Errusia-Ukraina mugako ipar-ekialdeko borrokak

Wikipedia, Entziklopedia askea
Errusia-Ukraina mugako ipar-ekialdeko borrokak
Ukrainako inbasioa (2022)
Data2022ko apirilak 6 – egun (2 urte eta 18 egun)
LekuaErrusia–Ukraina muga (Errusia eta Ukraina)
EgoeraMartxan
Gudulariak
 Errusia

 Ukraina

Indarra
Errusiako Indar Armatuak

Ukrainako Indar Armatuak

Galerak
ezezaguna ezezaguna
Zibil bat hil[2]

Errusia-Ukraina mugako ipar-ekialdeko borrokak Errusia eta Ukrainaren arteko mugaren ipar-ekialdean gertaturiko borroka-multzo bat dira; bereziki, baina ez soilik, Sumy Oblasteko Xostka Raionean gertatutakoak. Borroka hauek, beraz, 2022ko Errusiako Ukrainaren inbasioaren testuinguruan gertatutako hainbat muga-borroka dira, 2022ko maiatzaren 8an hasitakoak, soldadu errusiarrek Xostkako barrutia bonbardatzen hasi zirenean, morteroekin zein suziri-jaurtigailu anitzekin eskualde osoan zehar.[3]

Aurrekariak[aldatu | aldatu iturburu kodea]

Apirilaren 4rako, errusiar indarrek Sumy Oblastaren gehienetik alde egin zuten; halere, bonbardaketek jarraitu zuten mugaren ipar-ekialde osoan zehar.

Gertaerak[aldatu | aldatu iturburu kodea]

Apirilaren 6ean, Kursk Oblasteko Gobernadoreak adierazi zuen Sudzhanski Barrutiko –Kursk Oblastean– muga-postu bat bonbardatua izan zela –ustez, Ukrainako Indarrek–. Apirilaren 9an, bigarren muga-postu bat bonbardatu omen zuen ukrainarrek; kasu honetan, Jelizavetovka herrian [ru].[4]

Ukrainako funtzionarioen arabera, Errusiako Indarrek Errusia-Ukraina mugan bonbardatzen hasi ziren apirilaren 29an, mugako bi herri larriki kaltetuz;[5] izan ere, egun hartan, Gorodistxe [ru] izeneko Errusiako kokagunetik 30 mortero baino gehiago jaurti ziren.

Errusiako Indarrak maiatzaren 8an hasi ziren Xostka barrutian zehar misilak jaurtitzen. Egun hartan, Errusiako Indarrek hilerri judu bat suntsitu zuten.[6] Maiatzaren 12an, zibil bat hil zen misil-erasoen ondorioz.[2] Maiatzaren 13an, Errusiak Xostka barrutiko mugako herri baten aurka tiro egin zuen, gidatu-gabeko aire-misilak erabiliz.[7]

Bonbardaketek jarraitu ahala, Errusiako Indarrek Ukrainako Muga Guardiako elementu batzuk garaitu zituzten eta, jarraian, Xostka barrutian sartu ziren maiatzaren 16an.[1] Borrokek maiatzaren 17ra arte jarraitu zuten; azkenean, errusiarrak oblastetik kanporatu zituzten arte.[8]

Maiatzaren 21ean, Errusiaren 6 aire- eta artilleria-erasoek Kutxerivka muga-kokagunea jo zuten.[9] Errusiaren gerra-hegazkinek Xostkako bi herri jo zituzten maiatzaren 24an.[10]

Maiatzaren 28an, Errusiako gerra-hegazkinek Ukrainako muga jo zuten berriro; gainera, Errusiako Troebortnoe herrixkatik mortero-tiroka hasi ziren ere.[11] Errusiako Indarrek fletxetak erabili zituzten Xostka barrutiko muga-herrien aurka, maiatzaren 30ean. Fletxetak, aurretik, Butxako zibilak hiltzeko erabili ziren Butxako guduan zehar, gerraren hasieran. Errusiako Indarrek, gainera, herri bat bonbardatu zuten gau osoan.[12] Kyiv Independenten arabera, egun hartako muga-bonbardaketak Errusiako Ziornovo hiritik burutu ziren.[13]

Erreferentziak[aldatu | aldatu iturburu kodea]

  1. ↑ a b (Ingelesez) Strozewski, Zoe. (2022-05-16). «Russian sneak attack on Sumy area fails, Putin forces lose Ukrainian ground» Newsweek (Noiz kontsultatua: 2022-05-30).
  2. ↑ a b (Ingelesez) CNN. (2022-05-12). «May 12, 2022: Russia-Ukraine news» CNN (Noiz kontsultatua: 2022-05-30).
  3. ↑ «Russia shells 2 of Ukraines border regions with mortars and multiple rocket launchers» news.yahoo.com.
  4. ↑ (Errusieraz) «У Курській області заявили про черговий обстріл з боку України» ua.korrespondent.net (Noiz kontsultatua: 2022-06-01).
  5. ↑ https://www.ukrinform.net/amp/rubric-ato/3470568-sumy-region-comes-under-fire-from-russian-territory.html
  6. ↑ Daventry, Michael. «Russian rockets strike Jewish cemetery in Ukraine, culture minister says» www.jewishnews.co.uk.
  7. ↑ «Russian troops shell border settlement in Chernihiv region» www.ukrinform.net.
  8. ↑ «Russia is shelling the border area in two oblasts of Ukraine, hitting its own territory and threatening the area with aircraft» news.yahoo.com.
  9. ↑ «Borders of Sumy region shelled from Russian territory» news.yahoo.com.
  10. ↑ «Russians fire mortars on border areas of Sumy region» www.ukrinform.net.
  11. ↑ https://news.yahoo.com/sumy-oblast-missile-strike-woman-173617820.html
  12. ↑ https://news.yahoo.com/russians-fired-sumy-region-artillery-084536105.html
  13. ↑ (Ingelesez) «Russia Shelled Sumy Oblast on May 30. In Just One Hour, the Russian Military ... - Latest Tweet by The Kyiv Independent | 🌎 LatestLY» LatestLY (Noiz kontsultatua: 2022-06-01).

Kanpo estekak[aldatu | aldatu iturburu kodea]


"https://eu.wikipedia.org/w/index.php?title=Errusia-Ukraina_mugako_ipar-ekialdeko_borrokak&oldid=9534384"(e)tik eskuratuta