Edukira joan

Elias Frank

Wikipedia, Entziklopedia askea
Elias Frank
Roman Catholic archbishop of Calcutta (en) Itzuli

2025eko irailaren 20a -
← Thomas D’Souza
Elizbarrutia: Kalkutako artxidiozesia
artzapezpiku lagunkide

2025eko ekainaren 28a - 2025eko irailaren 20a
Elizbarrutia: Kalkutako artxidiozesia
2. elizbarrutiko apezpiku

2023ko uztailaren 3a - 2025eko ekainaren 28a
← Cyprian Monis (en) Itzuli
Elizbarrutia: Asansolgo elizbarrutia
Bizitza
Jaiotza1962ko abuztuaren 15a (63 urte)
Jarduerak
Jarduerakapaiz katolikoa eta apezpiku katolikoa
Ideologia eta sinesmenak
Erlijioakatolizismoa

Elias Frank (Bantwal, Mysore, 1962ko abuztuaren 15a) indiar elizgizon katolikoa da. 2023tik 2025era Asansolgo apezpikua izan zen eta 2025etik aurrera Kalkutako artzapezpikua da.

Bizitza

[aldatu | aldatu iturburu kodea]

Elias Frank Modankap eta Shillongeko St. Anthony’s Collegen ikasi zuen, eta 1983tik aurrera Barasateko San Joan Maria Vianneyren apaizgaitegi txikian. Ondoren, filosofia ikasi zuen Barakpurreko apaizgaitegian eta teologia katolikoa Erromako Urbaniana unibertsitatean. 1993ko apirilaren 23an apaiztu zen Haorako Bidaia Zoriontsuaren Ama Birjinaren elizan, Kalkutako artxidiozesian inkardinatuta geratuz.[1]

1993tik 1995era eta 1996tik 1999ra Bardhamango Jesusen Bihotz Guztiz Santuaren parrokiako bikario gisa aritu zen eta 1995etik 1996ra Basindako Kristo Jyothi parrokiako administratzaile gisa. 1997ko urriaren 24an, Asansolgo elizbarruti berrira joan zen. 1999an, Erromara bidali zuten ikasketak jarraitzera. 2001ean Zuzenbide Kanonikoan lizentziatu zen Urbaniana unibertsitatean eta 2002an zuzenbide eliztarrean diploma lortu zuen. Indiara itzuli ondoren, Durgapurreko Santa Teresa Lisieuxekoaren parrokiako administratzaile gisa aritu zen.[2] 2003an ikasketak jarraitu zituen Urbaniana unibertsitatean eta 2005ean Zuzenbide Kanonikoan doktoretza lortu zuen Humano modo: consummation of ratified marriage. A ground for dissolution or nullity? tesiarekin.[3] 2005etik 2006ra Bardhamango Jesusen Bihotz Guztiz Santuaren elizako parrokoa eta Kalkutako eliza-auzitegiko epailea izan zen.[2]

2007tik aurrera, Zuzenbide Kanonikoa irakatsi zuen Urbaniana unibertsitatean, zuzenbide sakramentalean espezializatuta. 2020tik aurrera, irakasle bisitari gisa irakatsi zuen Alfonsiana Pontifize Akademian. Horrez gain, Ius Missionale aldizkariaren editorea izan zen. Gainera, Fedearen Doktrinaren Dikasterioan in favorem fidei Ezkontza Desegitearen Komisario gisa eta Erromako Bikariotzako eliza-auzitegiko lehen auzialdiko kanpoko epaile gisa jardun zuen.[1] 2017ko urtarrilaren 14an, Frantzisko aita santuak Jainkozko Kultura eta Sakramentuen Diziplinarako Kongregazioko aholkulari izendatu zuen (2022ko ekainaren 5etik aurrera, Jainkozko Kultura eta Sakramentuen Diziplinarako Dikasterioa)[4] eta 2022ko martxoaren 29an kargu horretan berretsi zuen beste bost urterako.[5]

2023ko uztailaren 3an, Frantzisko aita santuak Asansolgo apezpiku izendatu zuen.[2] Urte bereko abuztuaren 24an apezpiku-ordenazioa jaso zuen Nutako Familia Santuaren elizan, Thomas D'Souza kardinalaren eskutik.[6]

2025eko ekainaren 28an, Leon XIV.a aita santuak Kalkutako artzapezpiku lagunkide izendatu zuen.[7] 2025eko irailaren 20an artxidiozesi horretako ordinario bihurtu zen, aita santuak Thomas D'Souzaren dimisioa onartu baitzuen.[8]

Idazlanak

[aldatu | aldatu iturburu kodea]
  • Humano modo: consummation of ratified marriage. A ground for dissolution or nullity? (2005)
  • Communicatio in Sacris: Understanding Canon 844 (2007)
  • The Interpellation in Pauline Privilege: Understanding from a Cultural Context (2008)
  • I sacramenti dell’iniziazione, della penitenza e dell’unzione degli infermi. Commento ai canoni 834–1007 del Codice di diritto canonico (2012)
  • A Selective Comparison of privilegium fidei Cases. Normative Differences (2013)
  • Special Faculties of the Congregation for the Evangelisation of Peoples (2014)
  • Scioglimento in favorem fidei del matrimonio non sacramentale. Norme e procedura (Luigi Sabbareserekin batera, 2016)
  • The dissolution of marriage bond in the discipline of the Church and its application (2017)
  • Le competenze per i Testi Liturgici secondo il can. 838: in seguito al motu proprio „Magnum principium“ (2018)
  • Magnum Principium: Canonical Reform Liturgical Reform (2019)
  • Zero Tolerance in Sexual Abuse by Clerics. A Daunting Task (2020)
  • Vivere la fede durante la pandemia di Covid-19. Un’indagine condotta in Africa, Asia e Oceania dal 29 giugno al 15 agosto 2020 e realizzata da Ius Missionale (2020)
  • The Preliminary Investigation in the Light of the CDF Vademecum (2020)
  • In Favorem Fidei Dissolution of Marriage Bond. Case Study (2021)
  • Power of the Apostolic Administrator Sede Vacante (2021)
  • A Call to Rediscover the Ars Celebrandi: An Analysis of the Apostolic Letter Desiderio Desideravi from the Canonical-Theological Perspective (2023)

Ondorengotza apostolikoa

[aldatu | aldatu iturburu kodea]

Erreferentziak

[aldatu | aldatu iturburu kodea]
  1. 1 2 (Ingelesez) Alathara, Stephen. «Fr Elias Frank New Bishop of Asansol» Conference of Catholic Bishops of India 2023-07-03 (kontsulta data: 2025-11-21).
  2. 1 2 3 (Italieraz) «Nomina del Vescovo di Asansol (India)» Bollettino Sala Stampa della Santa Sede 2023-07-03 (kontsulta data: 2025-11-21).
  3. ↑ (Italieraz) «Tesi dottorato PUU» Pontificia Università Urbaniana (kontsulta data: 2025-11-21).
  4. ↑ (Italieraz) «Nomina di Consultori della Congregazione per il Culto Divino e la Disciplina dei Sacramenti» Bollettino Sala Stampa della Santa Sede 2017-01-14 (kontsulta data: 2025-11-21).
  5. ↑ (Italieraz) «Consultori» Dicastero per il Culto Divino e la Disciplina dei Sacramenti (kontsulta data: 2025-11-21).
  6. 1 2 (Ingelesez) «Archbishop Elias Frank» Catholic Hierarchy (kontsulta data: 2025-11-21).
  7. ↑ (Italieraz) «Nomina dell’Arcivescovo Coadiutore di Calcutta (India)» Bollettino Sala Stampa della Santa Sede 2025-06-28 (kontsulta data: 2025-11-21).
  8. ↑ (Italieraz) «Rinuncia e successione dell’Arcivescovo Metropolita di Calcutta (India)» Bollettino Sala Stampa della Santa Sede 2025-09-20 (kontsulta data: 2025-11-21).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Elias_Frank&oldid=10467047"(e)tik eskuratuta