Danubioko ibilbide zikloturista
Danubioko ibilbide zikloturista bizikletaz egiteko prestatutako ibilbidea da, eta, betiere, Danubio ibaiaren ibilbideari jarraituz, Europako zortzi herrialde zeharkatzen ditu: Alemania, Austria, Eslovakia, Hungaria, Kroazia, Serbia, Bulgaria eta Errumania. Bere luzera osoa 2857 kilometrokoa da eta munduko ibilbide zikloturista ospetsuenetako bat da. Bidegorriak antzinako erromatar galtzada bat jarraitzen du Danubion zehar, geltokiak, gazteluak eta gotorlekuak lotzen zituena. Hau, Donauweg (Danubioko bidea), "Istro" edo Vía Istrum bezala ezagutzen zen.
Ibilbide gehiena EuroVeloko 6. ibilbideari dagokio, 2020an Europako 43 herrialde bizikletaz lotzeko asmoa duen Europako sareari. Bere ibilbidea, Danubioren ibilbideari jarraituz doa, jaiotzen denetik, Oihan Beltzaren erdian, Itsaso Beltzaren uretan itsasoratzen den arte. Alemaniako Donaueschingen herritik abiatzen da eta Errumaniako Constanza hirian amaitzen da.
Alemaniako zatia[aldatu | aldatu iturburu kodea]
Donaueschingenen hasten da, ospetsua, bertan, Danubio ibaia sortzen duen iturria dagoelako. Tarte hau Passaun amaitzen da. 595 kilometroko luzera du. Gainera, ibilbide eta txango alternatiboak ere baditu, 210 kilometrokoak. Tarte horretan bisitatu daitezkeen herri nagusiak Ulm, Donauwörth, Ingolstadt, Kelheim, Ratisbona eta Straubing dira.
Austriako zatia[aldatu | aldatu iturburu kodea]
326 kilometroko luzera du. Passaun hasten da, Alemaniako azken herrian, eta herrialdeko hiriburuan amaitzen da: Viena. Zatirik ospetsuena da bere zerbitzuen eta azpiegituraren garapena dela eta. Ibilbidea zolatuta dago, seinaleztatuta, eta desnibela oso txikia da. Gainera, zatirik gehienean, bi ertzek erreia dute, eta posible da ibai bazterrak aukeratzea eta aldatzea, zubien bidez eta zikloturistak gurutzatzen dituzten ontzi txikien bidez.
Ibilbidean bisitatu daitezkeen herri nagusiak Linz, Melk, Krems eta Tulln dira.
Ibilbideko beste interesgune batzuk:
- Schlögen meandroa, goitik ikus daiteke txango alternatibo bat jarraituz.
- Mauthausen-Gusen kontzentrazio-esparruko monumentua.
Eslovakiako eta Hungariako zatia[aldatu | aldatu iturburu kodea]
Ibilbidearen zati hau igarotzen den hiri nagusiak Bratislava (Eslovakiako hiriburua), Győr, Esztergom, Budapest (Hungariako hiriburua) eta Duna-Dráva Parke Nazionala dira. Guztira 525 kilometro inguru dira.
