El Florido Pensil

Wikipedia, Entziklopedia askea
Jump to navigation Jump to search
El Florido Pensil
Jatorria
Jatorrizko izenburua El florido pensil
Jatorrizko herrialdea Espainia
Ezaugarriak
Hizkuntza gaztelania

El Florido Pensil euskaraz eta gaztelaniaz egokitutako antzezlana da, "Tanttaka Teatroa" taldeak 1996an estreinatutakoa eta oihartzun handia izan zuena hala Euskal Herrian nola Madrilen, Bartzelonan eta beste toki batzuetan ere.

Antzezlana izen bereko liburu arrakastatsuan oinarrituta dago, "El Florido Pensil: memorias de la escuela nacional-católica" izenburukoa eta Andrés Sopeña idazleak 1994an argitaratua. Liburuaren moduan, umore handiz jorratuta, antzezlanak frankismo garaiko eskola bat islatzen du, euskararen jazarpena eta Elizak egindakoa eta bestelako errepresioa ezaugarritzat zituena.

2016ko martxoan Ttanttaka berak nesketan oinarritutako bertsioa atera zuen, El florido pensil-neskak.[1]

Pertsonaiak[aldatu | aldatu iturburu kodea]

Hauek dira lanaren pertsonaiak, alfabetikoki ordenatuta: Agirre, Alberdi, Artola, Briones, Inspektorea, Jauregi, Doña Jacinta, Don Justo, Narratzailea, Don Salvador, Don Secundino, Don Simón eta Soldevilla maisua.

Aktoreen artean, gizonezkoen bertsioan, Jose Ramon Soroiz, Paco Sagarzazu, Mikel Garmendia eta Kike Diaz de Rada izan genituen. Emakumezkoen bertsioan, Loli Astoreka, Gurutze Beitia, Elena Irureta, Teresa Calo eta Itziar Lazkano ari ziren.

Eszenak[aldatu | aldatu iturburu kodea]

Eszenaratze xumearekin, pianoaz jotako musikak lan osoa laguntzen du. Hauek dira eszenak:

  1. Lehenengo eszena: Hitzaurrea.
  2. Bigarren eszena: Matematikak.
  3. Hirugarren eszena: Katixima.
  4. Laugarren eszena: Apaiza.
  5. Bosgarren eszena: Senselanocaleal.
  6. Seigarren eszena: Txiroak.
  7. Zazpigarren eszena: Azkenean, osteguna.
  8. Zortzigarren eszena: Domina.
  9. Bederatzigarren eszena: Inspektorea.
  10. Hamargarren eszena: Hitzatzea.

Erreferentziak[aldatu | aldatu iturburu kodea]

  1. Eskena.com El florido pensil-neskak . Noiz kontsultatua: 2016-3-13.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]