El Suceso

El Suceso
	Euskal Herria
	Zezenplaza eta eliza
Kokapena
Herrialdea	Bizkaia
Udalerria	Karrantza
Geografia
Koordenatuak	43°14′40″N 3°18′42″W / 43.24444°N 3.31167°W
Demografia
Biztanleria	60 (2023)

El Suceso^[1] Karrantza udalerriko (Bizkaia) ekialdeko auzo bat da.

Geografia

Las Torcachas baserrigunea hegoaldean, Manzaneda de Biañez hego-mendebaldean, Herboso auzoa ipar-mendebaldean, Armañon mendia (854 m) iparraldean, Los Joyos baserrigunea (Kantabria) ipar-ekialdean eta Villaverde Turtziozeko (Kantabria) udalerria ekialdean mugakide ditu.

Auzoa Kantabriarekin lotuta dago La Escrita (434 m) mendatearekin.

Demografia

El Sucesoko biztanleria

Santutegia

1670 inguruan Gertaera Oneko Andra Mariaren santutegia eraiki zuten, erretaula barrokoa duena. Horren erdian, ama birjinaren egurrezko irudia dago mende horretakoa. Eliza auzoaren erdigunean dago kokatuta, inguruko etxe eta zezen-plazaren ondoan. Haratago, parke bat eta neurri handietako birjinaren irudia dago, haran osotik ikusgai dagoena. 8 m-ko altuera duen birjin hori Joaquín Lucarini eskultore arabarrak egin zuen 1953an.

1926an herriko zaindari izendatu zuten.

Jaiak

Irailaren 18an El Sucesoko Ama Birjinaren omenezko jaiak ospatzen dituzte auzoan, haran osoko jai nagusiak direnak. Bertan, erromeria eta zezenplazan ekitaldiak egiten dituzte.