Decauville

Decauville
Datuak
Mota	automobile manufacturer (en)
Jarduera sektorea	automobilgintza, manufacture of railway locomotives and rolling stock (NACE 30.2) (en) , manufacture of motor vehicles (en) , machinery industry and plant construction (en) , vehicle construction (en) eta Q112165448
Herrialdea	Frantzia
Jarduera
Eskumendekoak	Decauville automobile (en)
Ekoizpena	Lokomotor
Agintea
Egoitza nagusi	Corbeil-Essonnes;
Legezko forma	société par actions simplifiée (en)
Jabea	Q65128486
Historia
Sorrera	1875
Sortzailea	Paul Decauville (en)
	webgune ofiziala;

Decauville (Ahoskera frantsesez: /dəkovil/) Paul Decauville ingeniariak (1846–1922), trenbide industrialaren aitzindariak, tren-makinen, bagoien eta errailen fabrikatzaile frantsesa izan zen. 1875ean Frantziako Corbeil-Essonnes udalerrian (Paristik oso gertu) sortutako konpainiak Nekazaritzako lanei metalezko bide desmuntagarriak aplikatzean sortu zen. Jatorri berezi horretatik abiatuta, trenbideko material mugikorra, bizikleten eta are automobilgintzaren fabrikazioan zabaldu zen epe labur batez XX. mendearen hasieran. Gaur egun, ibilgailu astunentzako karrozeriak eta ekipamendu bereziak fabrikatzen ditu.

Bere berrikuntza nagusia prest egindako bide estuko zati aurrefabrikatuak erabiltzea izan zen, altzairuzko trabesen gainean finkatutako errailez osatua. Elementu hauek eramangarriak ziren eta oso erraz muntatzen eta desmuntatzen ziren, baita garraiatzen ere. Bere lehen trenbideak 400 mm-ko zabalera erabili zuen. Geroago, Decauvillek bere asmakizuna findu zuen eta zabalera 500 mm-ra zabaldu zuen eta 600 mm-ra ere.

Mundu osoan ezaguna, Decauville konpainia Frantziako industriako bandera-ontzi nagusietako bat izan zen 1880tik 1970era. Gaur egun, Decauville SAS Marrel eraikuntzako edukiontzien eraikuntzaren eskumendekoa da, ^[1] CTELM eta FASSI enpresek elkarrekin dutena. ^[2] Eskumendeko historiko zaharretako bat oraindik existitzen da, EmiDecau, prentsa hidraulikoen fabrikatzailea. ^[3]