Estoniako Musika eta Antzerki Akademia

Estoniako Musika eta Antzerki Akademia
Datuak
Izen ofiziala	Eesti Muusika- ja Teatriakadeemia
Mota	musika eskola, kontserbatorioa eta unibertsitatea
Herrialdea	Estonia
Eskumendekoak	Drama School at Estonian Academy of Music and Theatre (en) eta library of Estonian Academy of Music and Theatre (en)
Agintea
Egoitza nagusi	Tatari tänav, 13; Tallinn; 59°25′53″N 24°44′52″E / 59.431318°N 24.747859°E;
Legezko forma	juridical person in public law (en)
Historia
Sorrera	1918ko azaroaren 17a
	webgune ofiziala;

Estoniako Musika eta Antzerki Akademia (Eesti Muusika- ja Teatriakadeemia) Estonia Elkarteko Musika Saileko (EMD) abesbatza misto gisa hasi zen Lehen Mundu Gerraren atarian. Estonia Elkartearen batzarrak Tallinneko Goi Mailako Musika Eskola sortu zuen 1918ko azaroaren 17an. Inaugurazio ekitaldia 1919ko irailaren 28an izan zen. 1923an hezkuntza erakundeak Tallinn Kontserbatorioa izena hartu zuen. 1938an Estatuko Antzerki Eskola ireki zen. 1993an, eskolak Estoniako Musika Akademia izena hartu zuen. 1995ean Antzerki Fakultateak Antzerki Goi Eskola izena hartu zuen.

Estoniako Musika Akademiako lizentziatu ospetsu batzuk Aile Asszonyi, Heli Lääts eta Ain Anger abeslariak, Roman Matsov, Tõnu Kaljuste, Olari Elts, Eri Klas eta Kristiina Poska zuzendariak, Arvo Pärt, Lepo Sumera, Erkki-Sven Tüür eta Ardo Ran Varres musikagileak, Andres Puustusmaa zuzendaria, eta eta Tõnu Aav, Heino Mandri, Elmo Nüganen, Ain Lutsepp, Margus Oopkaup, Jan Uuspõld, Tõnu Tepandi eta Taavi Eelmaa aktoreak.

Historia

Sorrera

Tallinneko Goi Mailako Musika Eskola egungo EAMTren aurrekaria izan zen, inaugurazio ekitaldia 1919ko irailaren 28an egin zelarik, Estoniako Kontzertu Aretoan. 1919-1923 bitartean, eskolako zuzendaria Mihkel Lüdig izan zen. 1923an Tallinn Conservatoire izena hartu zuen. Kontserbatorioaren maila akademikoa nahiko altua izan zela esan daiteke, bertako ikasle askok nazioarteko lehiaketetan parte hartu baitzuten 1930eko hamarkadan. Horien artean arrakastatsuena Tiit Kuusik izan zen, 1938an Vienako Nazioarteko Kantu Lehiaketan lehen saria eman ziotena. Kontserbatorioa 1935ean nazionalizatu zen. 1938an Estatuko Antzerki Eskola ireki zen.

Bigarren Mundu Gerra eta sobietar aroa

Alemaniar okupazio botereak iritsi ondoren, kontserbatorioak bere aurreko irakaskuntza jarduerak berrezartzeko borrokatu zuen. 1944ko martxoaren 9ko aire erasoan, kontserbatorioaren eraikina, baita bere ekipamendu gehiena ere, ia erabat suntsitua izan zen. 1944ko azaroan, beste botere aldaketa baten ondorioz, kontserbatorioa berriro ireki zen. Kontserbatorioko sormen giroa 1950eko hamarkadaren erdialdean hasi zen berpiztea ikusten. 1957an Drama Fakultatea eratu zen kontserbatorioan, Voldemar Panso bere lehen buru bihurtu zelarik. 1989an bere antzinako izena berreskuratu zen –"Tallinn conservatoire"–. Lau urte geroago, eskolak “Estoniako Musika Akademia” (Eesti Muusikaakadeemia) izena hartu zuen.

Postindependentzia eta gaur egun

1992an ikasketa-egituraren erreforma zabala egin zen eta eskolak subjektuetan oinarritutako ikasketa-sistema hartu zuen. Graduko ikasketak ezarri ziren, lau urteko programako ikasleek lizentziatura bat jaso ahal izateko. 1993an, bi urteko master programa bat gehitu zen. 1996an musikologiako lau urteko doktorego programa bat sartu zen, eta 2000. urtean, berriz, interprete eta konpositoreentzako curriculum espezifikoak diseinatu ziren. 2006an arte dramatikorako programa berri bat gehitu zen, enfasi sortzailea ere baduena. 1999tik Estoniako Musika Akademiak Tallinn erdialdean dagoen eraikin batean du egoitza. 2002az geroztik, Kultura Kudeaketako MA Bateratua eskaintzen du, Estoniako Arte Akademiarekin eta Estoniako Negozio Eskolarekin lankidetzan.^[1] Estoniako Musika eta Antzerki Akademia 2005. urtean sortu zen.

Estoniako Musika eta Antzerki Akademiaren Orkestra Sinfonikoa

Akademian, Estoniako Musika eta Antzerki Akademiaren Orkestra Sinfonikoa ari da. Orkestra ziurrenik 1921ean sortu zen.

Errektoreak eta zuzendariak

1919–1923 Mihkel Lüdig (zuzendaria)
1923–1933 Jaan Tamm
1933–1940 Juhan Aavik
1940ko abuztua eta azaroa bitartean Riho Päts (antzezle zuzendaria)
1940–1941 Ksenia Aisenstadt (zuzendariordea)
1941–1944 Vladimir Alumäe (zuzendaria)
1941–1944 Juhan Aavik
1944–1948 Vladimir Alumäe
1948–1951 Bruno Lukk
1951–1952 Georg Ots
1952–1964 Eugen Kapp
1964–1970 Vladimir Alumäe
1970-1982 Viktor Gurjev
1982–1992 Venno Laul
1992-2017 Peep Lassmann
2017–... Ivari Ilja

Ikasle ohiak

Evald Ave, Estoniako opera nazionalaren sortzaileetako bat
Gustav Ernesaks, koru-zuzendaria
Voldemar Kuslap, baritono abeslaria
Boris Parsadanian, konpositorea eta Eesti Kontsert zuzendaria
Arvo Pärt, musika klasiko eta erlijiosoaren konpositorea
Peeter Saan, Estoniako Defentsa Indarren Bandako komandantea (1996-2019)

Erreferentziak

↑ (Ingelesez) «Cultural Management and Humanities | Eesti Muusika- ja Teatriakadeemia» www.ema.edu.ee.

Kanpo estekak

Datuak: Q1370342
Multimedia: Estonian Academy of Music and Theatre / Q1370342

[1] (Ingelesez) «Cultural Management and Humanities | Eesti Muusika- ja Teatriakadeemia» www.ema.edu.ee.

[1]