Estreptomizina

Wikipedia, Entziklopedia askea
Jump to navigation Jump to search
Estreptomizina
Streptomycin3.svg

Estreptomizinaren egitura kimikoa
(IUPAC) izena
5-(2,4-diguanidino-
3,5,6-trihydroxy-cyclohexoxy)- 4-[4,5-dihydroxy-6-(hydroxymethyl)
-3-methylamino-tetrahydropyran-2-yl] oxy-3-hydroxy-2-methyl
-tetrahydrofuran-3-carbaldehyde
Datu klinikoak
Legezko egoera
?
Bideak muskulu barneko bidetik, zain barneko bidetik
Datu farmakozinetikoak
Bioerabil-
garritasuna
% 84-% 88
Batez besteko bizitza 5-6 ordu
Iraizpena giltzurrunetik
Identifikatzaileak
CAS zenbakia 57-92-1
ATC kodea A07AA04
PubChem CID 5999
DrugBank DB01082
ChEBI 17076
Datu kimikoak
Formula C₂₁H₃₉N₇O₁₂
Masa mol. 581,574 g/mol

Estreptomizina aminoglikosidoen taldeko antibiotikoa da, 1943an S.A. Waksman-ek aurkitutakoa, Streptomyces griseus bakteriotik. Aurkikuntza horrek Medikuntzako Nobel Saria eman zion zientzialari estatubatuarrari 1952an.

Estreptomizina espektro zabaleko antibiotikoa da, bakterio Gram negatibo zein mikobakterioen aurka erabiltzen dena. Gram positiboen aurrean, baina, ez da hain eraginkorra.


Erasobidea[aldatu | aldatu iturburu kodea]

Estreptomizinak, antibiotiko guztien antzera, toxikotasun hautakorraren araua betetzen du: eraso egiten die bakterioei, giza-zelulak kaltetu gabe. Zehatz esanda, bakteriar erribosomak kaltetzen ditu, baina giza-zelulen erribosomak ez ditu mintzen.

Bakterioen erribosomak eta zelula eukariotoenak desberdinak dira. Estreptomizinak bakteriar erribosomei atxikitzeko gaitasuna du, proteinen sintesia oztopatuz. Proteinak sortu ezean, bakterioak berehala hiltzen dira.


Aplikazioak[aldatu | aldatu iturburu kodea]

Estreptomizina izan zen tuberkulosiaren aurka erabilitako lehen antibiotikoa. Gaur egun ere erabiltzen da, beste antibiotiko batzuekin konbinatuta.

Zenbait bakterio Gram negatibok (Yersinia, Escherichia, Brucella...) sortzen dituzten gaitzak sendatzeko estreptomizina da aukerako antibiotikoa ere.

Pestizida moduan erabiltzen da, bakterioen hazkuntza ekiditeko landareetan.

Plazenta-hesia zeharkatzen duenez, emakume haurdunei ez zaie eman behar.

Wikimedia Commonsen badira fitxategi gehiago, gai hau dutenak: Estreptomizina Aldatu lotura Wikidatan