Erasmus Quellinus II.a

Erasmus Quellinus II.a
Irudi gehiago
Bizitza
Jaiotza	Anberes, 1607ko azaroaren 19a
Herrialdea	Hegoaldeko Herbehereak
Heriotza	Anberes, 1678ko azaroaren 7a (70 urte)
Familia
Aita	Erasmus Quellinus I
Seme-alabak	ikusi Jan Erasmus Quellinus (en)
Anai-arrebak	ikusi Artus Quellinus Zaharra Hubertus Quellinus (en)
Familia	ikusi Jan Philip van Thielen (en) (koinatu)
Hezkuntza
Hizkuntzak	nederlandera
Irakaslea(k)	Peter Paul Rubens
Ikaslea(k)	ikusi Wallerant Vaillant
Jarduerak
Jarduerak	margolaria
Lantokia(k)	Anberes
Mugimendua	Flemish Baroque painting (en)

Erasmus Quellinus II.a, baita Erasmus Gaztea izenez ere ezaguna (Anberes, 1607ko azaroaren 19a, 1678ko azaroaren 7a) flandriar margolaria eta marrazkilaria. Artisten familia baten kidea; eskultoreak gehienak, besteak beste aita, Erasmus Quellinus I.a eta anaia, Artus Quellinus.

Biografia eta lana

Aitak eman zizkion lehendabiziko ikasketak baina bizibide margolaritza aukeratu zuenez, Caravaggioren estiloa erabiltzen zuten flandiar artistengan jarri zituen begiak, besteak beste Theodoor Rombouts edo Gerard Seghersengan.

1633 urtean Anberesen margolari zela, San Lukas taldeko kide egin zen eta  Rubensekin elkarlanean aritu izan zen. Anberesen, 1635 urteko apirilaren 15eko ospakizunerako, Fernando Austriakoaren behin-behineko luxuzko arkitektura lanak apaindu zituen. Ondoren Felipe IV.ak aginduta, Torre de la Parada apaindu zuen, Rubensekin elkarlanean. Hemen Quellinusek Rubensek egindako sei zirriborroen margoak egin behar zituen, hauek guztiak Pradoko Museoan ikusgai gaur egun. Une horretatik aurrera bere pinturak hanpatu kutsua hartuko du eta bere margoen gaiak mitologia, historia edo erlijioa izango dira.

Daniel Seghersekin  eta Jan Felipe van Thielen ezkonanaiarekin ere elkarlanean aritu izan zen eta 1656 urteaz geroztik, Artus Quellinus anaiarekin batera, Amsterdamgo udaletxeko dekorazioan lan egin zuen.

Diseinu irudiak ere egin zituen, besteak beste Thurn und Taxis familiaren historiari dagozkienak.

Bere estiloaren jarraitzaileen artean, Jan-Erasmus Quellinus semea izan zuen.

Erreferentziak

Literatura

• Vlieghe, Hans, Arte y arquitectura flamenca 1585-1700, Madril, Cátedra, 2000, 138-140 eta 156-157. orr., ISBN 978-84-376-1842-5
• Sanchez Rivera, Jesus Angel, Sobre una serie de cobres flamencos de pintores en la estela de Rubens, Anales de Historia del Arte (2011), 483-505. orr.

Wikimedia Commonsen badira fitxategi gehiago, gai hau dutenak: Erasmus Quellinus II.a

• Datuak: Q625228
• Multimedia: Erasmus Quellinus (II) / Q625228