Edward Kennedy

Wikipedia(e)tik
Hona jauzi: nabigazioa, Bilatu
Edward Kennedy
Ted Kennedy, official photo portrait crop.jpg
Ameriketako Estatu Batuetako senataria

1962ko azaroak 7 - 2009ko abuztuak 25
Benjamin A. Smith II - Paul G. Kirk
Hautaketa: United States Senate special election in Massachusetts, 1962, United States Senate election in Massachusetts, 1964, United States Senate election in Massachusetts, 1970, United States Senate election in Massachusetts, 1976, United States Senate election in Massachusetts, 1982, United States Senate election in Massachusetts, 1988, United States Senate election in Massachusetts, 1994, United States Senate election in Massachusetts, 2000, United States Senate election in Massachusetts, 2006
Bizitza
Jaiotza Boston1932ko otsailaren 22a
Herrialdea  Ameriketako Estatu Batuak
Heriotza Barnstable (Massachusetts)2009ko abuztuaren 25a (77 urte)
Hobiratze lekua Arlington National Cemetery
Heriotza modua berezko heriotza (garuneko tumorea)
Familia
Aita Joseph P. Kennedy, Sr.
Ama Rose Kennedy
Ezkontidea(k) Joan Bennett Kennedy  (1958 -  1982)
Victoria Reggie Kennedy  (1992 -  2009)
Seme-alabak
Anai-arrebak
Hezkuntza
Heziketa University of Virginia School of Law
Harvard Unibertsitatea
Hizkuntzak ingelesa
Lanbidea
Lanbidea politikaria, abokatua eta autobiografialaria
Lantokia(k) Washington
Jasotako sariak
Kidetza Arteen eta Zientzien Ameriketako Estatu Batuetako Akademia
Zerbitzu militarra
Adar militarra Ameriketako Estatu Batuetako Armada
Sinesmenak
Erlijioa katolizismoa
Alderdi politikoa Ameriketako Estatu Batuetako Alderdi Demokrata
IMDb nm0448356
Ted Kennedy Signature 2.svg

Edward Moore "Ted" Kennedy (Boston, Massachusetts, Estatu Batuak, 1932ko otsailaren 22a - Hyannis Port, Massachusetts, 2009ko abuztuaren 25a[1]) Alderdi Demokratako estatu batuar politikari bat izan zen. 1962tik hasi eta bere heriotza egunerarte Massachusetts estatuko senatari seniorra izan zen. Kennedy familiako senide nabarmenetakoa ere izan zen. Bere anaiak ziren John Kennedy estatu batuar presidente-ohia eta New Yorkeko Robert Kennedy senataria erailak izan ziren. 2008ko maiatzaren 17 garuneko tumore baten ondorioz Massachusettsko ospitalean sartu zuten. Egun batzuk geroago ebakuntza bat egin zioten eta 2008ko azaroaren 17an bere senatari eginbeharretara itzuli zen[2]

Familia eta gaztaroa[aldatu | aldatu iturburu kodea]

Edward Kennedy politikaria Joseph Kennedy eta Rose Fitzgerald Kennedy senar-emazteen bederatzi seme-alaba guztietan gazteena zen. 1950an Harvard Unibertsitatean sartu zen. 1951ko maiatzean espainiar hizkuntzako ikasturte amaierako azterketa batean kopiatzen aurkitu izanagatik Harvardeko Unibertsitatik bi urtetarako kaleratu zuten. Beranduago Kennedy gaztea Estatu Batuetako Armadan sartu zen, han bi urtez egon eta Parisen egokitu zuten. Berriz ere Estatu Batuetara itzuli eta ondoren Harvarde Unibertsitatean beronartu zuten, 1956ko ekainean graduatu zelarik. Bien bitartean zuzenbide eskolan ere ikasten egona zen, John bere anaiaren 1858ko Senaturako Kanpaina ere berak zuzendu zuelarik.

Ibilbide politikoa[aldatu | aldatu iturburu kodea]

1969an Massachusetts estatuko aulkiarengatik lehiatu eta bere lehendabiziko kargu politikoa bereganatzea lortu zuenean Edwardek bere ibilbide politikoari hasiera eman zion. 1963an bere eserlekua bereganatu eta handik gutxira Dallas hirian bere anaia zen John Kennedy presidentearen hilketa suertatu zen. 1968an bere beste anaia zen Robert Kennedy New Yorkeko senataria, Estatu Batuetako presidentziarako kanpaina burutzen ari zelarik Los Angeles hirian erail zuten.

John, Robert eta Edward anaiak.

Kennedy familiaren ordezkari nagusi gisa, Ted Kennedy politikariak 1968ko ekainean New Yorkeko San Patrizio katedralean eginiriko Bobby Kennedyren aldeko hileta-elizkizunaren buru izan zen. 1969an Chappaquiddick udalerrian (Massachusetts) Ted Kennedyk auto istripu bat jasan zuen, bere autoa igarotzen ari zen zubitik atera baitzen. Berekin bat autoan zihoan Mary Jo Kopechne emakumea han bertan hil zen. Autoaren gidaria zenez, Edward Kennedyk istripuaren lekutik ihes egiteaz bere burua erruduntzat deklaratu zuen, honengatik bi hilabeteko gartzela zigorrarera kondenatu zuten, halere delitu honen arintasuna zela eta, zigorra ez zen betearazi edo exekutatu[3]. Hala eta guztiz, bere irudia zeharo kaltetuta gelditu zen, Estatu Batuetako Presidentea bilakatzeko bere aukera guztiak zapuztuak izan zirelarik[4]. 1980an Alderdi Demokrataren presidentziarako hautagai gisa aurkeztu eta garai hartan presidentea zen Jimmy Carterrek garaitu zuen, azken hau bere berrautaketa saiatzen ari zelarik. Ordudanik aurrera eta bere heriotza arteraino Massachusettseko Senatari gisara lanean jardun eta Estatu Batuetako Kongresuan paper esanguratsua izan zuen. Ehun urtetik gorako adina zuen Rose bere amaren 1995eko heriotzaren ondoren, Ted Kennedy jatorri katoliko-irlandarra zuen estatubatuar familiaren patriarka izatera igaro zen.

Ted Kennedyren Arlington hilerriko hilobia.

2008ko maiatzaren 17an garun jarioa jasan zuenaren sintomekin Cape Cod udalerriko (Massachusetts) ospitalean sartu zuten. Bi egun geroago, Ted Kennedyk garun tumore gaiztoa zuela berri eman zen[5].

2008ko ekainaren 1ean senatariak Duke Unibertsitateko Mediku Zentruan ebakuntza izan, eta tratamenduak eta kimioterapia jasotzen hasi zen.

Ted Kennedy 2009ko abuztuaren 25an garuneko tumore baten ondorioz Hyannis Port udalerriko (Massachusetts) bere etxean zendu zen[1].

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Edward Kennedy Aldatu lotura Wikidatan
Wikiesanetan artikulu bat dago honi buruz:
en:Ted Kennedy