ETIAS

ETIAS
Datuak
Izen laburra	ETIAS
Mota	Informazio sistema, electronic visa (en) eta policy (en)
Kudeatzailea	Europar Batasuna
Historia
Sorrera	2026
	webgune ofiziala;

Europako Bidaia Informazio eta Baimen Sistema (ingelesez: European Travel Information and Authorisation System, edo ETIAS ) Europar Batasunaren baimen elektroniko sistema da Schengen eremura ( EFTAko herrialdeak barne) eta Ziprera bidaiatzen duten bisitarientzako, bisarik gabeko herrialde batetik datoztenean.

ETIASek 7 euro kostatuko duela aurreikusten da 18 eta 70 urte bitarteko eskatzaileentzat. Hiru urtez edo pasaportearen iraungitze-datara arte baliozkoa izango da, lehenago gertatzen dena kontuan hartuta. ^[1] ETIAS 2026ko azken hiruhilekoan indarrean jartzea aurreikusten da. ^[2]

Aplikagarriak diren nazionalitateak

Herrialde hauetara sartzeko

ETIAS beharrezkoa da Europako 30 herrialdetara lurrez, airez eta itsasoz sartzeko, Schengen Eremuko 29 estatu kideak barne, baita Ziprera ere.

Herrialde hauetara sartzeko ETIAS beharrezkoa da
Alemania	Espainia^{[oh. 1]}	Finlandia^{[oh. 2]}	Belgika	Luxenburgo	Herbehereak^{[oh. 3]}
Norvegia^{[oh. 4]}	Lituania	Suitza	Suedia	Letonia	Estonia
Hungaria	Kroazia	Eslovenia	Eslovakia	Txekia	Polonia
Italia	Frantzia^{[oh. 5]}	Liechtenstein	Errumania	Bulgaria	Islandia
Grezia	Portugal^{[oh. 6]}	Malta	Austria	Danimarka^{[oh. 7]}	Zipre^{[oh. 8]}^{[oh. 9]}

Irlanda Europar Batasuneko estatu kide bakarra da, bisen politika propioa izaten jarraitzen duena.

EBko edo Schengengo herrialde bateko nazionalitate bikoitza eta beste herrialde batekoa (adibidez, Italia eta Kanada) duten bisitariek ez dute ETIASen bidaia-baimenik beharko EBko edo Schengengo herrialdeko dokumentu bat badute (Nortasun Agiri Nazionala edo Pasaportea).^[3]^[4]

ETIAS bisa salbuetsitako hirugarren herrialdeetako nazionalei eskatuko zaie, Andorra, Monako, San Marino eta Vatikano Hiriko mikroestatu europarrak izan ezik. Estatu hauetara sartzeko bide bakarra Schengen eremuko herrialde batetik pasatzea da, beraz, hirugarren estatuko herritarrek ETIAS izango behar dute mikroestatu hauetara joateko: Andorra, Monako^{[oh. 10]}, San Marino eta Vatikano Hiria.

Herrialde hauetako herriatarrek eskatu behar dute

Herrialde hauetako pasaportea duten bidaiariak ETIAS behar izango dute:^[5]

Salbuespenak

ETIAS ez zaie eskatuko pertsona hauei:^[6]

Bisen titularrak
Herrialde hauetako herritarrak edo haien senitartekoak egoitza-txartela dutenean, edo herrialde hauetako batek emandako egoitza-baimena edo mugako tokiko zirkulazio-baimena dutenak:
- Europar Batasuna
- Norvegia
- Liechtenstein
- Islandia
- Suitza
- Andorra
- Monako
- San Marino
- Vatikano Hiria
EBko edo Schengeneko herrialde batek emandako errefuxiatuei edo aberririk gabeko bidaia-dokumentuak dutenak.
Eskifaiako kideak
Pasaporte diplomatiko edo ofizialen titularrak
Aireportuetako igarobideko bidaiariak

Aurkezpenaren kronologia

ETIAS indarrean sartu ondoren, gutxienez sei hilabeteko "trantsizio epe" batekin hasiko da, eta epe horretan eskaerak onartuko dira, baina ez da derrigorrezkoa izango ETIAS bat ukaitea bidaiatu ahal izateko.^[7]

ETIAS baliotzea

ETIAS bati ezezkoa eman dioten edo beren ETIAS ez onartzea espero duten bidaiariek baliozkotasun mugatuko ETIAS bat eskatu ahal izango dute, bidaiatzeko "arrazoi humanitarioak edo betebehar garrantzitsuak" badituzte. Zehaztutako herrialdeetarako bakarrik balioko du, eta 90 egunera arte.^[8]