Dysonen esfera

Wikipedia, Entziklopedia askea
Jump to navigation Jump to search
Irudian «Dysonen maskor» bat moztuta ageri da. UA 1eko erradioa duen egitura bat irudikatzen da bertan.

Dysonen esfera 1960an Freeman Dyson fisikariak proposatutako megaegitura hipotetiko bat da. Science aldizkarian argitaratu zuen, «Search for artificial stellar sources of infra-red radiation» izena jarri zion artikuluari. Dysonen esfera forma esferikoa duen estalki bat da, dimentsio astronomikoak dituena (hau da, planeta-orbita baten baliokidea da bere erradioa), izar baten inguruan kokatzen dena, horrela, izarrak emandako argi eta bero-energia ahalik eta kopuru handienean aprobetxatzeko.

Ideiaren merituak Freeman Dysoni egozten zaizkion arren, 1937an antzeko proposamen bat plazaratu zen zientzia fikziozko lan baten bidez, Olaf Stapledonen Izarren egilea zen lan horren izena. Bere megaegiturari buruzko xehetasunak azaltzean, Dysonek ez zituen zailtasun asko hartu, baina egituraren ezaugarri termikoetan hainbat azalpen eman izan ditu. Azalpen hauen bidez, azken batean, Dysonek astronomoak berak proposatutako egiturak unibertsoan zehar bilatzera bultzatu izan ditu, hala, horrelako sorkuntza bat aurkituz gero, zibilizazio aurreratu bat atzemateko.

Ikus, gainera[aldatu | aldatu iturburu kodea]