Esneduna (margolana)

Esneduna (margolana)
	Irudi gehiago
Jatorria
Sortzailea(k)	Jan Vermeer
Sorrera-urtea	1660
Izenburua	Het melkmeisje, The Milkmaid, La Laitière, 牛乳を注ぐ女 eta ساقية الحليب
Mugimendua	Barrokoa; Herbehereetako margolaritzaren Urrezko Aroa
Jatorrizko herrialdea	Herbehereak
Ekoizpen lekua	Delft
Komisarioa	Pieter van Ruijven (en)
Ezaugarriak
Materiala(k)	Margo-oihala eta olio-pintura
Dimentsioak	45,5 () × 41 () cm ;
Genero artistikoa	genero-artea
Egile-eskubideak	jabetza publiko
Deskribapena
Iconclass	47I22311, 41A773, 41B23, 41C621, 41C6413, 41C222, 41C21, 41A7751, 42F51, 41A2, 41A33, 41A771 eta 41C211
Kokapena
Lekua	Gallery of Honour (en)
Bilduma	Rijksmuseum
Inbentarioa	SK-A-2344
Jabea	Pieter van Ruijven (en) , Magdalena van Ruijven, Pieter van Ruijven (en) , Lucretia Johanna van Winter, Hendrik Six van Hillegom (en) , Jan Pieter Six VI (en) , Pieter Hendrik Six van Vromade, Jan Six van Vromade (en) eta Rijksmuseum
Historia
Erakusketak	Vermeer and the Masters of Genre Painting. Inspiration and Rivalry. (en) ; Vermeer (en)
Gertaera nabarmenak	1696ko maiatzaren 16a; Banaketa-kanal — Amsterdam; 1719ko apirilaren 12a; Banaketa-kanal — Amsterdam

Esneduna (nederlanderaz, Het melkmeisje edo, halaber, De keukenmeid nahiz De melkmeid) Johannes Vermeer herbeheretar artistaren margolan ezagunetariko bat da. Datazioa, artistaren lan gehienekin gertatzen den bezala, ez da zehatza. Oihal gaineko olio-margolan txikia da. Amsterdamgo Rijksmuseum museoan erakusgai dago.

Deskribapena

Gaia egunerokotasunarekin lotutako genero-eszena bat da. Eszenan etxe baten neskame bat lanean ikus daiteke. Emakumea pitxer batetik mahai gainean dagoen katilu batean esnea ari da botatzen. Mahai berean, lehen planoan, beste objektu batzuk daude: zumezko saskia, ogi zati batzuk eta pitxer urdin bat; multzoa benetako izadi hila da. Neskamea bere lanean erabat murgilduta dago, bestetik.

Gela apaindura gutxikoa da. Hormetan ez dago elementu dekoratiborik, lan-tresnak bakarrik: zintzilik dagoen saskia eta metalezko beste objektu bat. Dena dela, hormetan narrioak eta iltzeak daude. Apaingarri bakarra ia lurrean dagoen lauza berinaztatu apainduen lerro bat; bitxiak dira azulejuetako irudiak.

Gelari bazter batean dagoen leiho batek argi egiten dio.

Azterketa

Margolan horretan bi kontzeptu hasieran kontrajarri nabarmentzen dira: monumentaltasunaren itxura eta, halaber, lasaitasunaren sentipena. Neska bere lanean buru-belarri sartuta dago, bere munduan murgilduta, gauza apalen mundu batean, alegia. Esan da Vermeerrek emakumeari estatua klasiko baten keinua eman diola, hor, argipean lanean.

Kolore nagusiak urdinak eta krema-koloreen tonuak dira.^[1]

Erreferentziak

↑ Egile Batzuk. (2010). Técnicas y medios artísticos. Centro de Estudios Ramón Areces S. A. ISBN 978-84-9961-002-3.

Kanpo estekak

(Ingelesez):Rijksmuseumeko webguneko informazioa.
(Ingelesez):Lanaren azterketa.

Wikimedia Commonsen badira fitxategi gehiago, gai hau dutenak: Esneduna (margolana)

Datuak: Q167605
Multimedia: The Milkmaid by Johannes Vermeer / Q167605

[1] Egile Batzuk. (2010). Técnicas y medios artísticos. Centro de Estudios Ramón Areces S. A. ISBN 978-84-9961-002-3.

[1]