Elizabeth Shippen Green
| Elizabeth Shippen Green | |
|---|---|
 | |
| Bizitza | |
| Jaiotza | Filadelfia, 1871ko irailaren 1a |
| Herrialdea |  Ameriketako Estatu Batuak |
| Heriotza | Filadelfia, 1954ko maiatzaren 29a (82 urte) |
| Hobiratze lekua | University of the South Cemetery (en)  |
| Hezkuntza | |
| Heziketa | Pennsylvania Academy of the Fine Arts (en) Drexel University (en) |
| Irakaslea(k) | Howard Pyle |
| Jarduerak | |
| Jarduerak | ilustratzailea eta artista |
| Jasotako sariak | ikusi
|
| Kidetza | Red Rose Girls (en) |
  | |
Elizabeth Shippen Green (1871ko irailaren 1a – 1954ko maiatzaren 29a) ilustratzaile estatubatuarra izan zen. Haurrentzako liburuak ilustratu zituen eta Ladies' Home Journal, The Saturday Evening Post eta Harper's Magazine argitalpenetarako lan egin zuen.
Hezkuntza[aldatu | aldatu iturburu kodea]
Green 1887an sartu zen Pensilvaniako Arte Ederren Akademian, eta Thomas Pollock Anshutz, Thomas Eakins eta Robert Vonnoh margolariekin ikasi zuen. 1897an, Europan zehar ibili ondoren, Howard Pyle-rekin jarraitu zuen ikasten Drexel Unibertsitatean. Han ezagutu zituen Violet Oakley eta Jessie Willcox Smith.[1]
Ilustratzailea[aldatu | aldatu iturburu kodea]
Green hemezortzi urterekin hasi zen argitaratzen, eta marrazkiak eta irudiak egiten zituen boligrafoz eta tintaz St. Nicholas Magazine, Woman's Home Companion eta The Saturday Evening Post egunkarietarako. 1901ean, esklusibotasun-kontratua sinatu zuen Harper's Monthlyrekin, eta argitalpenaren lehen emakume ilustratzailea izan zen. Liburuen, herri-erakundeentzako kartelen eta publizitateen ilustratzailea ere izan zen.[2]
-
The Journey, Josephine Preston, 1903 -
"Miguela" Harpers' Magazine, 1906 -
Giséle, Harpers' Magazine, 1908 -
Harpers' Magazine, 1922
Sariak[aldatu | aldatu iturburu kodea]
- 1905ean, Greenek Mary Smith saria irabazi zuen Pensilvaniako Arte Ederren Akademiaren urteko erakusketan.
- 1994an, Ilustratzaileen Elkartearen Ospearen Aretoan sartzeko hautatu zuten, hil ondoren.[3]
Bizitza pertsonala[aldatu | aldatu iturburu kodea]
Greenek Oakley eta Smithekiko adiskidetasun iraunkorra izan zuen.[1] Elkarrekin bizi izan ziren, lehenik, Arrosa Gorriaren Ostatuan (horrek "Arrosa Gorriko neskak" goitizena eman zien, Pylek jarria), eta, gero, Cogslean, Filadelfiako Mount Airy auzoko etxean.[4]
Green eta bere lagunak Emakume Berriaren idealaren adibide dira, XX. mendeko lehen hamarkadetan goraldian baitzegoen, eta emakume askori bide eman zien, besteak beste, ilustratzaile gisa karrera arrakastatsuak hasteko eta mantentzeko. The Plastic Club-eko kide izan zen Green. Estatu Batuetako emakume artistentzako elkarte zaharrenetako bat da, eta bere kideen lana eta lankidetza artistikoa sustatzeko sortu zen.[5]
Gurasoak hil ondoren, 1911n, hogeita hemeretzi urte zituela, Green Huger Elliott artista eta hezitzailearekin ezkondu zen, eta Cogsleatik alde egin zuen. Hurrengo hamarkadetan lanean jarraitu zuen, 30 liburu eta aldizkari kontaezinetan lanak argitaratuz. 1951n senarra hil ondoren, Green lagunekin eta lankideekin bizi izan zen berriro.[1] 1954ko maiatzean hil zen, minbiziaren aurkako borroka luze baten ondoren.
Erreferentziak[aldatu | aldatu iturburu kodea]
- ↑ a b c «Elizabeth Shippen Green» National Museum of American Illustration.
- ↑ «A Petal from the Rose: Illustrations by Elizabeth Shippen Green» Library of Congress.
- ↑ «Hall of Fame» The Society of Illustrators.
- ↑ «Violet Oakley Historical Marker» Explore PA History.
- ↑ «The Plastic Club Records» The Historical Society of Pennsylvania.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q590936
Multimedia: Elizabeth Shippen Green / Q590936