Durango

Durango
	Bizkaia, Euskal Herria
	Durangoren ikuspegia hegoaldetik.
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Durangaldea
Izen ofiziala	Durango
Alkatea	Ima Garrastatxu (Euskal Herria Bildu)
Posta kodea	48200
INE kodea	48027
Herritarra	durangar
Kokapena
Koordenatuak	43° 10′ 01″ N, 2° 37′ 56″ W / 43.166974°N,2.6321025°WKoordenatuak: 43° 10′ 01″ N, 2° 37′ 56″ W / 43.166974°N,2.6321025°W
	Durango Durango (Bizkaia)
	Ikusi OpenStreetMapen
Azalera	10,91 km2
Garaiera	119 metro
Distantzia	30 km Bilbora
Demografia
Biztanleria	29.193 biztanle (2016); ( 84)
	% 48,89 % 51,11
Dentsitatea	2.675,8 biztanle/km²
Hazkundea; (2003-2013)	% 11,49
Zahartze tasa	% 22,73
Ugalkortasun tasa	‰ 36,45
Ekonomia
Jarduera tasa	% 78,33 (2011)
Genero desoreka	% 4,55 (2011)
Langabezia erregistratua	% 10,62 (2013)
Kultura
Euskaldunak	% 49,48 (2010)
Euskararen erabilera	%17,7 (2011)
Datu gehigarriak
Sorrera	XII. mende hasiera inguru. urtea
Webgunea	http://www.durango-udala.net

Artikulu hau Bizkaiko herriari buruzkoa da; beste esanahietarako, ikus «Durango (argipena)».

Durango Bizkaiko hego-ekialdeko udalerri bat da, Durangaldea eskualdekoa. 10,79 km² ditu, eta 2016. urtean 29.193 biztanle zituen.

Geografia[aldatu | aldatu iturburu kodea]

Bizkaiko barnealdean, eta Ibaizabal ibaiak sortutako lautada txiki baten kokatuta, Durangoko udalerriak 10,70 km² hartzen ditu. Ibaizabal ibaiak, udalerritik pasatzean, Mañarierrekaren eta Larrinagatxu errekaren urak jasotzen ditu.

Udalerriaren barnean, Mugarra (960 metro) eta Neberondo (453 metro) mendiak nabarmentzen dira, karezko mendikate bat osatzen dutenak. Mugarra da Durangaldeko mendizerraren hasiera, Bizkaiko eskualde honetan zehar hedatzen dena. Bertan, Alluitz, Untxillatz edota Anboto mendiak kokatzen dira; guzti-guztiak Urkiolako Parke Naturalaren barruan daudela.

Udalerri mugakideak[aldatu | aldatu iturburu kodea]

Mugakide ditu iparraldean Iurreta, hegoaldean Izurtza, mendebaldean Amorebieta-Etxano eta Dima, eta ekialdean Abadiño.

Historia[aldatu | aldatu iturburu kodea]

Durangoko planoa Francisco Coellok 1857an egina. Hiribilduaz gain, Durangoko bost errebalak ikus daitezke.

XII. mendearen erdialdean, Villanueva de Durango izenarekin Nafarroako erregeak hiribildua fundatu zuen, Tabira herriaren gainean.
1442 inguruan, Frai Alonso de Mella hereje izendatu zuen Eliza Katolikoak, eta haren aurka Inkisizioa bidali. Bibliaren irakurketa pertsonala eta ondasun eta pertsonen askatasun osoa aldarrikatzen zuen.
1937ko martxoaren 31n, Francoren agindupeko italiar hegazkinek hiria bonbardatu zuten, eta 400 bat lagun hil.
1965eko azaroaren 1ean, Durangoko Azoka antolatu zuten lehenengo aldiz.

Demografia[aldatu | aldatu iturburu kodea]

Bizkaiko beste toki askotan bezala, Durangoko populazioa asko handitu zen XX. mendeko bigarren erdialdean, Espainiatik etorritako jendearen ondorioz. Mendearen amaieran biztanleria egonkortu egin zen, baina XXI. mendearen hasieran berriro hazi zen, ordukoan mundu osoko etorkinen ondorioz.

1990ean Iurreta Durangotik banandu zen; ordutik haren biztanleak ez dira Durangoko estatistiketan agertzen.

Durangoko biztanleria

Politika[aldatu | aldatu iturburu kodea]

Durangoko udaletxea.

2011ko maiatzaren 22ko hauteskundeetako emaitzen ondorioz, EAJko Aitziber Irigoras hautatu zuten alkate berriro. Irigoras (EAJ) Bildu koalizioaren hautagai Urdaspal Bolinagari gailendu zitzaion, nahiz eta biek 8 boto eskuratu udal bilkuran (Bilduren hautagaiak Aralarren botoak ere jaso zituen), EAJ alderdirik bozkatuena izan baitzen.

2015eko hauteskundeen ondoren, Aitziber Irigoras (EAJ) berriro hautatu zuten alkate EAJren (8) eta PSE-EEren (2) zinegotzien babesarekin eta PPren (1) abstentzioari esker.

2019ko hauteskundeen ondoren, Ima Garrastatxu Urbaneja (EH Bildu) hautatu zuten alkate, EH Bilduren 7 boto eta Herriaren Eskubidearen 4 botoei esker.

Durango udal hauteskundeak
Alderdi politikoa	2019		2015		2011		2007		2003		1999		1995		1991
Euzko Alderdi Jeltzalea (EAJ)	35,27%	8	36,98%	8	33,92%	8	31,09%	7	-	-	-	-	41,21%	10	41,61%	10
Euskal Herria Bildu (EH Bildu) / Bildu	32,30%	7	31,29%	7	26,62%	6	-	-	-	-	-	-	-	-	-	-
Herriaren Eskubidea (SQ-2D)	16,35%	4	13,39%	3	-	-	-	-	-	-	-	-	-	-	-	-
Euskadiko Alderdi Sozialista (PSE-EE(PSOE))	10,02%	2	9,53%	2	13,14%	3	16,16%	4	12,47%	2	12,35%	3	11,07%	2	12,32%	3
Alderdi Popularra (PP)	4,53%	-	6,98%	1	10,95%	2	12,17%	3	17,21%	4	18,26%	4	15,72%	4	11,38%	2
Aralar	-	-	-	-	10,02%	2	11,83%	2	6,16%	1	-	-	-	-	-	-
Ezker Batua-Berdeak (EB-B)	-	-	-	-	3,39%	0	5,28%	1	7,39%	1	4,94%	0	7,58%	1	1,54%	0
Eusko Abertzale Ekintza (EAE-ANV)	-	-	-	-	-	-	19,02%	4	-	-	-	-	-	-	-	-
Eusko Alkartasuna (EA)	-	-	-	-	-	-	2,09%	2	-	-	-	-	6,87%	1	7,52%	1
Euzko Alderdi Jeltzalea/Eusko Alkartasuna (EAJ/EA)	-	-	-	-	-	-	-	-	42,00%	10	41,04%	9	-	-	-	-
Mugarra Bilgunea (MB)	-	-	-	-	-	-	-	-	13,99%	3	-	-	-	-	-	-
Euskal Herritarrok (EH)	-	-	-	-	-	-	-	-	-	-	22,25%	5	-	-	-	-
Herri Batasuna (HB)	-	-	-	-	-	-	-	-	-	-	-	-	15,51%	3	17,27%	4
Euskadiko Ezkerra (EE)	-	-	-	-	-	-	-	-	-	-	-	-	-	-	7,58%	1

Durangoren ikuspegi orokorra.

Kultura[aldatu | aldatu iturburu kodea]

Euskara[aldatu | aldatu iturburu kodea]

Play media

Durangoko hiztunen testigantzekin osatutako bideoa, Euskal Herriko Ahotsak^[2] proiekturako egina, ahozko ondarea jaso eta zabaltzeko

Herriko eta inguruko jatorrizko euskalkia Mendebaleko euskararen aldaera bat da, durangaldekoa^[3]^[4]. Gaur egun, Eustaten datuei erreparatuta, Durangoko biztanleen % 45 da euskalduna.

Kulturaguneak[aldatu | aldatu iturburu kodea]

San Agustin Kultur Etxea.
Etxezarreta Jauregia: Durangoko Arte eta Historia Museoa.
Plateruena Kafe Antzokia.

Ekitaldiak[aldatu | aldatu iturburu kodea]

Durangoko Azoka.
Durangoko Pasiñue.
Hitzez eta Ahotsez literatura jardunaldia

Elkarteak[aldatu | aldatu iturburu kodea]

Cultural Durango, futbol taldea.
Berbaro, euskara elkartea.
Kriskitin dantza taldea.
Andereak talde feministaniaen ko

Hedabideak[aldatu | aldatu iturburu kodea]

Anboto Komunikabideak

Antzerki taldeak[aldatu | aldatu iturburu kodea]

Karrika antzerki taldea
Atara Zarata antzerki taldea
Gora ta gora antzerki taldea

Ondasun nabarmenak[aldatu | aldatu iturburu kodea]

Durangon, ondorengo eraikin edo monumentu garrantzitsuak daude:

Garay jauregia: 1895. urtean Pedro Jose Astarbe arkitektoak Justo Garairentzat eraikitako jauregia.
Kurutziagako gurutzea: 1440. urte ingurukoa da. Alonso de Mella fraidearen omenez eraiki zuten, Inkisizioak gogor zapaldu zuenekoa.
Lariz dorrea: 1483. urtean Elisabet Katolikoak ostatu hartu zuen eraikin honetan, Durangora Uriko eta Durango Merindadeko foruak sinatzera etorria.
Mikeldiko idoloa: Erromatarren garaia baino lehenagokoa da, eta irudikatzen duenari buruz teoria asko daude. Jatorrizkoa Bilbon dago (Euskal Museo Etnografikoan). Kopia bat, Ezkurdi plazan ikus daiteke.
Santa Anako arkua: 1566. urtean eraiki zuten, estilo barrokoan. Durangok izan zuen harresiko sei ateetatik geratzen den bakarra da.
Tabirako San Pedro eliza: Bertakoen ustez, Bizkaiko zaharrena. XII. mendekoak dira aurkitutako aztarnarik zaharrenak.
Udaletxea: 1570. urtean eraiki zuten. Estilo klasikoa dauka.
Uribarriko Andra Mariaren basilika: estilo gotikoa eta pizkundetarra du. XIV. mendean eraiki zuten. Elizpean egin zuten lehenengo Durangoko Azoka.