Daemon (informatika)

Daemon bat, demonio itzulpena ez-zuzenaz ezagututa ere, informatikan atzeko planoan modu egoiliarrean (erabiltzailek zuzenean eskatu gabe) exekutatzen den programa bat da, zerbitzari funtzioa egin ohi duena bezero-zerbitzari arkitektura erabilita.

Sistema eragilearen ikuspuntutik prozesu hauen helburu nagusia sistema eragilea modularizatzea da. Hori dela-eta, zerbitzu horien kodea nukleotik kanporatzen da, eta hainbat prozesu autonomotan banatzen da, oro har, bat zerbitzu bakoitzeko. Beraz, zerbitzu hauek sistema eragilearen parte dira, baina haien kodea ez da nukleoaren parte. Horrexegatik abiarazi egin behar dira makina martxan jartzen denean.^[1]

Unix sistemetan dute jatorria eta programa izena ematean d bat eransten zaio amaieran daemon bat dela adierazteko. Adibidez, xinetd daemon bat da Unix sistemetan Internet zerbitzuei erantzuteko, eta crond beste daemon bat da denboraren araberako eginkizunak betetzeko.