Daría Urquiza

Daría Urquiza
Bizitza
Jaiotza	Nafarruri, 1896ko urriaren 25a
Herrialdea	Espainia
Heriotza	XX. mendea ( urte)
Familia
Seme-alabak	ikusi María Luisa Romero Urquiza;
Jarduerak
Kidetza	Q5857137

Daría Urquiza Palacios edo Daría Urquiza Guardiola (Nafarruri, Errioxa, 1896ko urriaren 25a) militante komunista izan zen, bere alaba Maria Luisarekin batera nazien kontzentrazio-esparruetara deportatua. Aske utzi ostean, deportatu politiko gisa onartu zuen Frantziak.

Aurrekariak

Alemania naziko kontzentrazio esparruetara deportatutako errioxarren kopuruak aldatzen joan dira.^[1]^[2] 2005ean 16 deportatu zenbatu zituzten, hala ere, ikerketek aurrera egin ahala kopuruak gora egiten du.^[1] Azken eguneraketen arabera, 30 bat izan ziren deportatuak, eta horien artean emakume bakarra dago, Daría Urquiza errioxarra.^[1]

Bizitza

Daría Nafarrurin jaio zen, eta Burgosko Bernabé Urquiza jornalariaren eta Errioxako Villaverde herriko Tiburcia Palacios bizilagunaren alaba zen.^[3] Daría Euskadiko Alderdi Komunistari lotuta egon zen, eta 1937 urtean, Iparraldeko frontea erori baino lehen, Bilbotik Santanderrera joan zen, hamaika urteko Maria Luisa Romero Urquiza alabarekin atzerrira ateratzeko.^[3] Iturri batzuen arabera, Frantziarako itsasontziak Gijonen hartu zuen.^[2] Uneren batean itzuli egin behar izan zuen, 1939 urteko otsailaren 10ean berriz ere Frantziako lurraldean sartu baitzen, kasu honetan Le Perthus udalerritik Bartzelona erori ondorengo exodoarekin batera.^[3]

1939 urteko apirilaren 13an, bere izena La Dépéche egunkarian argitaratutako albiste batean agertu zen, non, 40 urteko Daría Urquiza Palacios, bere senarra zen Santiago Romero Quintanaren bila zebilen.^[4]^[5]

Aurillac-en errefuxiatuta egon zen eta gero deportatu egin zuten.^[1] Ez dakigu askorik bere atxiloketari buruz, ezta atxiloketara eraman zuten arrazoiei buruz ere, baina bai Daría, eta, segur aski, bere alaba ere, Pirinio Garaietako Gurs kontzentrazio-esparrutik pasatu zela.^[3] Gero, Bigarren Mundu Gerraren azken fasean eta Frantziako lurraldearen askapenetik hurbil, Noeko kontzentrazio-esparruan (Garona Garaia) egon ziren biak.^[3] 1944 urteko uztailaren 30ean ama-alabak Toulousetik Alemaniara erbesteratu zituzten trenez.^[3] Gutxi dakigu Alemanian barrena ibili ziren esparruez, baina Ravensbrücken egon ziren behintzat, eta biak askatu zituzten bizirik.^[3]

Gero, Daria Rekébédou Esparruan, On Kixote Hiria ere deitua, egon zen, Portet-sur-Garonnen, gerraostean gaitua izan zena.^[3] Tolosa Okzitaniatik kilometro batzuetara, Espainiako Gurutze Gorri Errepublikanoak zaindutako esparru horretan aberririk gabeko errefuxiatuak egon ziren, etxean har zitzakeen familiarik edo lagunik ez zutenak.^[6] Aldi horretan, Dariaren bigarren abizena Guardiola gisa erregistratu zen.^[3]

Frantziako Deportazioaren Memoriarako Fundazioak kaleratutako Memorialak ez zituen kontuan hartu Daría eta Maria Luisa.^[3] Bi emakume hauek nazien kontzentrazio-esparruetan egon zirela jakin zen, Deportatuen eta Barneratu Politikoen Espainiako Federazioko kideak izan zirelako.^[3]

Sariak eta aitorpenak

Daría Urquiza deportatu politiko gisa onartua izateko borrokatu zen, eta helburu hori lortu zuen.^[7]

Erreferentziak

↑ ^a ^b ^c ^d A, DIEGO MARÍN. (2022-01-27). «Una riojana en un campo de concentración» La Rioja.
↑ ^a ^b Félez, María. (30 de enero de 2022). Riojanos en las entrañas del horror nazi. Logroño.
↑ ^a ^b ^c ^d ^e ^f ^g ^h ⁱ ^j ^k Ravensbrück, Amical. «ROMERO URQUIZA, MARÍA LUISA» Amical Ravensbruck.
↑ Blanca Calvo Alonso: “Las deportadas españolas no tenían una tierra a la que volver, habían ganado la guerra al fascismo pero Franco seguía gobernando en España y tuvieron que empezar de cero” | NR | Periodismo alternativo. 2024-06-22.
↑ Alonso, Blanca Calvo. (2025-03-11). «Daría Urquiza y María Luisa Romero» Deportadas y olvidadas.
↑ Martínez Vidal, Àlvar; García Ferrandis, Xavier. (2020). «Las secuelas patológicas de los campos de concentración entre los refugiados españoles en Francia: retos diagnósticos y terapéuticos en el Hospital Varsovia de Toulouse (1944-1950)» Dynamis: Acta hispanica ad medicinae scientiarumque historiam illustrandam 40 (1): 93–123. ISSN 0211-9536..
↑ «Dossier individuel de personnel de URQUIZA, DARIA / PALACIOS | Service historique de la Défense» www.servicehistorique.sga.defense.gouv.fr.

Ikus, gainera

Kanpo estekak

Datuak: Q132180096

[:1-1] A, DIEGO MARÍN. (2022-01-27). «Una riojana en un campo de concentración» La Rioja.

[:2-2] Félez, María. (30 de enero de 2022). Riojanos en las entrañas del horror nazi. Logroño.

[:0-3] ↑ ^a ^b ^c ^d ^e ^f ^g ^h ⁱ ^j ^k Ravensbrück, Amical. «ROMERO URQUIZA, MARÍA LUISA» Amical Ravensbruck.

[4] Blanca Calvo Alonso: “Las deportadas españolas no tenían una tierra a la que volver, habían ganado la guerra al fascismo pero Franco seguía gobernando en España y tuvieron que empezar de cero” | NR | Periodismo alternativo. 2024-06-22.

[5] Alonso, Blanca Calvo. (2025-03-11). «Daría Urquiza y María Luisa Romero» Deportadas y olvidadas.

[6] Martínez Vidal, Àlvar; García Ferrandis, Xavier. (2020). «Las secuelas patológicas de los campos de concentración entre los refugiados españoles en Francia: retos diagnósticos y terapéuticos en el Hospital Varsovia de Toulouse (1944-1950)» Dynamis: Acta hispanica ad medicinae scientiarumque historiam illustrandam 40 (1): 93–123. ISSN 0211-9536..

[7] «Dossier individuel de personnel de URQUIZA, DARIA / PALACIOS | Service historique de la Défense» www.servicehistorique.sga.defense.gouv.fr.

[1]

[2]

[3]

[4]

[5]

[6]

[7]