E. P. Thompson

E. P. Thompson
	; (1980) Irudi gehiago
Bizitza
Jaiotza	Oxford, 1924ko otsailaren 3a
Herrialdea	Erresuma Batua
Heriotza	Worcester, 1993ko abuztuaren 28a (69 urte)
Familia
Aita	Edward John Thompson
Ezkontidea(k)	Dorothy Thompson (en)
Seme-alabak	ikusi Kate Thompson;
Haurrideak	ikusi Frank Thompson;
Hezkuntza
Heziketa	Corpus Christi College (en) ; Dragon School (en) ; Kingswood School (en)
Doktorego ikaslea(k)	Eric J. Evans (en)
Hizkuntzak	ingelesa
Jarduerak
Jarduerak	idazlea, Aro Modernoko historialaria, historialaria, eleberrigilea, kazetaria, biografoa, labor historian (en) , bakearen aldeko aktibista eta anti–nuclear weapons activist (en)
Enplegatzailea(k)	Pittsburgheko Unibertsitatea ; Warwickeko Unibertsitatea ; Leedsko Unibertsitatea (1948 - 1965)
Lan nabarmenak	ikusi The Making of the English Working Class (en) ;
Jasotako sariak	ikusi ohorezko doktore : The Open University (1982ko maiatzaren 8a) ;
Kidetza	Arteen eta Zientzien Ameriketako Estatu Batuetako Akademia
Mugimendua	Ezker Berria
Zerbitzu militarra
Adar militarra	Britainia Handiko Armada
Parte hartutako gatazkak	Bigarren Mundu Gerra
Ideologia	sozialismoa

Edward Palmer Thompson (Oxford, 1924ko otsailaren 3a - 1993ko abuztuaren 28a) britainiar historialari eta idazlea izan zen. Raymond Williams, Richard Hoggart eta Stuart Hallekin batera Kultur ikasketen eta Ezker Berriko erreferenteetako bat da.

Oxfordeko Unibertsitateko irakasle izan zen. 1942an Britainia Handiko Alderdi Komunistako kide egin zen, baina 1956ko Hungariako Iraultza Sobietar Batasunak zapaldu zuenean, alderdia utzi zuen.

Bere lehen obra, William Morris margolariaren biografia, urtebete lehenago agertu zen: William Morris: romantic to revolutionary (1957, William Morris. erromantikotik iraultzailera). Aitzindari izan zen langile munduaren antropologia-azterketan, eta langileriaren sorrerari buruzko oinarrizko lan bat idatzi zuen: The making of the english working class (1963, Ingalaterrako langile klasearen sorrera). Garai hartan Erresuma Batuko Alderdi Laboristako kide zen, alderdiko ezker hegaleko kide. Bere lanen ardatz nagusiak herri kultura, klase kontzientzia eta pentsamendu marxistaz egiten duen interpretazioa dira. Marxismo klasikoan ohikoa den oinarri-superestruktura ereduaren sinpletasunari kritika egin eta, marxismoaren baitan, kultura beste modu batean pentsatzeari ekin zion.^[1] Thompsonen ikuspegian kultura klaseari lotuta dago eta ondorioz borroka da.^[2] 1980tik aurrera arma eta energia nuklearraren aurkako higikundeetan parte hartu zuen eta gai horri buruzko zenbait liburu idatzi zituen: Zero option (1982). Hainbat eta hainbat artikulu idatzi zituen, eta 1998an eleberri bat, The Sykaos papers.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Hall, Stuart (2025)[1983]: ”Kultur ikasketen formazioa” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2
↑ Galfarsoro, Imanol (2012): “(Post)marxismoa, kultura eta eragiletasuna: ibilbide historiko labur bat” in Alaitz Aizpuru (et al.): Euskal Herriko pentsamenduaren gida, Bilbo, UEU. ISBN 978-84-8438-435-9

Datuak: Q434160
Multimedia: E. P. Thompson / Q434160

[1] Hall, Stuart (2025)[1983]: ”Kultur ikasketen formazioa” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2

[2] Galfarsoro, Imanol (2012): “(Post)marxismoa, kultura eta eragiletasuna: ibilbide historiko labur bat” in Alaitz Aizpuru (et al.): Euskal Herriko pentsamenduaren gida, Bilbo, UEU. ISBN 978-84-8438-435-9

[1]

[2]