Erramu-tximeleta

Wikipedia, Entziklopedia askea
Erramu-tximeleta
Brenthis daphne.jpg
Sailkapen zientifikoa
ErreinuaAnimalia
FilumaArthropoda
KlaseaInsecta
OrdenaLepidoptera
FamiliaNymphalidae
LeinuaArgynnini
GeneroaBrenthis
Espeziea Brenthis daphne
Datu orokorrak
OstalariaRubus

Erramu-tximeleta (Brenthis daphne) Euskal Herrian aurki daitekeen tximeleta bat da, Nymphalidae familiakoa.

Banaketa[aldatu | aldatu iturburu kodea]

Paleartiko erreinuko animalia da. Europa kontinentalean, Siberian, Korean eta Japonian aurkitzen da[1]. Baso ertz eguzkitsuak atsegin ditu eta itsasoaren mailatik 1.750 metrotarainoko eremuan aurkitzen da[2].

Deskribapena[aldatu | aldatu iturburu kodea]

Tamaina ertaineko tximeleta da, 30-44 mm-ko hegal zabalera duena. Kolore laranja-horixka duen tximeleta da eta ertzetan marra iluna du, erabat ixten ez dena. Hegalak nahiko borobiltsuak dira. Atzeko hegalen azpialdea argiagoa da, orbain zuriekin eta ertz morearekin marmolaren itxura ematen dio[2].

Beldarraren gorputza lerro marroi ilunek eta zuriek zeharkatzen dute aurretik atzera. Arantza marroiak ditu gorputz osoan zehar. Krisalidak dizdira metalikoak ditu.

Bizi zikloa[aldatu | aldatu iturburu kodea]

Maiatza eta abuztuaren hasiera artean ikusten da tximeleta, beti ere kokapenaren arabera alda daiteke. Emeak uztailean arrautzak jartzen ditu lahar edo mugurdiondo hostoen azpian, beldarra gero sasi horretaz elikatzen baita. Beldarrak neguan hibernatu egiten du[3] eta udaberrian krisalida eratu eta tximeleta heldua ateratzen da.

Errunaldi bakarra izaten du.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. «Brenthis» ftp.funet.fi (Noiz kontsultatua: 2022-03-11).
  2. a b «Brenthis daphne on euroButterflies by Matt Rowlings» www.eurobutterflies.com (Noiz kontsultatua: 2022-03-11).
  3. «Brenthis daphne (Denis & Schiffermüller, 1775) - Papillons de Poitou-Charentes» www.papillon-poitou-charentes.org (Noiz kontsultatua: 2022-03-11).

Kanpo estekak[aldatu | aldatu iturburu kodea]