indartsua duela erakutsiz. Ordutik beste lau liga eskuratu ditu, 2018 denboraldikoa eta 2020, 2021, 2022 jarraian, hain zuzen ere.

Uniformea

2018-2019

2019-2020

2020-2021

2021-2022

2022-2023

Palmaresa

Belgikan: 45

• Belgikako Liga (18): 1920, 1973, 1976, 1977, 1978, 1980, 1988, 1990, 1992, 1996, 1998, 2003, 2005, 2016, 2018, 2020, 2021, 2022.
• Belgikako Kopa (11): 1968, 1970, 1977, 1986, 1991, 1995, 1996, 2002, 2004, 2007, 2015.
• Belgikako Superkopa (16): 1980, 1986, 1988, 1990, 1991, 1992, 1994, 1996, 1998, 2002, 2003, 2004, 2005, 2016, 2018, 2021.

Nazio artean: 0

Europako Kopa

• Txapelduna (0)
• Finalista (1): 1978

UEFA Kopa

• Txapelduna (0)
• Finalista (1): 1976

Europako Errekopa

• final aurrekoak 1992an.

Euskal taldeen aurkako partidak

Club Bruggek kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2023-24	UEFA Europa Conference League	play-offak	Osasuna Brugge	1-2 2-2	Brugge Osasuna

Kanpo estekak

• (Nederlanderaz)(Frantsesez)(Ingelesez)(Gaztelaniaz)Webgune ofiziala

• Datuak: Q190916
• Multimedia: Club Brugge / Q190916