Danaë (Klimt)

Wikipedia, Entziklopedia askea
Danaë (Klimt)
Gustav Klimt 010.jpg
Jatorria
SortzaileaGustav Klimt
Sorrera-urtea1907
MugimenduaSinbolismoa
Ezaugarriak
Materiala(k)olio-pintura eta Margo-oihala
Dimentsioak77 (altuera) × 83 (zabalera) cm
Genero artistikoamargolaritza mitologikoa eta biluzia
Egile-eskubideakjabetza publiko
Deskribapena
Kokapena
LekuaLeopold Museum (en) Itzuli
BildumaLeopold Museum (en) Itzuli

Danaë Gustav Klimt austriar margolariaren lana da, 1907an margotu zuena. Olio-pintura oihal gainean margotu zuen. Gaur egun, Vienako Würthle Galerian erakusten omen da, baina ez dago oso garbi galeria hori zein den; agian jabe pribatu baten identitatea ezkutatzeko erabili izan da. Klimt margolariaren lan ezagunetariko bat da.

Mitoa[aldatu | aldatu iturburu kodea]

Danae Argosko errege den Akrisioren eta Euridizeren alaba da. Aitak dorre batean sartu zuen gatibu, orakulu batek iragarri baitzion Danaeren seme batek hilko zuela. Baina Zeus dorrera sartu zen, urrezko euriaren itxura hartuta, eta harekin batu zen. Halaxe sortu zuen Danaek Pertseo.

Deskribapena[aldatu | aldatu iturburu kodea]

Danaeren gaia XX. mende hasieran oso ezaguna eta erabilia izan zen arte-munduan; aurretik ere artista handiak hurbildu ziren mito honen irudikapenera: Tiziano, Tintoretto, Rembrandt. Sinbolo bezala jainkoaren maitasuna eta haraindikotasuna adierazten zuen.[1] Margolan honetan Zeus Danaeren gainean eta haren hanken tartean erortzen den urrezko euria da. Emakumea errege estalki batean babestuta dago. Neskaren aurpegian sinbolismoaren topikoak ikus ditzakegu: ile gorria, azala oso zuria, masail arrosak... Oso irudi erotikoa da, eta hori emakumearen aurpegian nabariagoa da. Emakumea umeki-jarreran dago jarrita.[2]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]