Edda Moser
Edda Moser (Berlin, 1938ko urriaren 27a) alemaniar opera-abeslaria da, sopranoa. Kantua Berlinen ikasi ondoren, Würzburgeko abesbatzako kantari izan zen eta paper txikiak egin zituen hainbat operatan. Londresen kontzertu bat eman zuen Hans Werner Henzeren lanak ezagutarazteko. 1968ko Salzburgoko jaialdian, Karajan zuzendariak Wagnerren Rhingo urrea laneko paper nagusia kantatzera gonbidatu zuen. Urte horretan bertan, New Yorkeko Metropolitanen aritu zen. Europako antzoki nagusietara gonbidatu zuten gero (Viena, Paris, Hanburgo), eta, 1970ean, Metropolitanera itzuli zen Mozarten Txirula miragarria laneko Gaueko Erreginaren papera kantatzera. Bachetik hasi eta gaur egungo musikagileetarainoko errepertorioa kantatu du Edda Moserrek.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q72854
Multimedia: Edda Moser / Q72854