ETE Liga

ETE Liga
Sorrera	2018
Antolatzailea	Emakumezkoen Traineruen Elkartea
Garaipen gehien	Tolosaldea (2)
Azken ekitaldia	2022
Irabazlea(k)	Hondarribia
Jokoan	2022
Webgunea	webgune ofiziala

ETE Liga Emakumezkoen Traineruen Elkarteak sortutako arraun liga da. Bigarren mailako Liga da, Emakumezkoen Traineru Ligaren ondoren, eta Euskal Herriko eta Kantabriako traineruek hartzen dute parte. Emakumezkoen Gipuzkoako Traineru Ligaren oinordekoa da.

Historia

Emakumezkoen traineruak sortu zirenean selekzioek hartu zuten parte estropadetan. Gipuzkoan arraunlari ugari izanik taldeen traineruak osatu ziren, kasu batzuetan bi kluben arteko elkarketaz, Getaria-Tolosa esate baterako. Horregatik kluben arteko liga bat osatu beharra ikusi zen eta Emakumezkoen Gipuzkoako Traineru Liga sortu zen 2010 urtean, Gipuzkoako Diputazioaren babesean. Bizkaitar eta kantabriar talde bakanek ere bertan hartu zuten parte, hasieran gonbidatu gisa eta ondoren partaide gisa.

2016tik aurrera Gipuzkoatik kanpoko taldeak ere ugaritu ziren eta zikloa amaitutzat emanez 2018an KAE Ligaren egituraren antzeko ETE Liga eratu zen.

Egitura

2018ko denboraldi hasieran, aurreneko denboraldia izanik, Euskotren Ligarako sailkapen estropadak jokatu ziren eta lau onenek saria lortu zuten. Euskotren Ligarako sailkatu ez zirenek jokatu zuten ETE Liga.

Denboraldiaren amaieran aurreneko bi traineruek, Galiziako Ligako aurreneko biek eta Euskotren Ligako azkenak play-offa jokatzen dute.

Palmaresa

Urtea	Txapelduna	Bigarrena	Hirugarrena	Igotako taldea
2018	Donostiarra	Hibaika	Deustu	Donostiarra
2019	Hibaika	Zumaia	Deustu	inor ez
2020	Tolosaldea	Hibaika	Zumaia	inor ez
2021	Tolosaldea	Deustu	Hibaika	Tolosaldea
2022	Hondarribia	Hibaika	Deustu	Hondarribia eta Hibaika

Datuak

Donostiarrak irabazi zuen 2018ko ETE Liga.

Hibaikak irabazi zuen 2019ko ETE Liga.

Tolosaldea, 2020ko ETE Ligan.

Hondarribia eta Hibaika izan ziren onenak 2022ko ETE Ligan eta mailaz igo ziren.

Ligak

Urtea	Taldeak	Estropadak
2018	9	13
2019	11	15
2020	9	12
2021	11	15
2022	9	15

Postuak

Taldea	Irabazlea	Bigarrena	Hirugarren
Tolosaldea	2	0	0
Hibaika	1	3	1
Donostiarra	1	0	0
Hondarribia	1	0	0
Deustu	0	1	3
Zumaia	0	1	1

Patroiak

Patroia	Garaipenak	Urteak
Aiora Sorozabal	2	2020, 2021
Inder Paredes	1	2018
Zuriñe Alberdi	1	2019
Miren Garmendia	1	2022

Parte hartzeak

Taldea	Parte hartzeak	Urteak
Hibaika	5	2018, 2019, 2020, 2021, 2022
Deustu	5	2018, 2019, 2020, 2021, 2022
Ondarroa	5	2018, 2019, 2020, 2021, 2022
Tolosaldea	4	2018, 2019, 2020, 2021
Isuntza	4	2018, 2019, 2020, 2021
Lapurdi	4	2018, 2019, 2020, 2021
Zumaia	4	2019, 2020, 2021, 2022
San Juan	3	2019, 2020, 2021
Hernani	3	2018, 2019, 2022
Kaiku	2	2018, 2019
Colindres	2	2018, 2019
Lutxana	2	2020, 2021
Zarautz	2	2021, 2022
Castreña	2	2021, 2022
Donostiarra	1	2018
Hondarribia	1	2022
Portugalete	1	2022

Irabazitako banderak

2022an eguneratua.

Taldeak	Banderak
Tolosaldea	21
Hibaika	15
Hondarribia	9
Donostiarra	7
Zumaia	7
Deustu	5
Orio	1
San Juan	1

Ekitaldiak

2018: I ETE Liga

Sailkapen estropada jokatu artean 13 taldek eman zuten izena ETE Ligan. Euskotren Ligarako lau talde sailkatu ziren (San Juan, Orio, Arraun Lagunak eta Hondarribia), horrela beraz gainerako bederatzi taldeek osatu zuten ETE Liga.

13 estropadak osatu zuten ETE Liga. Sailkapenerako erabili zen Portugaleteko Bandera Oriok irabazi zuen, izena emandako talde guztiek hartu baitzuten parte. Hurrengo 12etan ETE Ligako traineruak soilik aritu ziren.

Donostiarra izan zen irabazlea eta play-offetan Euskotren Ligara igotzea lortu zuen. Hondarribiari jeistea tokatzen zitzaion baina 2019 urterako San Juanek maila gorenari uko egin zionez Hondarribia Euskotren Ligan mantendu zen.

Postua	Elkartea	Trainerua	Patroia	Puntuak	Banderak
1	Donostiarra	Torrekua I	Inder Paredes	99	7: Donostiarra, Orio, Lekeitio, Pasaia, Ondarroa, Donostia Aste Nagusia, Colindres
2	Hibaika	Madalen	Zuriñe Alberdi	93	3: Camargo, Txingudi, Plentzia
3	Deustu	Tomatera	Aiala Uribelarrea	89	1: Bilbo Hiria
4	Tolosaldea	Enbata	Laiene Eizagirre	70	1: Errenteria
5	Kaiku	Bizkaitarra	Iraide Ruiz	65
6	Hernani	Maialen	Jone Pastor	51
7	Lea Artibai*	Lea-Artibai	Nahia Aboitiz	36
8	Lapurdi	Ipar Haizea	Pauline Delqué	20
9	Colindres	San Ginés	Julia Rodriguez	17

• Lea-Artibai Isuntzak eta Ondarroak elkarrekin ateratako trainerua izan zen.

2019: II ETE Liga

11 taldek eman zuten izena, tartean eraberrituriko San Juan eta hiru urteren ondoren berriz uretaratu zen Zumaia, biak ere Euskotren Ligako txapeldun izandakoak.

Postua	Elkartea	Trainerua	Patroia	Puntuak	Banderak
1	Hibaika	Madalen	Zuriñe Alberdi	150	7: Igartza, Adegi, Donibane-Ziburu, Baiona, Ondarroa, Castro, Errenteria
2	Zumaia	Telmo Deun	Eneritz Diez	143	5: Portugalete, Orio, Lekeitio, Pasaia, Zumaia
3	Deustu	Tomatera	Zuberoa Egurrola	115	1: Sestao
4	Tolosaldea	Enbata	Laiene Eizagirre	111	1: Colindres
5	San Juan	Batelerak	Maider Etxaniz	110	1: Bilbo
6	Kaiku	Bizkaitarra	Iraide Ruiz	105
7	Isuntza	Lekittarra	Nahia Aboitiz	85
8	Hernani	Maialen	Intza Larburu	75
9	Ondarroa	Antiguako Ama	Nagore Osoro	46
10	Lapurdi	Xubero	Joana Halsouet	34
11	Colindres	San Ginés	Julia Rodriguez	16

2020: III ETE Liga

Bederatzi arraun taldek eman zuten izena. Iaztik Kaikuk, Hernanik eta Colindresek baja eman zuten eta berrikuntza nagusia Lutxana izan zen, aurrenekoz emakumezkoen trainerua osatzea lortu baitzuen.

Postua	Elkartea	Trainerua	Patroia	Puntuak	Banderak
1	Tolosaldea	Tolosaldea	Aiora Sorozabal	105	9: Tolosaldea, Errenteria, Zumaia, Adegi, Ondarroa, Donibane Ziburu, Bilbo, Erandio, Comercio Castro
2	Hibaika	Madalen	Zuriñe Alberdi Inge Ugarte	78	1: Rosmi
3	Zumaia	Telmo Deun	Eneritz Diez	77	1: Santander
4	Ondarroa	Antiguako Ama	Nagore Osoro	74	1: Castro Urdiales
5	Deustu	Tomatera	Aiala Uribelarrea	66
6	San Juan	Batelerak	Maider Etxaniz	61
7	Isuntza	Lekittarra	Nahia Aboitiz Irati Zendoia	37
8	Lutxana	Ederra	Leire Tremiño Iratxe Ortiz de Pinedo	29
9	Lapurdi	Xubero	Joana Halsouet	11

2021: IV ETE Liga

Hamaika arraun taldek eman zuten izena. 2021eko debutariak Zarautz eta Castreña izan ziren. COVID-19 pandemiaren eraginez hainbat traineruk ezin izan zuten estropada guztiak lehiatu eta hori konpontze aldera sailkapena zehazteko koefizienteak erabiltzea adostu zen.

Postua	Elkartea	Trainerua	Patroia	Puntuak	Banderak
1	Tolosaldea	Tolosaldea	Aiora Sorozabal	10,57	10: Tolosaldea, Adegi, Donibane Loh., Sestao, Lekeitio, Zumaia, Ondarroa, Zarautz, Bilbo, Erandio
2	Deustu	Tomatera	Jone Garcia de Andoin Zuberoa Egurrola	9,71	2: Galarragaren omenaldia, Donostiarra
3	Hibaika	Madalen	Inge Ugarte Zuriñe Alberdi	9,36	2: Errenteria, Castro Urdiales
4	San Juan	Batelerak	Maider Etxaniz	7,36
5	Zumaia	Telmo Deun	Eneritz Diez Amane Jimenez	7,21
6	Ondarroa	Antiguako Ama	Nagore Osoro Nora Markuerkiaga	6,43
7	Isuntza	Lekittarra	Irati Zendoia	4,77
8	Lutxana	Ederra	Irantzu Perez de Anuzita Irati Ortiz de Pinedo	3,77
9	Zarautz	Enbata	Ane Carrera	3,50
10	Lapurdi	Xubero	Oihane Goenaga Joana Halsouet	2,50
11	Castreña	La Marinera	Sara Ahedo	1,23

2022: V ETE Liga

Bederatzi arraun taldek eman zuten izena. Aipatzekoa da San Juanek ezin izan zuela trainerua osatu, eta Lapurdi eta Isuntza ere baja izan ziren. Alderantziz Hernani itzuli zen eta Portugaletek debuta egin zuen. Hauei Euskotren Ligatik jeitsitako Hondarribia gehitu zitzaien.

Ekitaldi hau berezia izan zen; Emakumezkoen Traineru Liga handitzeko erabakia hartu zenez, denboraldiaren amaieran lehen bi traineruak Euskotren Ligara igo ziren (Hondarribia eta Hibaika) eta hirugarrenak play-offa jokatuko du.

Postua	Elkartea	Trainerua	Patroia	Puntuak	Banderak
1	Hondarribia	Ama Guadalupekoa	Miren Garmendia	126	9: Hernani, Zumaia, Portugalete, Pedreña, Camargo, Ondarroa, Txingudi, Castro, Zarautz, Castro
2	Hibaika	Madalen	Zuriñe Alberdi Inge Ugarte	119	2: Challenge Castro, Portugalete (1j), Errenteria
3	Deustu	Tomatera	Denise Perez Marta Barquin	98	1: Bilbo
4	Zumaia	Telmo Deun	Amane Jimenez	86	1: Donibane-Ziburu
5	Ondarroa	Antiguako Ama	Naroa Goikoetxea	70
6	Zarautz	Enbata	Ane Carrera	68
7	Hernani	Maialen	Amaia Apezetxea Naia Peñagarikano	62
8	Castreña	La Marinera	Eneritz Diez	28
9	Portugalete	Jarrillera	Ziortza Urberuaga	18

Ikus, gainera

• Gipuzkoako Liga (2010-2017)
• Euskotren Liga

Kanpo estekak

• Webgune ofiziala

• Datuak: Q61365131