Elsa Scheelen

Wikipedia, Entziklopedia askea
Jump to navigation Jump to search
Elsa Scheelen
Jatorria
Egilea Jose Luis Alvarez Enparantza
Argitaratze-data 1969
Jatorrizko izenburua Elsa Scheelen
Argitaletxea Lur argitaletxea
OCLC 431182180
Ezaugarriak
Genero artistikoa eleberria
Hizkuntza euskara

Elsa Scheelen Jose Luis Alvarez Enparantzak, Txillardegik, idatzitako eleberria da. Lehen aldiz 1969an argitaratu zuen Lur argitaletxe sortu berriak.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Pertsonaia nagusia. Elsa Scheelenek 28 urte ditu nobela hastean. Frantses elebakar valoniarra; guraso sozialisten alaba; Monseko Jemappeseko (Belgika) langile auzoan jaioa. Zazpi urte zaharragoa eta aberatsa den Luc De Potter flandriarrarekin 1958ko udaberrian ezkondua, edertzat daukate inguratzen duten gizon guztiek. Emakumeen artean, berriz, ohituta dago errezeloa piztera.[1]

Bruselako Dieweg kaleko villa garesti batean bizi izan zen Lucekin ezkonberritan, baina Elsak haurrak nahi zituen —senarrak ez—, eta ginekologoak esan zionetik umerik ezingo zuela izan, handiegia bihurtu zitzaion etxea. Hala, etxe txikiago bat hartu zuten 1961eko otsailean, Moliere kalean. Hor bizi da Elsa, 1965eko urriaren 26an, nobela abiatzen denean; senarrak maitaleari idatzitako gutuna aurkitzen duenean.[1]

Erreferentziak[aldatu | aldatu iturburu kodea]

  1. a b Gurrutxaga Uranga, Amagoia. (2019/08/27). «'Elsa Scheelen' (Txillardegi, 1969)» BerriaCC BY-SA 4.0 lizentziapean.

Kanpo estekak[aldatu | aldatu iturburu kodea]