Enterococcus gallinarum
| Enterococcus gallinarum | |
|---|---|
| Sailkapen zientifikoa | |
| Erreinua | Bacillati |
| Filuma | Bacillota |
| Klasea | Bacilli |
| Ordena | Lactobacillales |
| Familia | Enterococcaceae |
| Generoa | Enterococcus |
| Espeziea | Enterococcus gallinarum [[|]] |
| Datu orokorrak | |
| Gram tindaketa | Grampositibo |
Enterococcus gallinarum Enterococcus generoko bakterioa da, gizaki eta animalia askoren hesteetan bizi dena. Infekzio nosokomialak sortzen ditu tarteka [1], meningitis eta bakteriemia eraginez, batik bat.
2018ko ikerketa batek agerian jarri zuen bakterio horrek heste-pareta zeharkatu eta odolera pasa zitekeela, gongoil linfatikoetara, gibelera eta barera iritsiz, gizakiengan eta saguengan gaixotasun autoimmunea sortuz. Enterococcus gallinarum aurkitu zen lupus eritematoso sistemikoa eta gaixotasun hepatiko autoimmunea (hepatitis autoimmunea eta kolangitis esklerosatzaile primarioa) zuten hainbat pertsonen gibeleko biopsietan. Erreakzio autoimmunea txerto bat edo muskulu barneko antibiotiko bat (bankomizina eta anpizilina) ematean saguengan ezabatzen zela frogatu zuen ikerketa horrek [2] [3].
Bankomizinari gero eta erresistentzia handiagoa garatu du Enterococcus gallinarum-ek. Mikrobio honek sortutako infekzioei aurre egiteko G penizilina, gentamizina eta teikoplanina erabiltzen dira.
Erreferentziak[aldatu | aldatu iturburu kodea]
- ↑ Bennett JE, Dolin R, Blaser MJ (2014-08-28). "Enterococcus Species, Streptococcus gallolyticus Group, and Leuconostoc Species". Mandell, Douglas, and Bennett's principles and practice of infectious diseases (8th ed.)
- ↑ Wein H (2018-03-26) Gut microbe drives autoimmunity National Institutes of Health (NIH)
- ↑ Kashef Z (2018-03-08) The enemy within: Gut bacteria drive autoimmune disease YaleNews
