Edukira joan

Diane Warren

Wikipedia, Entziklopedia askea
Diane Warren

Bizitza
Jaiotzako izen-deiturakDiane Eve Warren
JaiotzaVan Nuys (en) Itzuli, 1956ko irailaren 7a (70 urte)
Herrialdea Ameriketako Estatu Batuak
Hezkuntza
HeziketaLos Angeles Pierce College (en) Itzuli
Hizkuntzakingelesa
Jarduerak
Jarduerakkonpositorea, kantugilea, abeslaria eta egile abeslaria
Jasotako sariak
Genero artistikoapop musika
Musika instrumentuaelectronic keyboard (en) Itzuli
realsongs.com
IMDB: nm0005534 IBDB: 502969
X.com: Diane_Warren Instagram: dianewarren MySpace: dianewarrenmusic Spotify: 3A2jfQOLgo5rV4GYFHbEA2 Musicbrainz: 68cff6ec-3751-4bd5-9254-f4a77fe7e08f Songkick: 5314 Discogs: 157579 Allmusic: mn0000584360 Edit the value on Wikidata

Diane Eve Warren (Van Nuys, Kalifornia, 1956ko irailaren 7a) estatubatuar egile-abeslaria eta musikagilea da. 1983 urtetik aurrera lortu zuen ospea eta handik aurrera, bere abestiak artista ugarik interpretatu dituzte edota hainbat filmetan entzun dira.[1] Urteetan zehar bere konposizioek izan zuten arrakasta eta errekonozimenduaren ondorioz, Peter Reichardt Erresuma Batuko EMI Music diskoetxeko publizitate buru ohiak «munduko konpositorerik garrantzitsuena» izendatu zuen.[2]

Warren bederatzi aldiz heldu da Billboard Hot 100eko gailurrera, eta beste hogeita hamabi alditan sartu da top 10ean.[3] Billboarden historian bere zerrendetan sartu den emakume-konpositore bakarra da, zazpi kanturekin (denak artista ezberdinek interpretatuak).[3] Ameriketako Estatu Batuetan izan duen arrakasta Erresuma Batuan izan duenaren parekoa izan da, non hirugarren emakumezko artista arrakastatsuena izan dela esan duten.[4] Hauexek dira bere konposizio ezagunenetako batzuk: DeBargeren «Rhythm of the Night», Starshipen «Nothing's Gonna Stop Us Now», Cherren «If I Could Turn Back Time», Céline Dionen «Because You Loved Me», Aerosmithen «I Don't Want to Miss a Thing», LeAnn Rimesen «How Do I Live» edo Toni Braxtonen «Un-Break My Heart», besteak beste.

Oscar sarietarako hamasei izendapen jaso ditu, eta 2022 urtean ohorezko Oscar bat jaso zuen bere ibilbidearengatik. Bi Urrezko Globo sari, Grammy sari bat, Emmy sari bat eta hiru Billboard sari ere irabazi ditu.[5] Konpositoreen Ospearen Aretoan sartu zuten, eta izar bat jaso zuen Hollywoodeko Ospearen Pasealekuan.

Bizitza

[aldatu | aldatu iturburu kodea]

Lehen urteak

[aldatu | aldatu iturburu kodea]

Warrenek komentatu duenez, konprenitu barik eta exotiko sentitzen zen Kaliforniako Van Nuys-en, Los Angelesetik 40 km ipar-mendebaldera dagoen herri batean, neskato judu bat bezala hazi zenean. Txikia zenean oso bihurria zen, eta Scott Simoni (NPR) esan zion nerabea zenean arazoetan sartu zela eta azkenean ihes egin zuela, baina etxera itzuli zela katuaren falta zuelako. 14 urte zituela hasi zen kantuak idazten. Geroago, «Musikak salbatu ninduen», esan zuen.

Warrenek esan zuen, era berean, kantu idazle gisa ibilbide bat jarraitzeko ametsari uko egiteko eskatu ziola amak, eta bulegari lanaren bidea jarraitzeko ere.[6] Hala ere, aitak sinetsi egin zuen eta animatu egin zuen. Warrenek Because you loved me (Maite ninduzulako) abestia idatzi zion aitari, adore eman ziolako.

Ibilbidea

[aldatu | aldatu iturburu kodea]

Bere lehen arrakasta Solitaire (1983) izan zen, Laura Branigan (1952-2004) abeslaria AEBko abesti arrakastatsuen zerrendetan zazpigarren postura eraman zuena.

1998an Alanna Nash ek zera esan zuen 'Good Housekeeping-n:

Egia esan, pop musikaren Emily Dickinson moduko bat da. Ingalaterra Berriko XIX. mendeko olerkari handi bakartia bezala, bertso sinple baina elokuenteengatik ezaguna, Warrenek ia bere artearen inguruko bizitza darama.

Warrenen abesti gehienak gai erromantikoei buruzkoak dira. Ez da inoiz ezkondu.

1998 urtean, Realsongs bere enpresak eta EMI Music Publishing nazioarteko bazkideak A Passion For Music (Musikarekiko pasioa) banatu zuten, konpositorearen lana zabaldu zuen sei CDko kutxa. EMI Music-ek Londresen duen bulegoak kutxa horren 1200 ale banatzen lagundu zuen. Konpilazioa ez zen komertzialki eskuragarri egon, eta batez ere zinema eta telebista industriara bideratuta zegoen, soinu bandetan eta bestelako jarduera komertzialetan erabili ahal izateko. Urte berean, Una noche con Diane Warren aurkeztu zuen Bluebird tabernako intimitatean (110 eserleku baino ez), kantu konpositore ospetsuen etxean.

Diane Warren Fundazioak —ASCAP Fundazioarekin eta VH1 Save The Music Fundazioarekin elkarlanean— ekimen bateratu bat sortu zuen 2000 urtean, «Musika eskoletan» izenekoa. Ekimenak partiturak eta partichela delakoak, bandarako moldaketak, folioak, liburuak eta musika metodoak eskaintzen ditu VH1 Save The Music Fundazioaren musika tresnen onuradun diren eskola bakoitzerako.

2004 urtean (eta zenbait herrialdetan 2005 urtean edo baita 2006 urtean ere), Warrenek maitasun kantak biltzen zituen disko bat plazaratu zuen, Diane Warren presents love songs izenekoa (Diane Warrenek maitasun kantak aurkezten ditu), bere maitasun kanta nabarmenenak bildu zituena, hala nola, Because you loved me, Love Will Lead You Back eta Unbreak my heart. CD osoa Johnny Mathis abeslari handiaren ahotsean eta Humberto Gaticak ekoiztuta. Abestien zerrenda zertxobait aldatzen da herrialde batean edo bestean izan.

CDan How do I liveren bertsioa dago (Trisha Yearwoodek interpretatua), ez LeAnn Rimesen pop bertsioa, ziur aski Rimesek bilduma horretan bertan abesti bat (Can’t fight the moonlight) bazuelako. Hala ere, For you I will (Monicarena) abestia, bildumaren absentzia nabarmenetako bat da. Duela gutxi, «Baladaren Erregina» deitu zioten Dianeri.

Duela gutxi, Warrenek Ashanti abeslariarekin (Grammy saria irabazi zuen artista) kolaboratu zuen estudioan, 2008 urteko ekainaren 3an argitaratu zuen The declaration (Adierazpena) disko berria ekoizten laguntzeko. Leona Lewisen bigarren diskorako abestiak idatzi zituen.

2009 urtean, Andrew Lloyd Webberrekin batera, Erresuma Batua Eurovision jaialdian sartzeko abestia idatzi zuen. It’s my time izena zuen abestiak.[7][8][9] Jade Ewenek abestu zuen eta bosgarren postua lortu zuen, Erresuma Batuarentzat 2002. urtetik lortutako posturik onena.

2010 urtean, Diane Warrenek Avon enpresarekin batu zituen indarrak, Avon Voices (lAvonen ahotsak) ospetsurako epaile lanetan. Munduko lehen lineako lehiaketa izan zen, talentu femeninoak aurkitzeko eta gizon-emakumeentzako abestiak konposatzeko gaitasuna aurkitzeko.

Hamarkada bat geroago, 2020 urtean, Diane Warrenek bere "I'm standing with you" abestia (Jatorrizko Kantu Onenaren izendapena jaso zuen 2020 urteko Oscar sarietan) gaztelaniara egokitu zuen, "Contigo estaré " izenburua jarrita, bere ikuspegian berdintasunaren eta beren eskubideen alde borrokatzen ziren emakume txiletarren aldeko ereserkia egiteko asmoz.[10][11] Konpositoreak Txileko abeslari batzuk aukeratu zituen bere bertsio berria abesteko, aukeratutako interpreteak María Colores, Simoney, María Jimena Pereyra, Yael Meyer, Karla Grunewaldt izan ziren, Ameriketako Estatu Batuetatik Diane Warrenen ahotsak lagunduta.[12] Ekoizpen musikala Juan Cristobal Meza eta Carlo Siliottoren esku egon zen Los Angelesetik, Ameriketako Estatu Batuetatik eta Enzo Massardoren esku Txileko Atomika estudioetatik.[13] "Contigo estaré" 2020 urteko martxoaren 8an kaleratu zen hedabide digitaletan.[11]

2022 urteko ekainaren 22an iragarri zuten Ohorezko Oscar saria emango ziotela 13 izendapen jaso ondoren, Michael J. Fox eta Peter Weirrekin batera.[14][15][16]

Sariak eta aintzatespenak

[aldatu | aldatu iturburu kodea]

Oscar sariak

[aldatu | aldatu iturburu kodea]
Urtea Kategoria Lan izendatuak Emaitza Erref.
1987 Jatorrizko abesti onena "Nothing's Gonna Stop Us Now" ( Mannequin)[26] Izendatua [17]
1997 "Because You Loved Me" (Up Close & Personal) Izendatua [18]
1998 "How Do I Live" (Con Air) Izendatua [19]
1999 "I Don't Want to Miss a Thing" ( (from Armageddon)) Izendatua [20]
2000 "Music of My Heart" ((from Music of the Heart)) Izendatua [21]
2001 "There You'll Be" (from Pearl Harbor) Izendatua [22]
2015 "Grateful" (from Beyond the Lights) Izendatua [23]
2015 "Til It Happens to You" (from The Hunting Ground) [34] Izendatua [24]
2017 "Stand Up for Something" (Marshall)[36] Izendatua [25]
2018 "I'll Fight" ((from RBG) RBG) Izendatua [26]
2019 "I'm Standing with You" (from Breakthrough) Izendatua [27]
2020 "Io sì (Seen)" (from The Life Ahead) [40] Izendatua [28]
2021 "Somehow You Do" (from Four Good Days) Izendatua [29]
2022 Academy Honorary Award Irabazlea [30]
Best original song "Applause" (from Tell It Like a Woman) Izendatua [31]
2023 "The Fire Inside" (from Flamin' Hot) Izendatua [32]
2024 "The Journey" (from The Six Triple Eight) Izendatua [33]

ASCAP

[aldatu | aldatu iturburu kodea]
  • 1990: Pop Songwriter of the Year.
  • 1991: Pop Songwriter of the year
  • 1993: Pop Songwriter of the year
  • 1998: Pop Songwriter of the Year (Because you loved me), For you I will (Monica), How do I live (LeAnn Rimes, Trisha Yearwood), eta Un-break my heart (Toni Braxton)[34]
  • 1999: Pop Songwriter of the Year por Because you loved me (Céline Dion), How do I live (LeAnn Rimes, Trisha Yearwood), I don’t want to miss a thing (Aerosmith), etaUn-break my heart (Toni Braxton)[35]
  • 2000: Country Songwriter of the Year, I don’t want to miss a thing (Mark Chesnutt) eta I’ll still love you more (Trisha Yearwood)[36]

Broadcast Film Critics Association sariak

[aldatu | aldatu iturburu kodea]
  • You haven’t seen the last of me (izendatua).
  • Do you feel me (izendatua).
  • There you’ll be (izendatua).
  • Music of my heart (irabazlea).

Urrezko Globoak Sariak

[aldatu | aldatu iturburu kodea]
  • The Rhythm of the night, 44.Golden Globe Awards (izendatua).
  • Nothing’s gonna stop us now, 46.Golden Globe Awards (izendatua).
  • Because you loved me, 54.Golden Globe Awards (izendatua).
  • There you’ll be, 59.Golden Globe Awards (izendatua).
  • You haven’t seen the last of me, 68.Golden Globe Awards (irabazlea).
  • Seen (Io Sì), 78.Golden Globe Awards (irabazlea).

Grammy Sariak

[aldatu | aldatu iturburu kodea]
  • Nothing’s gonna stop us now (izendatua).
  • Because you loved me, 39.Grammy Awards (irabazlea).
  • How do I live (izendatua).
  • I don’t want to miss a thing (izendatua).
  • Reach (izendatua).
  • Music of my heart (izendatua).
  • There you’ll be (izendatua).
  • Til It Happens to You (izendatua).

Satellite sariak

[aldatu | aldatu iturburu kodea]
  • You haven’t seen the last of me (irabazlea).
  • Do you feel me (izendatua).
  • There you’ll be (izendatua).
  • I don’t want to miss a thing (irabazlea).
  • Til It Happens To You (irabazlea).
  • 3. Seen (Io sì) (irabazlea).

Beste sari eta ohore batzuk

[aldatu | aldatu iturburu kodea]
  • 2011: Palm Springs International Film Festival’s (PSIFF) Frederick Loewe Music Award.
  • 2006: Women in Film Crystal Award.
  • 2001: Hollywood Film Festival Outstanding Achievement in Songwriting.
  • 1997: 1998, 1999: Billboard Music Award Songwriter of Year.
  • 2008: The Hollywood Reporter and Billboard’s Inaugural Film & TV Music Career Achievement Award.
  • 2001: Hollywood Walk of Fame Star.
  • 2001: Songwriters Hall of Fame.
  • 2020: Capri Hollywood International Film Festival: Urteko abestia Io sì (Seen).
  • 2020: Hollywood Music In Media Awards: Jatorrizko abesti onena - Io sì (Seen).
  • 2021: Satellite Sariak: Jatorrizko abesti onena: Io Sì (Seen)

Erreferentziak

[aldatu | aldatu iturburu kodea]
  1. ↑ Diane Warren Internet Movie Databaseren webgunean (Ingelesez) Consultado en abril de 2011.
  2. ↑ Radio 2 - The Diane Warren Story. BBC.co.uk.
  3. 1 2 Gary Trust. (26 de enero de 2016). Ask Billboard: Diane Warren's Biggest Hot 100 Hits. Billboard.
  4. ↑ Guinness: World Records 2009. Guinness World Records. 2008. p. 168. ISBN 978-1-904994-37-4
  5. ↑ AwardsDatabase.Oscars.org. .
  6. ↑ Michael LASKOW: [Esteka hautsia], en bmusic.com.
  7. ↑ Elizabeth SANDERSON. (24 de enero de 2009). We wrote the Eurovision song in two hours, says Lloyd Webber. Daily Mail.
  8. ↑ Marcus KLIER. (25 de enero de 2009). United Kingdom: Song title announced. ESCToday.
  9. ↑ «Norway voted Eurovision winners» BBC News 16 de mayo.
  10. ↑ «Chrissy Metz Delivers Moving Rendition of 'Breakthrough' Song 'I'm Standing With You' at 2020 Oscars» Billboard.
  11. 1 2 Karla Grunewaldt canta junto a Diane Warren y artistas nacionales himno por las mujeres chilenas. .
  12. ↑ González, Nelson. (2020-03-07). «Cantante estadounidense Diane Warren lanza canción en homenaje a la "mujer chilena"» La Máquina Medio.
  13. ↑ «"Contigo estaré", la canción que la compositora Diane Warren regaló a las mujeres chilenas» PRENSA.CL diario online de noticias en Chile.
  14. ↑ Pereira, Eduardo. (2022-06-21). «Oscar | Academia homenageará Michael J. Fox, Diane Warren e mais» Omelete.
  15. ↑ RTVE.es. (2022-06-22). «Diane Warren, Michael J. Fox, Euzhan Palcy y Peter Weir, Oscar honoríficos» RTVE.es.
  16. ↑ «Peter Weir, Diane Warren, Michael J. Fox y Euzhan Palcy, Oscar honoríficos» La Vanguardia 2022-06-22.
  17. ↑ The 60th Academy Awards (1988) Nominees and Winners. Academy of Motion Picture Arts and Sciences.
  18. ↑ The 69th Academy Awards (1997) Nominees and Winners. Academy of Motion Picture Arts and Sciences.
  19. ↑ The 70th Academy Awards (1998) Nominees and Winners. Academy of Motion Picture Arts and Sciences.
  20. ↑ The 71st Academy Awards (1999) Nominees and Winners. Academy of Motion Picture Arts and Sciences.
  21. ↑ The 72nd Academy Awards (2000) Nominees and Winners. Academy of Motion Picture Arts and Sciences.
  22. ↑ The 74th Academy Awards (2002) Nominees and Winners. Academy of Motion Picture Arts and Sciences.
  23. ↑ The 87th Academy Awards (2015) Nominees and Winners. Academy of Motion Picture Arts and Sciences.
  24. ↑ The 88th Academy Awards (2016) Nominees and Winners. Academy of Motion Picture Arts and Sciences.
  25. ↑ The 90th Academy Awards (2018) Nominees and Winners. Academy of Motion Picture Arts and Sciences.
  26. ↑ The 91st Academy Awards (2019) Nominees and Winners. Academy of Motion Picture Arts and Sciences.
  27. ↑ The 92nd Academy Awards (2020) Nominees and Winners. Academy of Motion Picture Arts and Sciences.
  28. ↑ The 93rd Academy Awards (2021) Nominees and Winners. Academy of Motion Picture Arts and Sciences.
  29. ↑ The 94th Academy Awards (2022) Nominees and Winners. Academy of Motion Picture Arts and Sciences.
  30. ↑ THE ACADEMY TO HONOR MICHAEL J. FOX, EUZHAN PALCY, DIANE WARREN AND PETER WEIR WITH OSCARS® AT GOVERNORS AWARDS IN NOVEMBER. Academy of Motion Picture Arts and Sciences 2022-06-21.
  31. ↑ The 95th Academy Awards (2023) Nominees and Winners. Academy of Motion Picture Arts and Sciences.
  32. ↑ The 96th Academy Awards (2024) Nominees and Winners. Academy of Motion Picture Arts and Sciences.
  33. ↑ The 97th Academy Awards | (2025). Academy of Motion Picture Arts and Sciences 2025-01-23.
  34. ↑ «Diane Warren Top ASCAP Songwriter» Tracy Chapman News at Yahoo! Music (Yahoo! Inc.) 20 de mayo de 1998.
  35. ↑ «Repeat the chorus: Warren Ascap’s Songwriter of Year» The Hollywood Reporter, archivado en AllBusiness.com 18 de mayo de 1999.
  36. ↑ Jay ORR; R. TURNEBLAH; y Shannon WAYNE. (3 de octubre de 2000). «Los Angeles Comes to Nashville Pop Songwriter Diane Warren Named ASCAP’s Country Songwriter of the Year» CMT News (MTV Networks).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Diane_Warren&oldid=10689733"(e)tik eskuratuta