Eliza-gotorleku

Eliza-gotorlekua gatazka garaietan defentsarako prestatutakoa eliza da. Ikuspuntu militar batetik diseinatuak ziren, horma handiekin, saietera eta almenekin.^[1]

Eraikin motak[aldatu | aldatu iturburu kodea]

Gotorleku hauek mota askotakoak izan daitezke. Batzutan berez gotorleku moduan sortuak baziren ere, bestetan harresietara lotu ziren, esaterako Ávilako katedralaren kasuan. Lekaide monasterioetan, bestetik, esaterako Lérinsgo monasterioa, hormak inguratuta egoten ziren. Egile batzuk eliza-gotorlekua eta eliza gotortua bereizi egiten dute: eliza gotortua eliza arrunta baino defentsarako prestatuta izango litzeteke; eliza-gotorlekua, aldiz, Kirchenburg, kanpoko defentsak dituena izango litzateke, esaterako horma-kortinak, defentsa-dorreak dituena.

Geografikoki, horrelako elizak Europako lurralde askotan ikus daitezke. Ugariak dira, adibidez, Frantziako Dordognen, Frantzia eta Ingalaterra arteko tentsioen helburua erdi aroan, Errumaniako Tansilvanian, otomanoen erasoei aurre egiteko,^[2] Portugal eta Gaztela-León komunitatean,^[3] musulmaneei aurre egiteko... Euskal Herrian ere badira batzuk, kostaldean, pirateei eta vikingoei aurre egiteko, edo Nafarroako Erresumaren mugetan.