Eiichirō Oda

Wikipedia, Entziklopedia askea
Eiichirō Oda
Bizitza
JaiotzaKumamoto, 1975eko urtarrilaren 1a (49 urte)
Herrialdea Japonia
Lehen hizkuntzajaponiera
Hezkuntza
HeziketaKyushu Tokai University (en) Itzuli
Hizkuntzakjaponiera
Irakaslea(k)Masaya Tokuhiro
Jarduerak
Jarduerakmangaka, ilustratzailea, executive producer (en) Itzuli eta gidoilaria
Enplegatzailea(k)Shūeisha
Lan nabarmenak
Jasotako sariak
IMDB: nm1520917 Allocine: 203580 Rottentomatoes: celebrity/eiichiro_oda Allmovie: p454232 Metacritic: person/eiichiro-oda TV.com: people/eiichiro-oda
Instagram: eiichiro.oda iTunes: 482541986 Last fm: Eiichiro+Oda Musicbrainz: 28f8be07-d785-4d1f-a5e4-1f4d9eba1290 Edit the value on Wikidata

Eiichiro Oda (japonieraz: 尾田 栄一郎 Oda Eiichirō?, Kumamoto, 1975eko urtarrilaren 1a) mangaka japoniar bat da, One Piece mangaren sortzailea izateagatik ezaguna. Mundu osoan zabalduta dauden 470 milioi kopia baino gehiagorekin, One Piece da inoizko mangarik eta komikirik salduena, Oda fikziozko egilerik salduenetako bat bihurtuz.[1] [2]One Piece-en ospeak, Oda mangaren historia aldatu zuten artistetako bat izendatzea ekarri zuen.[3]

Lehen urteak[aldatu | aldatu iturburu kodea]

Eiichiro Oda 1975eko urtarrilaren 1ean jaio zen Kumamoton, Japonian. Manga artista izatea nahi zuela lau urterekin erabaki zuen, modu horretan “benetako lan bat” ekiditeko asmoz.[4] Bere influentzia handiena Akira Toriyama, eta honek sorturiko Dragoi Bola, dira.[4][5] Piratengan duen interesa Vicky Bikingoa izeneko animaziozko telesail ezagunak eragin zuen.[6] "Pandaman" izeneko pertsonaia bat aurkeztu zuen Kinnikuman borroka profesionaleko manga klasikorako. Pandaman, manga horren kapitulu batean erabiltzeaz gain, Odaren obretan agertzen den kameo bat bezala itzuli zen.

Ibilbidea[aldatu | aldatu iturburu kodea]

17 urterekin, Odak Wanted! lana aurkeztu eta hainbat sari irabazi zituen. Horrek Weekly Shōnen Jump aldizkarira eraman zuen, non Shinobu Kaitaniren Suizan Police Gang mangako laguntzaile bezala egin zuen lan, Masaya Tokuhiroren Jungle King Tar-chan eta Mizu no Tomodachi Kappaman mangetara aldatu aurretik.[4]

18 urterekin arrakasta handia lortu zuen 1993an argitaratutako Kami kara mirai no Present, bere lehen lan profesionalarekin. Urte berean, Weekly Shonen Jumpek antolatutako hileko talentu lehiaketa irabazi zuen, The Lonely Demonekin. 19 urterekin, Nobuhiro Watsukiren laguntzaile bezala hasi zen lanean Rurouni Kenshin mangan.[7]

1994ean Monsters marraztu zuen Autum specialen (Weekly Jumpen sasoiko aldizkaria). 1996 amaieran Odak pirata tematikako bi one-shot argitaratu zituen “Romance Dawn” izenarekin.[8] [9] Romance Dawneko protagonista Monkey D. Luffy da, ondoren One Piece-eko protagonista bilakatuko zena.

1997an, One Piece lehenengoz argitaratu zen Shōnen Jump aldizkarian. Sailak "Hot Step Award" saria jaso zuen, urtero aldizkarian argitaratutako lan onenari ematen zaion saria. Mangak 100 milioi bolumen saltzea lortu zuen 2005eko otsailean,[10] 200 milioi baino gehiago 2011ko otsailean,[10] 320.866.000 kopia zituen inprimatuta mundu osoan 2014ko abenduan,[11] 430 milioi bolumen zirkulazioan mundu osoan 2017ko urritik aurrera,[12] 440 milioi kopia saldu zituen 2018ko maiatzetik aurrera[13] eta 450 milioi kopia zeuden inprimaturik 2019ko martxoan.[14]

2008ko inkesta batean Oda Japoniako bosgarren manga artista onena izendatu zuten. Yoshihiro Togashi, YuYu Hakusho eta Hunter × Hunterren sortzailearekin partekatu zuen tokia.[15] Mangaren historia aldatu zuten mangakei buruzko 2010eko inkestan, Oda laugarren postuan geratu zen.[16]

One Piece-en hamargarren film animaturako, Strong Worlderako, Odak filmaren istorioa sortu zuen eta 120 marrazki baino gehiago marraztu zituen gida gisa.[17] Odak eta Akira Toriyamak Cross Epoch izeneko crossover one-shot bat sortu zuten 2007an, Toriyamak sorturiko Dragoi Bola eta Odak sorturiko One Piece mangen pertsonaiak dituena. 2013an bakoitzak Gaist Crusher bideo-jokorako Gaist pertsonaia bat diseinatu zuten.[18]

Bizitza Pertsonala[aldatu | aldatu iturburu kodea]

2004ko azaroaren 7an, bi urteko harremanaren ondoren, Oda Chiaki Inabarekin ezkondu zen. Inaba, 1978ko urtarrilaren 4ean eta Kanagawa prefekturan jaioa, aktore eta modelo bat da, 2002an Jump Festeko atal berezi batean Nami antzeztu zuena. Ekitaldi hartan 24 urteko neska gazteak bere senarra ezagutu zuen, garai hartan 26 urte zituena.[19] Gaur egun, senar-emazteek bi alaba dituzte, zaharrena 2006an jaioa.[20] Bere errutinazko lana dela eta, Odak gauez hiru orduz bakarrik egiten du lo.[21]

2009an emakume bat atxilotu zuten 2007ko iraila eta abendua bitartean Odari mehatxuzko ehun mezu elektroniko bidaltzeagatik. Emakumearen senarra Odaren bulegoan zegoen laguntzaile bat zen, kaleratua izan zena.[22]

Manga[aldatu | aldatu iturburu kodea]

  • One Piece (1997-Gaur egun)
  • Wanted! (1998), One-Shot hauen bilduma:
    • Wanted! (1991)
    • God's Gift for the Future (1993)
    • Itsuki yakou (1993)
    • Monsters (1994)
    • Romance Dawn (2. bertsioa, 1996)
  • Dragon Ball x One Piece: Cross Epoch (2007)
  • One piece x Toriko x Dragon Ball Z : Cross Epoch (2013)

Filmak[aldatu | aldatu iturburu kodea]

  • One Piece Film: Strong World (2009) – Jantzien diseinua, izakien diseinua, historia eta ekoizle exekutiboa
  • One Piece Film: Z (2012) – Pertsonaien diseinua, jantzien diseinua eta ekoizle exekutiboa
  • One Piece Film: Gold (2016) – Pertsonaien diseinua (Lasto Txapelen jantzien diseinua; Carina, Tesoro, Dice eta Baccarat pertsonaien diseinua) eta ekoizle exekutiboa
  • One Piece: Stampede (2019) – Pertsonaien diseinua, jantzien diseinua eta sorkuntza gainbegiralea

Erreferentziak[aldatu | aldatu iturburu kodea]

  1. ↑ «漫画『ONEPIECE』初版300万部超が10年続く「驚異的な記録」　全世界累計4.7億万部突破 | ORICON NEWS» web.archive.org 2020-04-09 (Noiz kontsultatua: 2020-07-31).
  2. ↑ «One Piece Manga Has 470 Million Copies in Print Worldwide - News - Anime News Network» web.archive.org 2020-04-02 (Noiz kontsultatua: 2020-07-31).
  3. ↑ «『日本の漫画史を変えた作家』、“漫画の神様”手塚治虫が貫禄の1位 ニュース-ORICON STYLE-» web.archive.org 2012-03-06 (Noiz kontsultatua: 2020-07-31).
  4. ↑ a b c Oda, Eiichirō.; 尾田栄一郎. (2002). One piece blue grand data file.. Shūeisha ISBN 4-08-873358-4. PMC 166930770. (Noiz kontsultatua: 2020-07-31).
  5. ↑ Oda, Eiichirō, 1975-; 尾田栄一郎, 1975-. (2001). One piece : color walk 1. Shūeisha ISBN 4-08-859217-4. PMC 62206535. (Noiz kontsultatua: 2020-07-31).
  6. ↑ (Ingelesez) «Vicky the Viking Anime Adapted into Live-Action Film» Anime News Network (Noiz kontsultatua: 2020-07-31).
  7. ↑ «Anime Expo - Friday Report | Mania.com» web.archive.org 2008-07-27 (Noiz kontsultatua: 2020-07-31).
  8. ↑ (Ingelesez) «One Piece's 'Prototype' Romance Dawn to be Animated» Anime News Network (Noiz kontsultatua: 2020-07-31).
  9. ↑ Oda, Eiichirō, 1975-; 尾田栄一郎, 1975-. (1998). Wonteddo = Wanted! : Oda Eiichirō tanpenshū. Shūeisha ISBN 4-08-872631-6. PMC 152688183. (Noiz kontsultatua: 2020-07-31).
  10. ↑ a b «ANIME NEWS: 'One Piece' manga tops 300 million copies in print - AJW by The Asahi Shimbun» web.archive.org 2015-02-04 (Noiz kontsultatua: 2020-07-31).
  11. ↑ (Ingelesez) «One Piece Manga Sets Guinness World Record for Copies Printed for Comic by Single Author» Anime News Network (Noiz kontsultatua: 2020-07-31).
  12. ↑ (Ingelesez) «One Piece Manga Has 430 Million Copies in Print Worldwide» Anime News Network (Noiz kontsultatua: 2020-07-31).
  13. ↑ (Frantsesez) «One Piece : 440 millions d'exemplaires du manga imprimés dans le monde ! | Manga Mag» web.archive.org (Noiz kontsultatua: 2020-07-31).
  14. ↑ (Ingelesez) Komatsu, Mikikazu. «One Piece Manga Has Printed 450 Million Copies Worldwide» Crunchyroll (Noiz kontsultatua: 2020-07-31).
  15. ↑ (Ingelesez) «Oricon: Nana's Yazawa, DB's Toriyama are Most Popular» Anime News Network (Noiz kontsultatua: 2020-07-31).
  16. ↑ «『日本の漫画史を変えた作家』、“漫画の神様”手塚治虫が貫禄の1位 ニュース-ORICON STYLE-» web.archive.org 2014-09-11 (Noiz kontsultatua: 2020-07-31).
  17. ↑ (Ingelesez) «One Piece Creator Oda to Oversee Production of 10th Film» Anime News Network (Noiz kontsultatua: 2020-07-31).
  18. ↑ (Ingelesez) «Dragon Ball & One Piece Creators Designed 2 Gaist Crusher Enemies» Anime News Network (Noiz kontsultatua: 2020-07-31).
  19. ↑ «General One Piece - 10 Things You Should Know About Eiichiro Oda | Oro Jackson» web.archive.org 2015-11-23 (Noiz kontsultatua: 2020-07-31).
  20. ↑ «Eiichiro Oda» IMDb (Noiz kontsultatua: 2020-07-31).
  21. ↑ (Portugesez) Kelly. (1437576264). «Suguru Sugita, editor de One Piece, revela informações sobre Oda e sobre o mangá» Geekdama (Noiz kontsultatua: 2020-07-31).
  22. ↑ (Ingelesez) «Woman Arrested for Threatening One Piece Creator Oda» Anime News Network (Noiz kontsultatua: 2020-07-31).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Eiichirō_Oda&oldid=8073234"(e)tik eskuratuta