El Correo

Wikipedia, Entziklopedia askea
Hona jauzi: nabigazioa, Bilatu
El Correo
Mota Egunkari orokorra
Lehen zenbakia
Banatze lurraldea  Bizkaia
 Araba
Argitaratze hiria Bilbo
 Euskal Herria
Ideologia politikoa espainiar nazionalismoa[1], eskuin politikoa[2], kontserbadurismoa[2]
Hizkuntza ia osoki gaztelaniaz[3], euskaraz artikuluren bat
Maiztasuna Egunero
Argitaratzea Goizez
Argitaletxea Vocento Taldea
Zuzendaria José Miguel Santamaría Alday
www.elcorreo.com

El Correo, lehenago El Correo Español-El Pueblo Vasco deitua, egoitza Bilbon (Bizkaia) duen gaztelaniazko egunkari bat da, 1937an espainiar falangistek sortua, Vocento Taldearen jabetzakoa. Eskualdeko hamar edizio ditu, horietatik sei Bizkaian. Hauek dira edizio horien eskualdeak: Bizkaia, Ezkerraldea, Eskuinaldea, Durangaldea, Uribe Kosta, Bilboko itsasadarra, Araba, Miranda Ebro, Gipuzkoa eta Errioxa.[4] Araba eta Bizkaian ale gehien saltzen duen egunkaria da. Gipuzkoan, 1947az geroztik El Correoren jabetzakoa da El Diario Vasco egunkaria, herrialde horretan ale gehien saltzen duena.

Historia[aldatu | aldatu iturburu kodea]

Lehen alea 1937ko uztailaren 6an argitaratu zen, El Correo Español. Diario de la Falange Española Tradicionalista y de las JONS izenarekin, espainiar falangisten erakunde horrek zuzenduta baitzegoen. Egunkaria inprimatzeko, EAJri desjabetutako Euzkadiren inprimategia erabili zuten hainbat urtez. 1938an, agintaritza frankistak El Pueblo Vasco egunkariarekin batu zuen, eta hala El Correo Español-El Pueblo Vasco egunkaria sortu zen. 1945ean El Noticiero Bilbaino egunkaria erosi zuen, Etxebarria eta Bergaretxe burges familien jabetzakoa.

Hasieran mugimendu falangistaren egunkaria zena, eskuineko ideologia moderatuagoetara bideratzen joan zen. 1990eko hamarkadan izena aldatu eta El Correo izena hartu zuen. Gaur egun Vocento komunikabide taldearen barneko egunkaririk nagusiena da. Bi erredakzio ditu, bata Bilbon, bestea Gasteizen.

Izenak[aldatu | aldatu iturburu kodea]

El Correo egunkariak, 1937an falangistek lehen aldiz kaleratu zutenetik, hainbat izen izan ditu:

  • El Correo Español. Diario de la Falange Española Tradicionalista y de las JONS (1937-1938)
  • El Correo Español-El Pueblo Vasco (1938-199?)
  • El Correo (199?-)

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]