David Salle

Wikipedia, Entziklopedia askea
Jump to navigation Jump to search
David Salle
Bizitza
Jaiotza Norman (Oklahoma)1952ko irailaren 28a (67 urte)
Herrialdea  Ameriketako Estatu Batuak
Hezkuntza
Heziketa California Institute of the Arts Itzuli
Jarduerak
Jarduerak zinema zuzendaria, margolaria eta marrazkilaria
Jasotako sariak
Kidetza Ameriketako Estatu Batuetako Arte eta Letren Akademia
IMDb nm0758541
www.davidsallestudio.net/

David Salle (Norman, Oklahoma, AEB, 1952ko irailaren 28a) estatubatuar margolaria da.

Biografia[aldatu | aldatu iturburu kodea]

Kaliforniako Arte Institutuan egin zituen ikasketak (1970-1975). Gero, New Yorkera joan zen bizitzera, eta 1980 inguruan hasi zen aintzat hartua izaten, Mary Boone arte-salerosleak ezagutarazi zuenean.

Irudiak eta hitzak modu konplexu eta sarritan misteriotsuen bidez elkartuz egindako lanengatik da ezaguna. Margolanok esanahiak eta istorioak iradokitzen dituzte, baina interpretatzen zailak dira. Salle artista postmoderno eta neoespresionistatzat hartu izan dute, baina nekez sailka daiteke mugimendu jakin batean. Erabiltzen dituen irudietako asko herri-kulturatik hartuak dira, marrazki bizidunetatik eta iragarkietatik, esate baterako. Collage teknika erabiltzen du sarritan, baina paper-zatiez eta argazkiez gainera, bestelako objektuak ere itsasten ditu, hala nola zeramika-poteak eta hautsitako aulki-hankak. Margolan horietako askok emakume biluziak irudikatzen dituzte, zeinak pornografikotzat har baitaitezke, kritikari batzuen esanean. Margolanez gainera, argazkiak, filmak eta eskulturak ere egiten ditu.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]