Delphine Seyrig

Wikipedia(e)tik
Hona jo: nabigazioa, Bilatu
Delphine Seyrig
Paris Cimetière Montparnasse D. Seyrig 802.JPG
Bizitza
Jaiotza Beirut1932ko apirilaren 10
Herrialdea  Frantzia
Lehen hizkuntza frantsesa
Heriotza Paris1990eko urriaren 15 (58 urte)
Hobiratze lekua Montparnasseko hilerria
Heriotza modua berezko heriotza (birikako minbizia)
Familia
Aita Henry Seyrig
Ezkontidea(k) Jack Youngerman
Hezkuntza
Heziketa Le Collège-Lycée Cévenol International
Hizkuntzak frantsesa
Lanbidea
Lanbidea aktorea eta zinema zuzendaria
IMDb nm0786891

Delphine Seyrig —jaiotza-izena: Delphine Claire Beltiane— (Beirut, Libano, 1932ko apirilaren 10 - Paris, Frantzia, 1990eko urriaren 15) frantses antzerki- eta zinema-antzezlea izan zen.

Biografia[aldatu | aldatu iturburu kodea]

Txikitatik munduko herrialde ugari ezagutzeko aukera izan zuen, bere aita, Henri Seyrig, arkeologo garrantzitsua zenez, etengabe bidaiatzen baitzuten. Azkenean, Parisen jarri ziren bizitzen, baina berak Estatu Batuetara itzultzea erabaki zuen 1956an, eta, New Yorkeko Actor's Studios eskola ezagunean, arte dramatikoko ikasketak egin zituen.

1958an arrakasta handia lortu zuen Broadwayen, Ibsenen Herriaren etsai bat obran egindako lanarengatik. Urte hartan bertan egin zuen bere lehen filma ere. Parisa itzulirik, 1960an Alain Robbe-Grillet idazlearen eta Alain Resnais zuzendariaren Azken urtea Marienbaden film abangoardista arrakastatsuan parte hartu zuen. Ondoren, antzerkian jarraitu zuen, baina 1964an, berriz ere, zinemara itzuli zen, Resnaisen Muriel filmean parte hartzeko; bertan egindako lanarengatik interpretazio-saria eman zioten Veneziako Zinemaldian.

Bere ibilbide profesionalean hogeita hamar film baino gehiago egin zituen. Hona hemen nagusiak: Joseph Loseyren Accident (1967), Luis Buñuelen Le charme discret de la bourgeoisie (1972), Jacques Demyren Peau d´Ane (1970) eta abar.

Antzerkian, berriz, Molièreren Tartuffe eta Ibsenen Hedda Gabler. Bestalde, emakumearen funtzio sozialaren aldeko ekintza askotan parte hartu zuen, Simone Signoret antzezlearekin, Marguerite Duras idazle eta zinema-zuzendariarekin eta Simone de Beauvoir idazlearekin batera.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Delphine Seyrig Aldatu lotura Wikidatan